Paltiing 1:5 - Ya Baru nga Tulag

⁵ se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 1:5 Iomraidhean Croise

Matyu 20:28

Ta agten met iyan ya Anac nga Naipatoley. Madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Juan 13:1

Ket itun, nganngani ya Padaya Nitatalibin. Ket e̍ Je̍sus, emmu na nga nadatnganin ya timpu na nga pumanaw idi nga lubung se̍ ya isosoli na iya Ama. Pe̍yeng nga inay-ayat ne̍ Je̍sus diya toley na idi nga lubung. Ket nabileg ngarud pekkem pe̍ ya panagayat na igida agingga iya pagpatinggaan niya biyag na idi nga lubung.

Juan 13:34

“Ket itan, uwed kabarbaru nga bilin nga ibagac dakayu: Masapul nga agiinnayat kayu. Ket no kumaan niya panagayat ku dakayu, ket agten iyan kuma pe̍ ya panagayat nu iya tunggal isa dakayu.

Juan 15:9

“Agten idi: Ya panagayat ku dakayu, agten mettas iya panagayat niya Ama iyaken. Itu nga laglagipen nu kuma ngarud ya panagayat ku dakayu.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:32

Ket igina, ipakaemmu na ya nasingen na se̍ nagicna na. Ngem awan met umawat iya ipakaemmu na.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

Aramid 26:23

Ta kinagi da itun nga masapul nga agrigat ya Kristu nga ibon ne̍ Apu Diyus, se̍ masapul pe̍ nga igina ya mona nga agungar, tasun ipakaemmu na nga uwed din ya wada, nga itu ya panangisalakan ne̍ Apu Diyus dactida nga Hudyu, se̍ orey pe̍ kadiya bekken nga Hudyu,” kunen ne̍ Pablu.

Ruma 3:25

Ket igina met ya nisaad ne̍ Apu Diyus nga silalatac, tasun gapu iya pannakaidaga niya beggi na, igina ya pakaudasan nga pakapakawanan diya basbasul diya toley, gapu iya panamati da. Inariman ne̍ Apu Diyus yan, tasun ipasingen na ya kinalinteg na. Ta agten idi: Itun pekkem nga timpu, inanusan na ngas diya toley kadiya basbasul da, nga madi na da dinusa.

Ruma 8:37

Ngem bekken kuma nga itu ya pagdanagan tida diyanin. Ta orey no agten iyan ya kasasaad tida, nabilbileg latta ya panangabac tida iya amin diyan, gapu igina nga nangayat dactida.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

E̍pe̍su 2:4

Ngem e̍ Apu Diyus, managkaasi. Ket iya agten iyan, nipaay na ya napalaus nga ayat na dactida.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

Kulusas 1:18

Ket igina met ya arig nga ulu niya beggi, nga kayat na nga kagiyen, igina ya pangulu niya bungguy mamati. Igina met pe̍ ya pagtaudan niya amin, se̍ igina ya katurayan se̍ kaonaan nga napagungar kadiya natnatey. Agten iyan ngarud tasun igina kuma ya kangrunaan ka amin.

1 Timutyu 6:13

Ket itan, uwed ibilin ku ikew. Ket bilinen naka iya imatang mettas ne̍ Apu Diyus, nga igina met ya pagtaudan niya biyag diya amin nga agbibiyag, se̍ iya imatang ne̍ Kristu Je̍sus, nga igina met ya situtured nga nangipakaemmu iya kinapudnu iya sangu ne̍ Punsiyu Pilatu itun.

1 Timutyu 6:15

Ket iparang ne̍ Apu Diyus nad no madatngan ya kustu nga timpu nan. Ket e̍ Apu Diyus, igina met ya madaydayaw nga kangatuwan nga agturay. Igina ya Ari diya amin nga ar-ari, se̍ ya Apu diya amin nga ap-apu.

He̍briyu 10:29

Ket no patey ya dusa dito nangsalungasing ito Linteg itun, di ngarud nakarkaru pekkem ya rumbeng nga dusa niya toley nga agsalungasing iya kinapudnu maipanggep iya pammati tida ita? Ta ya agten iyan nga toley, manglais met iya Anac ne̍ Apu Diyus, se̍ mangibilang nga awan pateg na ya naiyayus nga daga na, nga nangpatalged iya tulag nga pakadalusan diya basbasul tida. Ket se̍ manguy-uyaw iya siaayat nga Ispiritu ne̍ Apu Diyus nga managkaasi. Nakarkaru ngarud met ya rumbeng nga dusa niya agten iyan nga toley!

He̍briyu 9:14

Ket no agten iyan to pakadalusan da itun nga timpu, di ngarud nabilbileg pekkem ya pannakabalin niya daga ne̍ Kristu? Ta gapu iya panangiturung niya agnanayun nga Ispiritu, niyawat ne̍ Kristu e̍ Apu Diyus ya beggi na nga datun nga awan pagkurangan na. Ket gapu iya daga na, nadalusan diya lemlemmet tidan iya pakarigatan tida gapu ito panagtungpal tida kadito tungtungpalen nga awan mamaay da. Ket ita, siwayawaya tidan nga agsirbi iya sibibiyag nga Diyus.

1 Pe̍dru 1:19

no di lugud ya napateg nga daga ne̍ Kristu nga naiyayus. Ket yan nga daga, arig nga daga niya isa nga naidatun nga urbun karne̍ru. Ket idi nga arig nga urbun karne̍ru, awan pulus pagkurangan winno pakapilawan na.

1 Juan 1:7

Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.

1 Juan 4:10

Ket ya ayat nga kunec, bekken nga ya panagayat tida e̍ Apu Diyus, no di lugud ya panagayat ne̍ Apu Diyus dactida. Ta igina, nibon na met ya Anac na nga pakaudasan nga pakapakawanan diya basbasul tida.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 11:3

Ket ibon ku nad diya duwa nga mangipakaemmu iya pudnu. Nakakawwes nad didi nga eb-ebbonec ka nakersang nga luput. Ket tulungac da tasun makaipadamag da iya kagi ne̍ Apu Diyus ka unus isa nga ribu ket duwa nga gasut ket ennem nga pulu nga algew,” kunen nan.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 19:11

Ket itun, arig nga naglukat ya langitin, ket uwed met nasingec nga isa nga puraw nga kabayu. Ket ya nakasakey ito kabayu, maaw-awagan ka Mapagtalkan, se̍ managan pe̍ ka Napudnu. Nalinteg met diya pangpanggep na iya panangukum se̍ pannakigubat na.

Paltiing 19:16

Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 3:14

“Ket idi ya isurat mu iya anghe̍l nga agay-aywan iya bungguy mamati ka Lawdisiya: “Itu yan ya kunen niya maawagan ka Ame̍n, nga igina ya mapagtalkan se̍ napudnu nga mangipakaemmu iya pudnu, ket igina pe̍ ya pagtaudan niya amin nga pinarsuwa ne̍ Apu Diyus:

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.