Paltiing 11:3 - Ya Baru nga Tulag

³ Ket ibon ku nad diya duwa nga mangipakaemmu iya pudnu. Nakakawwes nad didi nga eb-ebbonec ka nakersang nga luput. Ket tulungac da tasun makaipadamag da iya kagi ne̍ Apu Diyus ka unus isa nga ribu ket duwa nga gasut ket ennem nga pulu nga algew,” kunen nan.

Paltiing 11:3 Iomraidhean Croise

Matyu 11:21

Ket kinunen na met, “Kackaasi kayu nga iKorasin se̍ dakayu nga iBe̍tsayda! Ta orey adu win diya nakaskasdaaw nga naipasingen dakayu kadiya ili nu, madi kayu latta nga agbabawi kadiya basbasul nu. Ket no dito iTiru se̍ iSidun kuma nga gennung ya nakaipasingnan diyan nga nakaskasdaaw, ket nalaka da lugud nga nipasingen nga agbabawi dan, nga agkawwes da ngarud ka nakatel nga luput se̍ aburan da kuma diya ulu da ka dapagin, gapu iya ladingit da.

Matyu 18:16

Ngem no madi naka ipangag, mawe̍ ka manin nga uwed kuma isa winno duwa nga toley nga itarey mu, tasun maariman kuma maikanatad ito naisurat iya Bibliya nga no uwed kanu duwa winno tellu nga mangpanecnec, mapatalgeddan ya amin nga maikagi.

Lukas 10:13

Uwed manin kinunen ne̍ Je̍sus, nga agten idi: “Kackaasi kayu nga iKorasin se̍ dakayu nga iBe̍tsayda! Ta orey adu win diya nakaskasdaaw nga naipasingen dakayu iya ili nu, madi kayu latta nga agbabawi kadiya basbasul nu. Ket no dito iTiru se̍ iSidun kuma nga gennung ya nakaipasingnan diyan nga nakaskasdaaw, ket nalaka da lugud nga nipasingen nga agbabawi dan, nga agkawwes da ngarud ka nakatel nga luput, se̍ agtugtugew da kuma pe̍ iya dapagin gapu iya ladingit da.

Lukas 24:48

Ket dakayu mettas ya mangipakaemmu iya pudnu maipanggep kadidi nga banbanag.

Juan 15:27

Ket dakayu met pe̍ diya mangipakaemmu iya kinapudnu maipanggep iyaken, ta dakayu met diya nibulubulun iyaken manipud ito damu.”

Juan 3:27

Ket kinunen nito Juan igida, “E̍ Apu Diyus ngas met ya makae̍cde̍ iya pannakabalin niya toley.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 13:31

Ket ito napaungar nge̍ Je̍susin, nagpaspasingen ka nabayag kadito kabulun na. Dito nakasingen igina, itu dito nibulbulun igina itun nga nawe̍ ka He̍rusale̍m nga gayat ka Galilya ito di na pekkem natey. Ket igida diya mangipakaemmu win iya pudnu maipanggep igina dactida nga Hudyu.

Aramid 2:32

Maipanggep ngarud e̍ Je̍sus mettas dito kinagi nito Ari Dabid itun. Ket amin mi, masacsiyan mi nga pinagungar ngarud ne̍ Apu Diyus nge̍ Je̍sus.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

1 Kurintu 12:28

Ket iya agten iyan, uwed dito nipaisaad ne̍ Apu Diyus iya bungguy mamati. Ket ya mona, itu diya apustule̍s. Ket ya maikadduwa, itu diya mangaskasaba. Ket ya maikatlu, itu diya manursuru. Ket uwed da pe̍ diya makaariman ka nakaskasdaaw, se̍ diya uwed pannakabalin da nga mangpalaing kadiya agsakit. Ket uwed da pe̍ diya nalaing nga agistimar kadiya kapada da, se̍ diya nalaing nga mangipangulu, se̍ uwed da pe̍ diya makakagi ka nadumaduma nga pagkakagi nga bekken da nga naadal.

2 Kurintu 13:1

Idi nga isasacwar ku dakayu, itu ya maikatlu win. Ket no uwed mayat nga mangpabasul iya kapada na iyan nga edyan nu, laglagipen na kuma to naisurat iya Bibliya nga kunen na, “No uwed mangpabasul, masapul nga uwed duwa winno tellu nga mangpanecnec maipanggep iya ipabasul na, tasun mapatalgeddan.”

E̍pe̍su 4:11

Ket e̍ Kristu ngarud ya nange̍cde̍ ka nadumaduma nga pannakabalin kadiya toley na. Ket uwed da dinutukan na nga agbalin nga apustule̍s, se̍ diya agbalin nga mangikaskasaba iya kagi ne̍ Apu Diyus. Ket uwed duduma nga dinutukan na nga agbalin nga mangipakaemmu iya Makaparagsac nga Damag, se̍ diya agbalin nga agay-aywan se̍ manursuru kadiya mamati.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 11:2

Ngem ya emwag niya te̍mplu, madi ka rukuden. Bay-am ngarud ya emwag na a, ta naipaay kadiya bekken nga Hudyu. Ket daldalapusen nad met diya bekken nga Hudyu ya He̍rusale̍m ka unus eppat nga pulu ket duwa nga bulan, nga itu mettas ya siyudad nga ipatpateg ne̍ Apu Diyus.

Paltiing 11:6

Ket uwed pannakabalin didi nga duwa nga mangtengngel iya udan, tasun madi agudan bayat niya panangipadamag da iya kagi ne̍ Apu Diyus. Se̍ uwed pe̍ pannakabalin da nga mangpagbalin ka daga ya danum. Se̍ uwed pe̍ pannakabalin da nga mangipasagaba kadiya toltoley iya lubung iya orey nagan na nga rigat, se̍ iya orey nungey nga gabay da.

Paltiing 12:6

Ket to babey, nagtalew met pe̍ yin nga nawe̍ iya isa nga edyan iya away, nga itu ya nisagana ne̍ Apu Diyus nga pakaistimaran na ka unus isa nga ribu ket duwa nga gasut ket ennem nga pulu nga algew.

Paltiing 13:5

Ket napalubusan to nakan-ansing nga animal nga agsalsalawasaw se̍ agkagi ka maikuntra e̍ Apu Diyus. Unus eppat nga pulu ket duwa nga bulan, napalubusan nga agturay to animal.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.