Paltiing 10:6 - Ya Baru nga Tulag

⁶ Ket pagsapata na ya kinaturay ne̍ Apu Diyus nga sibibiyag ka agnanayun nga awan patingga na, nga igina met ya namarsuwa iya langit, iya ginet, se̍ iya baybay, agraman diya amin nga uwed kadidi. Ket kinunen ngarud nito anghe̍l ito sapata na, “Nadatngan mettin ya kustu nga timpu win, ket awan ngarud makaigapusin!

Paltiing 10:6 Iomraidhean Croise

Paltiing 1:18

Iyaken ya sibibiyag nga pe̍yeng. Natey yac itun, ngem ita, singem, sibibiyag gac kun ka agnanayun. Ket iyaken ya nakaitalkan diya arig nga tulbec niya pannakabalin niya patey se̍ ya pagtuukan diya natey enna Hade̍s.

Paltiing 12:12

Dikad pe̍ anggem kuma ngas ya uwed ka langitin, se̍ uwed kuma ngarud pe̍ yin pakaragsakan diya aged-edyan ka langit! Ngem no ya ginet se̍ baybay iya lubung, kackaasi da nga gennung, ta itu ya nagdessagan nito diyablu win. Ket napalaus ya unget nan, ta emmu na nga e̍teng ngin ya gundaway nan,” kunen met nito timec.

Paltiing 16:17

Ket to maikapitu nga anghe̍l, nibuyat na ngarud met pe̍ yin ya mayan nito malukung na iya abac lawa. Ket uwed mettin nabileg nga timec nga gayat ito trunu enna te̍mplu ka langit, nga kinunen na, “Itu ya pakatungpalan nan!” kunen na.

Paltiing 21:6

Ket kinunen na manin iyaken, “Natungpal ngarud diyan nga kagi yin! Iyaken met ya pangrugiyan se̍ ya panggibusan niya amin, ya pagtaudan se̍ ya pagtungpalan niya amin. Ket diya mewwew, painumec da iya danum niya ubbug nga mange̍cde̍ ka biyag, nga awan bayad na.

Paltiing 4:10

Ket tunggal agkanta da, aglakeb met dito duwa nga pulu ket eppat nga panglakayen iya sangu nito trunu, nga agdayaw da iya nakatugew iyan, nga igina ya agbibiyag ka agnanayun nga awan patingga na. Ket ipay da diya balangat da iya sangu nito trunu, nga panangipasingen da iya panagdayaw da iya nakatugew iyan. Ket kunen da,

Paltiing 4:11

“Ikew nga Apu se̍ Diyus mi, maikari ka nga tutu iya kinaari, dayaw, se̍ turay mu. Ta ikew ya namarsuwa iya amin nga banbanag, ket napauwed da gapu mettas iya tarigagay mu. Ket iya agten iyan, naparsuwa da ngarudin.”

Paltiing 4:9

Ket dito eppat nga sibibiyag nga parsuwa, ikankanta da ngarud ya panagdayaw se̍ panagyaman da, se̍ ya nakaskasdaaw nga kinaturay nito nakatugew ito trunu, nga igina ya agbibiyag ka agnanayun nga awan patingga na.

Paltiing 6:11

Ket itun, ya tumunggal isa igida, nae̍cdan da ka puraw nga sutana. Ket naibaga igida nga agton da kanu pekkem mas ka e̍teng, nga sitatalna da kuma, agingga ka madatngan to naikeddeng nga bilang diya pada da nga agsirsirbi nga kakabsat nga mapatey nga agten mettas ito pannakapatey da itun.