Paltiing 12:1 - Ya Baru nga Tulag

¹ Ket itun, uwed nasingen iya abac lawa nga nakaskasdaaw nga pagilasinan. Itu ya isa nga babey, nga arig met nga naikawwes ya sinag iginan. Ket ya bulan met ya pagsikadan na. Ket ya ulu na, nabalangatan ka kuruna nga uwed sangapulu ket duwa nga bituwen na.

Paltiing 12:1 Iomraidhean Croise

Matyu 12:38

Ket uwed da itun manursuru iya Linteg Hudyu, se̍ dito Parisiyu, nga kinunen da e̍ Je̍sus, “Mistru, uwed kuma masingen mi nga pagilasinan nga arimanem,” kunen da.

Matyu 24:30

Ket itu nad ya panagparang niya pagilasinan iya ngudu maipanggep iya Anac nga Naipatoley. Ket iyan nad nga timpu win, agberberrit diya toltoley kadiya amin nga pagpagiliyan iya lubung. Ket masingen da nad mettin ya Anac nga Naipatoley nga uwed nad iya sap-ew diya ulep, nga umbe̍t manipud ka langit. Ket maipasingen nad ngarud ya pannakabalin na se̍ ya nakaskasdaaw nga kinadayaw na.

Markus 13:25

Ket diya bitbituwen, agterterkag da nad met manipud iya abac lawa. Ket diya pannakabalin nga uwed iya abac lawa, ket makusu da nad mettin.

Lukas 21:11

Uwed da nad met pe̍ nabileg nga yegyeg, se̍ uwed da nad pe̍ panagbisin se̍ makaalis nga sakit kadiya nadumaduma nga lugar. Ket iya abac lawa, uwed nad diya agparang nga nakan-ansing nga banag se̍ nakaskasdaaw nga pagilasinan.

Lukas 21:25

“Ket uwed da nad pagilasinan nga masingen iya sinag, iya bulan, se̍ kadiya bitbituwen. Ket idi nga ginet, uwed da nad pakasikuran diya nasnasyun gapu iya ansing diya toltoley iya nabileg nga ungug niya baybay se̍ kadiya palung.

Juan 3:29

“Kaspagarigan ya nubyu, ket igina met ya mangasawa iya nubya. Ket ya gayyem niya nubyu, igina met ya agsiput se̍ agdengdengngeg nga siraragsac iya maariman iya pakalun, ket agang-anggem nga unay no magicna na ya kagi niya nubyu. Ket iyaken, agten nac pe̍ iyan, ta agang-anggem mac nga unayin.

Aramid 2:19

Uwed nad ipasingec nga nakaskasdaaw iya abac lawa, se̍ pagilasinan iya sap-ew niya ginet, ta uwed nad daga, apuy, se̍ napuskul nga asuc.

Ruma 13:14

Ngem ya wanglen nu kuma nga gennung, ipada nu ngas ya ugali nu iya ugali ne̍ Apu Je̍su Kristu. Ket madi kayu palubusanin ya panangtungpal nu kadiya dake̍c nga tarigagay niya kinatoley nu.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

2 Kurintu 11:2

Ta arig nga iyimun nakayu, gapu iya napasnec nga panangasikasuc dakayu, nga agten mettas iya panangasikasu ne̍ Apu Diyus dakayu. Ta iyaken, maiyarig gac iya mangiyasawa dakayu e̍ Kristu. Ket dakayu ya maiyarig iya isa nga nadalus nga nubya nga naitulag e̍ Kristu nga nubyu na, nga ig-igina ngas ya pakiasawaan na.

Galasiya 3:27

Ta dakayu nga nabautisaranin gapu iya pannakitipun nu e̍ Kristu, nipada nu ya gangey nu iya gangey ne̍ Kristu win.

Galasiya 4:26

Ngem dactida, bekken tida nga agten kadiyan nga patagabu. Ta ya maiyarig nga ina tida, bekken nga ya ili nga He̍rusale̍m idi nga lubung, no di lugud ya ili nga He̍rusale̍m ka ngudu nga makasakup kadiya an-anac na nga nawayawayaan.

Galasiya 6:14

Ngem no iyaken, pulus met nga madic agpasindayaw kadiya wangwanglen toley. Ta no iyaken, itun nas pannakatey niya Apu tida nga Je̍su Kristu ito krus na ya ipatpateg kun. Ta gapu iya pannakairaman ku ito pannakailansa na ito krus, arig nga nailansa pe̍ nga napirdi yin ito krus na ya pannakaawis ku kadiya wangwangel nga masingen toley. Se̍ arig met nga nisangailansa ngac pe̍ ito krus na, ta naipac iyaken nin to panangipateg ku kadiyan.

E̍pe̍su 5:32

Uwed met nauneg nga maadal tida idi. Ket ya pannakaawat ku idi nga banag, ket kaiyarigan na met nge̍ Kristu se̍ ya bungguy mamati nga naitipun igina.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.

Paltiing 11:19

Ket itun, nalukatanin to te̍mplu ne̍ Apu Diyus ka langit, ket masingen nin iya uneg nito te̍mplu na to lakasa nga pakalaglagipan ito tulag nga nikari na. Ket nagselsel-it met itun, se̍ uwed pe̍ duduma nga nabileg nga un-uni. Ket naged-eddug, se̍ nangyegyeg met pe̍ itun, ket naglalagu ka adu pe̍ yin.

Paltiing 12:3

Ket itun, uwed sabali manin nga nakaskasdaaw nga pagilasinan nga nasingen iya abac lawa, ta uwed met dackel nga sinan-buwaya nga maawagan ka dragun. Nadgang ya kulur nito dragun. Pitu met ya ulu na, se̍ sangapulu ya sacgud na, ket uwed kuruna niya tunggal isa kadito pitu nga ulu na.

Paltiing 15:1

Ket itun, uwed nasingec nga sabali manin nga pagilasinan ka langit, nga dackel se̍ nakaskasdaaw. Ta uwed met pitu nga anghe̍le̍s, ket uwed igida ya kabaellan nga mange̍cde̍ ka pitu nga panagrigat. Ket itu didi diya modi nga panagrigat nga pangdusa ne̍ Apu Diyus, ta didi ya panggibusan niya panggep ne̍ Apu Diyus maipanggep iya unget na.

Paltiing 21:14

Ket to bakud nito siyudad, naisimpa ka sangapulu ket duwa nga batu nga itu ya nakaisaadan na. Ket naisurat kadidi diya sangapulu ket duwa nga nagnagan diya sangapulu ket duwa nga apustule̍s niya Urbun Karne̍ru.

Paltiing 21:23

Se̍ madi met masapul ya sinag winno ya bulan nga mangwada ito siyudad, ta ya dayag mettas ne̍ Apu Diyus ya mangwadwada antuni nin. Ket ya Urbun Karne̍ru, igina met ya pagdilag niyan nga siyudad.