Matyu 9:2 - Ya Baru nga Tulag

² Ket antuni, uwed da toley nga nange̍lbe̍t e̍ Je̍sus ka isa nga lugpi nga nakaida iya ida na. Ket ito nalasin ne̍ Je̍sus ya panamati da, kinunen na ito lugpi, “Anac ku, sinanama ka kuma ngin, ta napakawan diya basbasul mun,” kunen na.

Matyu 9:2 Iomraidhean Croise

Matyu 14:27

Ngem sigida nga nagkagi nge̍ Je̍sus igida, nga kinunen na, “Madi kayu mansing, ta iyaken met! Madi kayu madanaganin,” kunen na.

Matyu 4:24

Ket iya agten iyan, nagdinamag met pe̍ nge̍ Je̍sus iya amin nga parte̍ niya prubinsiya nga Sirya. Ket nipen ngarud diya toltoley igina diya amin nga uwed dipe̍re̍nsiya winno pakarigatan da, nga agten kadiya naluganan ka sairu, diya agkeskessiw, se̍ diya madi makakiwa ya beggi da. Ket pinalaing ngarud ne̍ Je̍sus da.

Matyu 6:12

Se̍ pakawanen nakami kuma kadiya basbasul mi, nga agten met iya panangpakawan mi kadiya nakabasul dakami.

Matyu 8:10

Ket nasdaaw nge̍ Je̍sus ito nagicna na ya kinunen nito kapitan. Ket kinunen ne̍ Je̍sus kadito nibulubulun igina, “Tutu met yani nga ibagac dakayu: Orey kadiya iIsrae̍l, awan pekkem naaskurac nga agten idi nga nabileg ya panamati na.

Matyu 8:16

Ket ito gidamin iyan mettas nga algew, ne̍lbe̍t diya toltoley iya edyan ne̍ Je̍sus diya adu nga naluganan ka sairu. Ket pinagtalew na dito sairu gapu was iya kinagi na. Ket diya agsakit, pinalaing na da met pe̍ nga amin.

Matyu 9:22

Ket e̍ Je̍sus, limaw-ing ngarud. Ket ito nasingen na to babey, kinunen na igina, “Sinanama ka kuma, anac ku, ta nalaingan kan gapu iya panamatim,” kunen na. Ket sigida nga nalaingan to babey yin.

Matyu 9:5

Nagan ngarud ya nalaclaka nga patiyen nu? No kunec igina nga, ‘Napakawan ya basbasul mun,’ winno no kunec igina nga, ‘Bumangun kan se̍ manalan kan’?

Matyu 9:6

Itan, panecnekkac ngarud dakayu nga ya Anac nga Naipatoley, uwed turay na idi nga lubung nga mamakawan ka basul.” Ket kinunen na met ito lugpi, “Ket ikew, bumangun kan. Bacrunem ya idam, se̍ agawir kan,” kunen na.

Markus 1:32

Ket ito nisurneb ya sinagin iyan mettas nga algew, ne̍lbe̍t diya toltoley iya edyan ne̍ Je̍sus diya amin nga agsasakit se̍ diya naluganan ka sairu.

Markus 10:49

Ket nagsardeng ngarud nge̍ Je̍sus, ket kinunen na, “Palbe̍ten nu man idi,” kunen na. Ket inayab da ngarud to kulap, nga kinunen da, “Agragsac ka lugudin! Gumnukat ka ngarud, ta palbe̍ten nakan,” kunen da.

Markus 5:34

Ket kinunen ne̍ Je̍sus ito babey, “Anac ku, nalaingan kan gapu iya panamatim. Agawir ka nga sitatalna kuma ngasin, ta awanin to sarut mun,” kunen na.

Markus 6:50

ta nasingen da nga aminin, ket napalaus met ya ansing da. Ngem sigida nga nagkagi nge̍ Je̍sus igida, nga kinunen na, “Madi kayu mansing, ta iyaken met! Madi kayu madanaganin!” kunen na.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 2:25

Itu nga madi na masapul ya mangibaga igina maipanggep iya gangey toley, ta emmu na nga sigud ya uwed kadiya lemlemmet diya toley.

Juan 21:5

Ket kinunen ngarud ne̍ Je̍sus igida, “Kabulun, uwed naalac nu?” kunen na. Ket kinunen da, “Awan met pulus.”

Aramid 14:9

Ket to lugpi, naggicgicna ito panangaskasaba ne̍ Pablu. Ket e̍ Pablu, binubuteg na to lugpi, ket nalasin na nga nabileg ya panamati nito lugpi e̍ Apu Diyus nga mangagas igina.

Aramid 19:12

Ta orey no pangyu winno mongmong ngas nga inusar na, nipen diya toley kadiya agsakit se̍ kadiya naluganan ka sairu, ket nalaingan mettin diya agsakit se̍ pimanaw diya sairu nga limugluganin.

Aramid 23:11

Ket iyan nga gabi, enna kampu da, nagpasingen manin ya Apu e̍ Pablu. Ket kinunen na e̍ Pablu, “Sinanama ka ngasin. Maisalakan ka ngarud idi, ta masapul pekkem nga ipakaemmum ya maipanggep iyaken enna siyudad nga Ruma, agten mettas iya panangipakaemmum iya kinapudnu na idi He̍rusale̍m,” kunen na.

Ruma 5:11

Ket bekken nas nga ya pannakaisalakan tida ya pagragsakan tida, no di lugud agragsac tida pe̍ e̍ Apu Diyus, gapu iya Apu tida nga Je̍su Kristu nga nangibalin dactidan nga naitunus e̍ Apu Diyus.

Santiyagu 2:18

Ngem mabalin nga uwed agkunen nga, “Panamati ya napateg ikew. Ngem iyaken nga gennung, ya panagwangel ka nabaru ya napatpateg iyaken,” kunen na. Ngem ya kunec, no tutu nga uwed panamatim, madi ka mabalin nga ipanecnec iyaken, no awan panagwangel mu ka nabaru. Ket no iyaken, ipasingec met ikew ya panamatic gapu kadiya nabaru nga wanglec.