Paltiing 11:8 - Ya Baru nga Tulag

⁸ Ket maiwalang ngas nad met diya bangkay dito duwa iya kalsada ito dackel nga siyudad, nga itu met to siyudad nga nakailansaan nito Apu da ka krus. Ket iyan nga siyudad, maawagan ka Suduma se̍ E̍hiptu, gapu ta maiyarig pe̍ kaditun.

Paltiing 11:8 Iomraidhean Croise

Matyu 10:15

“Ket ibagac dakayu ya kinapudnu na, nga no timpu nad niya panangukum, nangnangruna nad nga kaasiyan ne̍ Apu Diyus dito iSuduma se̍ iGumura ngem diya toltoley iyan nga ili nga madi mangrispitar dakayu.”

Aramid 9:4

Ket e̍ Saulu, natuwang ngarud iya ginet tin. Ket uwed timec nga nagicna na nga kinunen na, “Saulu, Saulu, ape̍ parparigaten nac?” kunen na.

He̍briyu 13:12

Ket agten ngarud pe̍ iyan nge̍ Je̍sus, ta iya laskig niya siyudad to nagsagabaan na. Ket natey antuni tasun gapu iya daga na mettas, madalusan diya toltoley kadiya basbasul da.

He̍briyu 6:6

se̍ da latta sumina iya panamati da, ket awan ngarud makapababawi igidan iya panamati da. Ta diya agten iyan nga toley, arig nga gabay da nga ilansa manin ya Anac ne̍ Apu Diyus iya krus na, nga iyal-alyew da iya imatang diya toltoley.

2 Pe̍dru 2:6

Ket dito ili nga Suduma se̍ Gumura pe̍, pinooran ne̍ Apu Diyus, nga itu ya panangdusa na kadito agdacdake̍c nga toley kadiyan nga il-ili. Ket to panangpukaw na kaditun nga toley, itu ya panangipasingen na no kumaan nad pe̍ ya panangdusa na kadiya duduma nga toley nga madi agdayaw igina.

Hudas 1:7

Ket malagip nu ngarud pe̍ to nagbanagan dito toltoley ka Suduma se̍ Gumura itun, se̍ diya toltoley kadiya kabangibang da nga il-ili. Dake̍c met to winangwangel da, nga paris mettas nito winangel dito anghe̍le̍s. Ta makikamkamalala met dito toltoley, se̍ tinungtungpal da met pe̍ diya sabsabali nga ricna niya beggi da. Ket pakabagbagaan tida ngarud da, ta nakadusaan da met ya apuy nga madi pulus nga makusep.

Paltiing 11:13

Ket iyan mettas nga kanitu, nangyegyeg met ka nabileg gin. Ket napirdi mettin ya apagkapullu nito siyudad, ket uwed met pitu nga ribu nga toley nga natey gapu ito yegyeg. Ket diya nakalasat, napalaus ngarud ya ansing dan, itu nga nagdaydayaw dan e̍ Apu Diyus nga uwed ka langit.

Paltiing 11:9

Ket iya unus nad tellu ket kagudduwa nga algew, mabuybuya ngas diya bangkay da, ta buybuyaen nad met diya toltoley nga agtaud iya amin nga pagiliyan, kapututan, pagkakagi se̍ nasyun. Ket madi da nad ipalubus nga maitamen dito duwa.

Paltiing 14:20

Ket napespes met dito ubas ito pagpespessan nga uwed iya laskig nito siyudad. Ket daga met ya nagayus nga rinumwar ito pagpespessan. Ket to ayus na, nawe̍ kadiya sabali nga edyan, agingga ka tellu nga gasut ket duwa nga pulu nga kilume̍trus ya kadeddu na. Ket nakadateng pe̍ ka bugung kabayu ya kasalem na.

Paltiing 14:8

Ket uwed met maikadduwa nga anghe̍l itun nga simarunu ito nona, ket kinunen na, “Napirdi yin! Napirdi yin to agdindinamag nga siyudad nga Babilunya, nga itu to dake̍c nga ili nga nangiyadal kadiya toltoley kadiya amin nga pagiliyan ka kinadake̍c. Ta arig nga napainum da met ka nipainum niyan nga siyudad nga mangpalalu ka dake̍c nga ricna, tasun gabay da pe̍ ya agten mettas iyan nga pannakikamalala na,” kunen na.

Paltiing 16:19

Ket napakatlu mettin to siyudad nga agdindinamag, se̍ napirdi met pe̍ yin diya siyudad kadiya duduma nga pagpagiliyan. Ngarud, dito toltoley enna agdindinamag nga siyudad nga Babilunya, madi da met nakalisi iya pannusa ne̍ Apu Diyus, ta pinilit na da nga makipaglak-am iya unget na.

Paltiing 17:1

Ket itun, imadenni iyaken nin ya isa kadito pitu nga anghe̍le̍s nga uwed igida itun dito pitu nga malukung. Ket kinunen na iyaken, “Umbe̍t ka, ta ipasingec ikew ya mapasamac nad iya pannakaukum nito agdindinamag nga sinan-huste̍s, nga igina ya agtugtugew nga situturay kadiya adu nga wangwangag.

Paltiing 17:18

Ket to nasingem nga babey, itu to agdindinamag nga siyudad nga mangituray kadiya ar-ari iya lubung,” kunen nito anghe̍l.

Paltiing 17:5

Ket iya muging na, uwed naisurat nga nagan nga uwed nauneg nga kaipapennan na. Agten idi ya kunen na: “Babilunya nga siyudad nga agdindinamag, nga itu ya ina diya huhuste̍s se̍ ya pagtaudan diya amin nga naalas nga banbanag iya lubung,” kunen na.

Paltiing 18:10

Buybuyaen da ngas nad iya deyyu, gapu ta mansing da nga mairaman iya pannakatuuc na. Ket kunen da nad nga, “Ay-aay! Kackaasi ka ngas met, ikew nga agdindinamag nga siyudad nga Babilunya! Ta iya unus isa ngas nga uras, dagus nga nagbanag ka met ka panagtuctuuc mun!” kunen da nad met.

Paltiing 18:18

Ket ito nasingen da ya asuc nito mapocpooran nga siyudad, nip-ipkaw da nga kinunen da, “Awan met kapada niya kinalatac niyan nga siyudad!” kunen da.

Paltiing 18:2

Ket pinumkaw to anghe̍l ka nabileg nga timec, nga kinunen na, “Napirdi ya Babilunya ngin! Napirdi to agdindinamag nga siyudadin! Nagbalin nga pagedyanan sairu win, se̍ paguurnungan diya amin nga kita dake̍c nga ispiritu win, se̍ paguurnungan met pe̍ diya amin nga kita sibud nga agkakadake̍c se̍ nakar-aryec kin.

Paltiing 18:21

Ket itun, uwed isa nga naturay nga anghe̍l, nga namet ka batu nga agten iya dackel nga gililan. Ket nidem-ur mettin nito anghe̍l iya baybay, nga kinunen na, “Kellat nad met ya pannakapukaw nito agdindinamag nga siyudad nga Babilunya, nga agten mettas idi nga panangidem-ur ku. Ket madi nad masingen nin orey nungey.

Paltiing 18:24

Ket bekken nas nga iyan, ta to siyudad nga Babilunya, itu met ya nakatayan dito mammadtu se̍ toley ne̍ Apu Diyus, se̍ dito amin nga napatpatey iya lubung.