Paltiing 1:4 - Ya Baru nga Tulag

⁴ Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,

Paltiing 1:4 Iomraidhean Croise

Juan 1:1

Sacbay nito rugi niya amin, uwed sigud nga kabulun ne̍ Apu Diyus nga maawagan ka Kagi. Ket Diyus mettas pe̍ yani.

Aramid 19:10

Ket agten iyan to pampamaay ne̍ Pablu ka unus duwa nga dagun. Itu nga diya toltoley ka prubinsiya nga Asiya, nga Hudyu se̍ bekken nga Hudyu, nagicna da nga amin ya kagi maipanggep iya Apu.

Aramid 2:9

Uwed met dactida diya iParsiya, se̍ uwed pe̍ iMe̍diya se̍ ie̍lam. Se̍ uwed dactida pe̍ diya iMe̍suputamya, kada iHudya, iKapadusiya, iPuntu, se̍ iAsiya,

Ruma 1:7

Itu nga isurat ku yani dakayu nga uwed ka Ruma, dakayu nga amin nga ay-ayaten se̍ pinili ne̍ Apu Diyus nga agbalin nga toley na nga naipaay igina. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

1 Kurintu 1:3

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

2 Kurintu 1:2

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

He̍briyu 13:8

Laglagipen nu ngarud nga agten pe̍ iyan nge̍ Je̍sus, nga awan pulus pagbalbaliwan na. Ta no kumaan niya gangey na itun, agten mettas pe̍ ita, se̍ orey ka agnanayun.

Santiyagu 1:17

Ta no e̍ Apu Diyus, igina met ya paggayatan diya amin nga nabaru nga awan dake̍c na. E̍ Apu Diyus met ya namarsuwa kadiya mangwada iya abac lawa. Ngem igina, bekken nga agten kadiyan, ta awan pulus panagbaliw na, se̍ madi agbalin nga mange̍cde̍ ka gicbet.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.

Paltiing 1:17

Ket ito nasingec to arig nga toley, nagdarongkeb bac mettin iya sangu na nga arig gac met nga natey yin. Ket ya napasamac itun, nipatey na met iyaken ya diwanan nga ima na, nga kunen na, “Madi ka mansing, a. Ta iyaken met ya kaonaan se̍ ya kaodiyan ka amin.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.

Paltiing 1:8

Ket e̍ Apu Diyus, nga Apu nga Mannakabalin ka amin, kinunen na, “Iyaken ya pangrugiyan se̍ ya panggibusan niya amin,” kunen na, ta igina met ya uwed ita, uwed itun, se̍ ya umbe̍t nad pekkem.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 16:5

Ket nagicnac ya kagi nito anghe̍l nga agay-aywan iya danum, nga kinunen na, “Ikew met ya Nalinteg, se̍ ya uwed ita, se̍ ya uwed pe̍ itun. Ket rumbeng ngarud met didi nga panangeddeng mu.

Paltiing 2:12

“Ket idi ya isurat mu iya anghe̍l nga agay-aywan iya bungguy mamati ka Pe̍rgamu: “Itu yan ya kunen niya uwed natadem nga ispada na nga agsumbangir ya tadem na:

Paltiing 2:18

“Ket idi ya isurat mu iya anghe̍l nga agay-aywan iya bungguy mamati ka Tiyatira: “Itu yan ya kunen niya Anac ne̍ Apu Diyus, nga igina ya arig nga apuy nga gumilgilab diya mata na, ket diya saka na, arig nga napasileng nga burinsi:

Paltiing 2:8

“Ket idi ya isurat mu iya anghe̍l nga agay-aywan iya bungguy mamati ka E̍smirna: “Itu yan ya kunen niya kaonaan se̍ kaodiyan ya kinauwed na, nga igina to natey se̍ nagungar mettas:

Paltiing 22:16

“Iyaken nge̍ Je̍sus. Ket iyaken ya nangibon iya anghe̍l ku ikew, tasun ipakaemmu na diya kinapudnu maipanggep kadidi nga banbanag para kadiya bungbungguy diya mamati. Iyaken ya nagtaud iya kapututan nito Ari Dabid, se̍ iyaken pe̍ ya maawagan ka bituwen nga aggundaway iya parbangun,” kunen ne̍ Apu Je̍sus.

Paltiing 22:8

Ket iyaken nga Juan ya nakagicna se̍ nakasingen kadidi nga naisurat idi nga libru. Ket ito nagicnac se̍ nasingec didi, naglakeb bac ito sangu nito anghe̍l nga nangipasingen kadidi iyaken, ta agdaydayaw wac kuma igina.

Paltiing 3:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka Sardis: “Itu yan ya kunen niya natalec kadiya pitu nga ispiritu niya agkapitu nga Ispiritu ne̍ Apu Diyus, se̍ ya natalec pe̍ kadiya pitu nga bitbituwen: Emmuc met diya wangwangel mu. Se̍ emmuc pe̍ nga agdindinamag nga paiturayan ka kanu iya biyag nga e̍cde̍ ne̍ Apu Diyus. Ngem ya kinapudnu na, naibilang ka nga natey yin!

Paltiing 3:14

“Ket idi ya isurat mu iya anghe̍l nga agay-aywan iya bungguy mamati ka Lawdisiya: “Itu yan ya kunen niya maawagan ka Ame̍n, nga igina ya mapagtalkan se̍ napudnu nga mangipakaemmu iya pudnu, ket igina pe̍ ya pagtaudan niya amin nga pinarsuwa ne̍ Apu Diyus:

Paltiing 3:7

“Ket idi ya isurat mu iya anghe̍l nga agay-aywan iya bungguy mamati ka Pilade̍lpiya: “Itu yan ya kunen niya awan basul na se̍ napudnu iya imatang ne̍ Apu Diyus. Igina pe̍ ya agiturayin iya pagiturayan nito Ari Dabid, nga arig nga igina ya mangik-ikem iya tulbec niyan nga pagariyan. Ket no ilukat na ya giset na, ket pulus nga awan makaigiset tin. Ket no igiset na, awan met makailukatin. Agten idi ya kunen na:

Paltiing 4:5

Ket uwed met kilkilawet nga tumactaud ito nagtengnga nga trunu, se̍ uwed pe̍ un-uni se̍ panaged-eddug ka nabileg. Ket iya sangu nito trunu, uwed met pitu nga dilag nga nasibtan, nga itu diya pitu nga ispiritu niya agkapitu nga Ispiritu ne̍ Apu Diyus.

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.

Paltiing 5:6

Ket itun, uwed pe̍ nasingec nga Urbun Karne̍ru, ket arig nga isa nga napatey ya beggi na. Nakasikad met iya sangu nito trunu nga line̍cbut dito eppat nga sibibiyag nga parsuwa se̍ dito panglakayen. Ket to Urbun Karne̍ru, uwed pitu nga sacgud na, se̍ pitu nga mata na, nga itu diya pitu nga ispiritu nito agkapitu nga Ispiritu ne̍ Apu Diyus nga naibon iya amin nga lubung.

Paltiing 8:2

Ket itun, uwed nasingec nga pitu nga anghe̍le̍s, nga igida diya anghe̍le̍s nga nakasisikad iya sangu ne̍ Apu Diyus. Ket nae̍cdan da ka sagge̍sa da nga tangguyub.