Paltiing 12:3 - Ya Baru nga Tulag

³ Ket itun, uwed sabali manin nga nakaskasdaaw nga pagilasinan nga nasingen iya abac lawa, ta uwed met dackel nga sinan-buwaya nga maawagan ka dragun. Nadgang ya kulur nito dragun. Pitu met ya ulu na, se̍ sangapulu ya sacgud na, ket uwed kuruna niya tunggal isa kadito pitu nga ulu na.

Paltiing 12:3 Iomraidhean Croise

Paltiing 12:1

Ket itun, uwed nasingen iya abac lawa nga nakaskasdaaw nga pagilasinan. Itu ya isa nga babey, nga arig met nga naikawwes ya sinag iginan. Ket ya bulan met ya pagsikadan na. Ket ya ulu na, nabalangatan ka kuruna nga uwed sangapulu ket duwa nga bituwen na.

Paltiing 12:13

Ket ito nadlaw nito dragun nga naidegsut iya ginet tin, nawe̍ na met riniwidan to babey nga nangiyanac ito ebbing nga lalaki.

Paltiing 12:17

Ket nakaunget ngarudin to dragun ito babey. Itu nga nawe̍ na ginubat diya duduma pekkem nga an-anac nito babey, nga igida diya agtungtungpal kadiya bilbilin ne̍ Apu Diyus se̍ mangipatpateg iya pudnu nga nipakaemmu ne̍ Je̍sus.

Paltiing 12:4

Ket to ipus na, inapras na met ya pagkatlu diya bitbituwen iya abac lawa, ket naidegsut da iya ginet tin. Ket to dragun, nagsisikadin ito sangu nito babey nga dandani aganac kin, ta gabay na nga kanen kuma ya ke̍bit nito babey, no maiyanac kin.

Paltiing 12:7

Ket itun, uwed gubat ka langitin, ta e̍ Anghe̍l Mige̍l se̍ diya kabulun na nga anghe̍le̍s, ginubat da to dragun se̍ dito anghe̍le̍s na. Ket nakigubat met to dragun se̍ dito anghe̍l na igida.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.

Paltiing 13:1

Ket itun, uwed nasingec nga isa nga nakan-ansing nga animal nga lumlumpuwas iya baybay. Pitu met diya ulu na, ket uwed sangapulu nga sacgud na, nga nakurunaan ya tunggal sacgud. Ket iya tunggal ulu na, uwed naisurat nga nagan nga makainsultu e̍ Apu Diyus.

Paltiing 13:2

Arig nga liyupardu met ya beggi nito animal nga nasingec. Ket diya sacsaka na, arig nga saka niya usu. Ket ya musung na, arig nga musung niya liyun. Ket to nakan-ansing nga animal, itu ya nangitalkan nito dragun iya pannakabalin na, se̍ ya kinaari na, se̍ ya dackel nga kinaturay na.

Paltiing 13:4

Ket dinaydayaw diya amin nga toltoley to dragun, gapu ta igina ya nange̍cde̍ iya kinaturay na ito nakan-ansing nga animal. Se̍ dinaydayaw da pe̍ to nakan-ansing nga animal, nga kinunen da, “Awan kapada nidi nga animal! Awan makaabac igina!” kunen da.

Paltiing 15:1

Ket itun, uwed nasingec nga sabali manin nga pagilasinan ka langit, nga dackel se̍ nakaskasdaaw. Ta uwed met pitu nga anghe̍le̍s, ket uwed igida ya kabaellan nga mange̍cde̍ ka pitu nga panagrigat. Ket itu didi diya modi nga panagrigat nga pangdusa ne̍ Apu Diyus, ta didi ya panggibusan niya panggep ne̍ Apu Diyus maipanggep iya unget na.

Paltiing 16:13

Ket uwed nasingec itun nga tellu nga mangpadake̍c nga sairu nga arig da nga tukac. Ket rinumwar met didi kadito musung nito dragun, se̍ to nakan-ansing nga animal se̍ to busid nga mammadtu.

Paltiing 17:12

“Ket uwed pe̍ sangapulu nga duduma nga ari. Ket dito nasingem nga sangapulu nga sacgud nito nadgang nga animal, ket kaiyarigan da didi nga sangapulu nga ari nga madi pekkem nae̍cdan ka turay nga agari. Ngem mae̍cdan da nad ka gundaway nga makipagturay ito animal ka unus ngas isa nga uras.

Paltiing 17:16

Ket dito nasingem nga sangapulu nga sacgud se̍ to nadgang nga animal, ket kaiyarigan da diya manggura nad ito sinan-huste̍s. Ket arig nga alac da nad met ya kinabacnang na, se̍ ipac da dito napaw-is nga kawwes na. Ket patayen da met, nga kanen da nad ya sebbit na, se̍ da pooran nad ya nabuna nga bangkay na.

Paltiing 17:7

Ket kinunen nito anghe̍l iyaken, “Ape̍ nga nasdaaw ka iya nasingem? Ibagac ngarud ikew ya kaipapennan nito babey se̍ to nagsakayan na nga animal nga uwed pitu nga ulu na se̍ sangapulu nga sacgud na.

Paltiing 19:12

Ket arig nga gumilgilab nga apuy diya mata nito nakasakey, ket adu diya balangat iya ulu na. Ket uwed met nagan nga naisurat igina, ngem igina ngas ya makaemmu iya kaipapennan na.

Paltiing 20:2

Ket tiniliw mettin nito anghe̍l to dragun, nga itu to sinan-malaga nga uwed itun pekkem, nga itu mettas ya diyablu winno Satanas. Ket niraked met nito anghe̍l, tasun madi makatalew ka unus sangaribu nga dagun.