Paltiing 12:12 - Ya Baru nga Tulag

¹² Dikad pe̍ anggem kuma ngas ya uwed ka langitin, se̍ uwed kuma ngarud pe̍ yin pakaragsakan diya aged-edyan ka langit! Ngem no ya ginet se̍ baybay iya lubung, kackaasi da nga gennung, ta itu ya nagdessagan nito diyablu win. Ket napalaus ya unget nan, ta emmu na nga e̍teng ngin ya gundaway nan,” kunen met nito timec.

Paltiing 12:12 Iomraidhean Croise

Lukas 15:10

“Ket pudnu met nga agten pe̍ iyan ya anggem diya anghe̍le̍s ne̍ Apu Diyus gapu iya orey isa ngas nga managbasul nga agbabawi,” kunen na.

Lukas 2:14

“Madaydayaw nge̍ Apu Diyus nga uwed iya kangatuwan nga edyan. Ket idi nga lubung, uwed kuma talna kadiya toltoley nga pakaay-ayuwan na,” kunen da.

He̍briyu 10:37

Ta agten ito naisurat iya Bibliya nga kunen na, “Iya di mabayag, umbe̍t ngarudin ya it-itonan nu, ket madi met agtactac.

2 Pe̍dru 3:8

Ket dakayu nga patpatgec, madi kayu kuma le̍ple̍panan yani: No iya panpanunut ne̍ Apu Diyus, agpada met ya kabayag niya isa nga algew se̍ iya isa nga ribu nga dagun. Ta no igina, ibilang na ngas nga agpadpada ya isa nga ribu nga dagun se̍ ya isa nga algew.

Paltiing 10:6

Ket pagsapata na ya kinaturay ne̍ Apu Diyus nga sibibiyag ka agnanayun nga awan patingga na, nga igina met ya namarsuwa iya langit, iya ginet, se̍ iya baybay, agraman diya amin nga uwed kadidi. Ket kinunen ngarud nito anghe̍l ito sapata na, “Nadatngan mettin ya kustu nga timpu win, ket awan ngarud makaigapusin!

Paltiing 11:10

Ket pakaragsakan nad mettin diya toltoley nga uwed iya lubung ya pannakatey dito duwa. Agraragsac nad ngarud diya toltoley, se̍ agsisinnagut da nad pe̍ gapu ta natey yin dito duwa nga mangipadamag. Ta gapu kadito duwa, adu ya pakarigatan diya toltoley nga uwed iya lubung iyan nga timpu.

Paltiing 11:14

Ket itu yan to maikadduwa nga panagrigat diya toltoley. Ket dagus met nga sumarunu win ya maikatlu nga panagrigat da iya di mabayag.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.

Paltiing 13:6

Rinugiyan na nga ininsultu nge̍ Apu Diyus, ta dake̍c to nikagkagi na maipanggep iya nagan se̍ pagedyanan ne̍ Apu Diyus, se̍ maipanggep kadiya amin nga makipagedyan igina ka langit.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!

Paltiing 8:13

Ket itun, pinumsekkac manin, ket nasingec ya isa nga bugkew nga agkaykayab iya abac lawa, ket nagicnac met to kinagi na ka nabileg, nga kinunen na, “Ay-aay! Kackaasi kayu nga unayin, dakayu nga uwed pekkem iya lubung bayat niya panagpauni diya tellu pekkem nga anghe̍le̍s kadiya tangguyub da, ta itu nad diya tellu pekkem nga panagrigat nu. Ket sisasagana da met nga mangpauni yin!” kunen na.

Paltiing 9:12

Ket itu yan to nona nga panagrigat diya toltoley. Ket ala! Uwed pekkem duwa nga sumarunu!