Paltiing 1:16 - Ya Baru nga Tulag

¹⁶ Ket iya diwanan nga ima na, uwed met pitu nga bituwen nga ic-icman na. Ket uwed pe̍ rinumwar iya musung na nga isa nga natadem nga ispada nga agsumbangir ya tadem na. Ket ya rupa na, nadarang met, nga arig nga darang niya sinag iya matuun.

Paltiing 1:16 Iomraidhean Croise

Matyu 17:2

Ket antuni, nabaliwan met to langa ne̍ Je̍sus iya imatang da. Dimarang met ya rupa na nga arig nga sinag. Ket to luput na, nagbalin nga puraw nga unayin, nga arig nga darang niya sinag.

Aramid 26:13

Ket ito agmatuun nga kauwed ku ito dalan, Apu Ari, uwed nasingec nga darang nga gayat ka langit. Nadardarang met ngem iya sinag, ket dinarangan nac se̍ dito kabulun ku.

E̍pe̍su 6:17

Ket ya panangisalakan ne̍ Apu Diyus dakayu, itu ya namnama nu, nga maiyarig ka pag-he̍lme̍t nu. Ket ya kagi ne̍ Apu Diyus, itu ya arig nga pannakaispada nu nga e̍cde̍ niya Ispiritu Santu.

He̍briyu 4:12

Ipangag tida kuma ngarud ya ipakaemmu ne̍ Apu Diyus nga kagi na. Ta ya kagi ne̍ Apu Diyus, uwed met arig nga biyag na, se̍ uwed met pe̍ pannakabalin na. Ad-adu pe̍ ya kabaellan niya kagi ne̍ Apu Diyus ngem iya natadem nga ispada nga agsumbangir ya tadem na, nga maitodoc ka uneg, se̍ makaituwey iya sebbit nga edyan niya um-um se̍ pata niya tulang. Ket maiyarig ngarud met ya kagi ne̍ Apu Diyus iya agten iyan, ta gapu iya kagi ne̍ Apu Diyus, mailasin met ya uwed iya nakem niya toley se̍ ya uwed iya kararuwa na. Ket maipakaemmu pe̍ ya lemlemtan se̍ pangpanggeppen niya toley, gapu iya kagi ne̍ Apu Diyus.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.

Paltiing 10:1

Ket itun, uwed nasingec manin nga sabali nga anghe̍l nga naturay. Ket nagpaspasegged nga gayat ka langit. Nabugus met yan nga anghe̍l ka ulep, se̍ uwed pe̍ bunglun iya nguduwen niya ulu na. Nadarang met ya rupa na nga arig nga sinag, ket diya saka na, arig met nga deddu nga gilab apuy.

Paltiing 12:1

Ket itun, uwed nasingen iya abac lawa nga nakaskasdaaw nga pagilasinan. Itu ya isa nga babey, nga arig met nga naikawwes ya sinag iginan. Ket ya bulan met ya pagsikadan na. Ket ya ulu na, nabalangatan ka kuruna nga uwed sangapulu ket duwa nga bituwen na.

Paltiing 19:15

Ket to maawagan ka Kagi ne̍ Apu Diyus, uwed met natadem nga ispada nga rumwar iya musung na, nga itu met ya pangabac na kadiya nasnasyun. Ket iturayan na da nad ngarud ka nabaked nga turay nga agten iya kinabaked niya sacgukud nga landuc. Ta ipasingen na igida ya bileg niya unget ne̍ Apu Diyus nga Mannakabalin ka amin, nga arig nga pe̍se̍ten na da nad ka dackel nga pagpespessan.

Paltiing 19:21

Ket dito duduma nga kabulun da, napatey da met iya ispada nito nakasakey ka kabayu, nga itu to ispada nga rinumwar iya musung na. Ket nagbedde̍t met dito sibsibud nga nangan ito sebbit dito natey yin.

Paltiing 2:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka E̍pe̍su: “Itu yan ya damag nga gayat iya mangik-ikem kadiya pitu nga bituwen iya diwanan nga ima na, se̍ agpaspasyar iya edyan diya pitu nga dilag nga balituc:

Paltiing 2:12

“Ket idi ya isurat mu iya anghe̍l nga agay-aywan iya bungguy mamati ka Pe̍rgamu: “Itu yan ya kunen niya uwed natadem nga ispada na nga agsumbangir ya tadem na:

Paltiing 2:16

Itu nga masapul nga agbabawi ka lugudin kadiyan, ta no madi ka babawiyen, dagus sac mettas nga umbe̍t iya edyan mu iya di mabayag, ket igubat ku met kadituni ya ispada nga uwed iya musung ku.

Paltiing 3:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka Sardis: “Itu yan ya kunen niya natalec kadiya pitu nga ispiritu niya agkapitu nga Ispiritu ne̍ Apu Diyus, se̍ ya natalec pe̍ kadiya pitu nga bitbituwen: Emmuc met diya wangwangel mu. Se̍ emmuc pe̍ nga agdindinamag nga paiturayan ka kanu iya biyag nga e̍cde̍ ne̍ Apu Diyus. Ngem ya kinapudnu na, naibilang ka nga natey yin!