Paltiing 10:7 - Ya Baru nga Tulag

⁷ Ket ita, no pauniyen niya maikapitu nga anghe̍l ya tangguyub nan, matungpal ngarudin to sigud nga panggep ne̍ Apu Diyus, nga di pekkem naawatan diya toltoley itun. Ngarud, matungpal nad nga tutu win, sigun ito nipakaemmu ne̍ Apu Diyus kadito nangasaba nga agsirsirbi igina,” kunen na.

Paltiing 10:7 Iomraidhean Croise

Aramid 3:21

E̍ Je̍sus, aged-edyan pekkem ita ka langit patingga ka di pekkem pabaruwen ne̍ Apu Diyus diya amin nga banbanag, sigun ito nipaibaga ne̍ Apu Diyus kadito pinili na nga mammadtu itun.

Ruma 11:25

Kakabsat, uwed met isa nga adal nga di pekkem naipakaemmu dakayu, ket gabay ku no maemmuwan nu kuma, tasun madi kayu tumangsit gapu iya kinasirib nu. Ket idi ya ipakaemmuc dakayu: Uwed da met duduma nga Israe̍lita nga nagbalin nga batingur e̍ Apu Diyusin. Ngem agpatingga nad ya kinabatingur da no kustu win ya bilang diya bekken nga Hudyu nga naitipunin e̍ Apu Diyus.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

Paltiing 14:6

Ket itun, uwed nasingec nga sabali manin nga anghe̍l nga agkaykayab iya abac lawa. Igina ya mangipakaemmu ka makaparagsac nga damag maipanggep kadiya agnanayun nga banbanag. Naibon nga mangipakaemmu idi kadiya aged-edyan iya lubung, kadiya amin nga nasyun, kapututan, pagkakagi se̍ pagiliyan.

Paltiing 17:17

Agten nad iyan ngarud ya wanglen da, ta panggep met ne̍ Apu Diyus nga tignayen nad ya panpanunut da, tasun ipatungpal da nad ya panggep na mettas. Ta agkaykaysa da nad nga mange̍cde̍ iya turay da ito animal. Ket iya agten iyan, to animal met ya mangiturayin agingga iya pannakatungpal dito pinaipadtu ne̍ Apu Diyus maipanggep iya maadpangan.