Paltiing 1:10 - Ya Baru nga Tulag

¹⁰ Ket itun, algew niya Apu win, ket naiturayan nac gapu iya pannakabalin niya Ispiritu ne̍ Apu Diyus. Ket uwed nagicnac itun iya likud ku nga isa nga timec nga nabileg, nga arig met nga uni tangguyub.

Paltiing 1:10 Iomraidhean Croise

Matyu 22:43

Ket e̍ Je̍sus, kinunen na igida, “Ket no agten iyan, ape̍ ngarud nga ito niturung niya Ispiritu ne̍ Apu Diyus to Dabid, inawagan met nito Dabid ya Kristu ka ‘Apu’, ito kinunen na,

Juan 20:19

Ito gumabi yin iyan mettas nga algew Duminggu, uwed dito adalan nga siuurnung iya isa nga edyan. Ket nalacweddan diya gagayangan niyan nga baley, gapu ta mansing da kadito pangpangulu diya Hudyu. Ket pagamwan da, inumbe̍t met nge̍ Je̍sus, nga gasisikadin ito nagtetengngaan da. Ket kinunen na ngarud igida, “Talna kuma ya uwed dakayu,” kunen na,

Juan 20:26

Ket ito kalpasan makaduminggu, naguurnung manin dito adalan iya uneg niyan nga baley, ket kabulun da nge̍ Tumasin. Nalacweddan diya gagayangan, ngem inumbe̍t latta nge̍ Je̍sus, ket nagsikad manin iya nagtetengngaan da. Ket kinunen na, “Talna kuma ya uwed dakayu,” kunen na.

Aramid 20:7

Ito nadatngan to gidam Sabadu win, naguurnung kami. Ket itu ya pannangan mi nga panangilagip mi iya Apu. Ket gapu ta pumanaw kami kuma de̍ Pablu iya kadamlag na, nibaybayag ne̍ Pablu to panangbagbaga na kadiya toley, patingga ka tengnga gabi.

1 Kurintu 12:3

Itu nga gabay ku no maawatan nu nga ya toley nga idalan niya Ispiritu ne̍ Apu Diyus ya panpanunut na, madi na met mabalin ya agkunen nga, “Mailunud kuma nge̍ Je̍sus.” Ket iya agten iyan pe̍, awan toley nga makabalin nga agkunen nga, “E̍ Je̍sus ya Apu,” malacsid no paidaldalan iya Ispiritu Santu.

1 Kurintu 16:2

Agten idi: Iya kada algew Duminggu, mangisibna ya tunggal isa dakayu iya mabalin na nga e̍cde̍, nga sigun iya kaadu niya nasapulan na, se̍ na ipundu, tasun nadacdaanin no umbe̍t tac, ket madi masapul nga sarapen nin.

Paltiing 17:3

Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.

Paltiing 21:10

Ket gapu iya pannakabalin niya Ispiritu ne̍ Apu Diyus, nipen nac ngarud to anghe̍l iya isa nga dackel se̍ nangudu nga tageytey. Ket nipasingen na iyaken ya He̍rusale̍m, nga itu ya siyudad nga ipatpateg ne̍ Apu Diyus. Ket agpaspasegged met to siyudadin manipud ka langit, nga gayat e̍ Apu Diyus.