Matyu 8:4 - Ya Baru nga Tulag

⁴ Ket kinunen ne̍ Je̍sus igina, “Madi ka ibagbaga ya maipanggep idi iya orey nagan na. Mawe̍ ka ipasingen ya beggim iya agsirsirbi iya Te̍mplu, se̍ agidatun ka ka sagut nga maikanatad iya bilin nito Muyse̍s, tasun maipanecnec kadiya toltoley ya pannakapalaing mu,” kunen na.

Matyu 8:4 Iomraidhean Croise

Matyu 10:18

Ket gapu iyaken, maisangu kayu nad kadiya agtuturay se̍ ar-ari. Ket itu nad ya gundaway nun nga mangipakaemmu igida se̍ kadiya bekken nga Hudyu, maipanggep iyaken.

Matyu 16:20

Ket nibilin ne̍ Je̍sus nga siiinget kadito adalan na nga pulus nga awan kanu pangibagbagaan da nga igina ya Kristu.

Matyu 17:9

Ket ito agdagdagus de̍ Je̍susin ito tageytey, binilin na dito tellu nga adalan na, nga kinunen na, “Awan kuma pekkem pangibagbagaan nu ito nasingen nu, agingga nga agungar ya Anac nga Naipatoley,” kunen na.

Matyu 3:15

Ngem kinunen ne̍ Je̍sus igina, “Ala kad lugudin, ta rumbeng met no tungpalen ta amin diya nalinteg nga panggep ne̍ Apu Diyus,” kunen na. Dikad pe̍ nayat mettas nge̍ Juanin.

Matyu 5:17

“No maipanggep iya Linteg nito Muyse̍s, se̍ dito nisursuru dito mammadtu itun, mabalin nga ipagarup nu nga inumbe̍t tac tasun ipac ku ya sirbi da. Ngem madi yac met inumbe̍t tasun ipac ku diyan, no di lugud tasun tungpalec ya pagrebngan da.

Matyu 6:1

“Agannad kayu, tasun bekken nga pammasingen nas kadiya toley ya panagwangel nu ka nalinteg. Ta no agten iyan nas ya gapu niya panagwangel nu ka nalinteg, ket awan lugud gun-guna nu nga e̍cde̍ niya Ama nu nga uwed ka langit.

Matyu 9:30

Ket nakasingen da ngarudin. Ket binilin ne̍ Je̍sus da nga siiinget, nga kinunen na, “Awan pakaibagaan nidi,” kunen na.

Markus 13:9

“Ngem agannad kayu lugud, ta maiyawat kayu nad kadiya kunse̍hus da. Ket mabaut kayu nad pe̍ iya uneg mettas diya gigimungan, se̍ maisangu kayu nad met kadiya agtuturay se̍ ar-ari gapu mettas iyaken. Ket itu nad ya gundaway nun nga mangipakaemmu maipanggep iyaken.

Markus 3:12

Ngem nainget ya panangbilin ne̍ Je̍sus kadito sairu nga madi da mangipakaemmu maipanggep igina.

Markus 5:43

Ket nibilin ne̍ Je̍sus igida nga pulus nga di da ibagbaga yan nga napasamac iya orey nagan na nga toley. Ket kinunen na pe̍ nga e̍cdan da kuma to ebbing ka kanen na.

Markus 6:11

Ket no uwed ili nga madi dakayu rispitaren diya umili, se̍ madi da gabay ya dumngeg iya isuru nu, panawan nu ngarud yan nga ili yin. Ket no pumanaw kayun, sapuken nu ya tapuc iya saka nu, tasun ipakaemmu nu igida nga awan bibiyang nu igidan,” kunen na.

Markus 7:36

Ket nibilin ne̍ Je̍sus kadito toltoley nga awan pangibagaan da iyan nga winangel na. Ngem di da met nikasu. Ket orey no kumaan nito kapasnec ne̍ Je̍sus nga nangibilin igida, ket nakarkaru lugud to kinapasnec da nga nangipadamag.

Markus 8:30

Ket nibilin met ne̍ Je̍sus igida nga awan pangibagbagaan da maipanggep igina.

Markus 9:9

Ket ito agdagdagus de̍ Je̍sus ito tageytey yin, nibilin na kadito tellu nga adalan na, nga awan pekkem pangibagbagaan da ito nasingen da, agingga nga di nad pekkem agungar ya Anac nga Naipatoley.

Lukas 17:14

Ket ito nasingen ne̍ Je̍sus da, kinunen na igida, “Mawe̍ kayu ipasingen diya beggi nu kadiya agsirsirbi iya paggigimunganin,” kunen na. Ket ito manmanalan da ngarud nga mawe̍ yin, nalaingan met to kutel dan.

Lukas 21:13

Ket itu nad ya gundaway nun nga mangipakaemmu maipanggep iyaken.

Lukas 4:41

Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.

Lukas 5:14

Ket nibilin ne̍ Je̍sus igina nga kinunen na, “Awan pangibagbagaam idi! Mawe̍ ka ipasingen ya beggim iya agsirsirbi iya Te̍mplu, se̍ mangipadaga ka ka maikanatad iya bilin nito Muyse̍s, tasun maipanecnec kadiya toltoley ya pannakapalaing mu,” kunen na.

Lukas 8:56

Nasdaaw ngarud dito naganac ito ebbing iyan nga napasamac, ngem nibilin ne̍ Je̍sus nga awan kanu pangibagbagaan da iyan.

Lukas 9:21

Ngem siiinget nge̍ Je̍sus nga nangbilin igida nga madi da kanu ibagbaga yan ka orey nagan na.

Juan 5:41

“Ket iyaken, bekken nga ya panangpadayaw niya toley ya sapsapulec.

Juan 7:18

Ta ya agkagi ka kabucbukudan na ngas nga turay, ket ya pakaidayawan niya beggi na mettas ya sapsapulen na. Ngem no ya pannakaidayaw niya nangibon igina ya panggep na ya isa nga toley, napudnu se̍ awan kinabusid niyan nga toley.

Juan 8:50

Ngem awan anyaman na iyaken ya agten iyan, ta madi yac sapsapulen ya pakaidayawac dakayu. Uwed met sabali nga mangbiyang iya pannakaipadayaw ku, ket igina pe̍ ya mangikeddeng maipanggep kadidi nga banag.