Matyu 7:7 - Ya Baru nga Tulag

⁷ “No uwed masapul nu, agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Matyu 7:7 Iomraidhean Croise

Matyu 18:19

“Ket tutu met pe̍ nga no uwed orey duwa ngas dakayu idi nga lubung nga agtulag iya orey nagan na nga adngen nu ka kararag, ipaay ngarud niya Amac nga uwed ka langit para dakayu.

Matyu 21:22

Se̍ orey nagan na nga adngen nu nga sipapati iya kararag nu, ket maalac nu nga tutu,” kunen na.

Matyu 6:33

Itu nga diya banbanag maipanggep iya panangituray na se̍ diya nalinteg nga panggep na, itu kuma nga gennung ya ipangpangruna nu nga panpanunuten. Ket iya agten iyan, mae̍cdan kayu pe̍ yin ka amin diyan nga kasapulan nu.

Matyu 7:11

Ngarud, orey dakayu nga toley nga uwed kinadake̍c na, emmu nu met latta ya mange̍cde̍ ka nabaru kadiya anac nu. Ket no ya Ama nu nga uwed ka langit, di ngarud nangnangruna ya panange̍cde̍ na ka nabaru kadiya agadeng igina?

Matyu 7:8

Ta amin nga agadeng, mae̍cdan da. Ket ya agsapul, makasmac. Ket ya agtogtog, mailukat ngarud para igina ya ruwangan.

Markus 11:24

Dikad pe̍ ibagac ngarud dakayu nga orey nagan na nga adngen nu iya kararag nu, basta patiyen nu kuma nga maalac nu, ket maipaay met nga tutu dakayu.

Lukas 13:25

Ta arig nga igiset nad niya akin-baley ya ruwangan nan. Ket no uwed kayu nad pekkem iya ruwar, maiyarig kayu met iya gasisikad nga agtogtogtog, nga kunen nu, ‘Apu, ilukat mu kay dakami ya ruwangan!’ “Ngem kunen na ngas nad dakayu, ‘Madi nakayu met em-emmu no taga-awac kayu.’

Lukas 18:1

Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

Ruma 3:11

Awan toley nga makaawat iya kinapudnu, se̍ awan pe̍ mayat nga mangemmu maipanggep e̍ Apu Diyus.

He̍briyu 11:6

Ngarud, no awan panamati tida, madi met mabalin nga ay-ayuwen tida nge̍ Apu Diyus. Ta ya orey nagan na nga mayat nga umadenni kuma nga agdayaw e̍ Apu Diyus, masapul ngarud nga patiyen na nga uwed Diyus, se̍ patiyen na pe̍ nga e̍ Apu Diyus, igina ya manggun-guna nga tutu kadiya mangemmu igina.

Santiyagu 5:15

Ket malaingan yan nga agsakit gapu iya panagkararag nu nga sipapati iya Apu, ta ya Apu mettas ya mangpalaing igina. Ket no uwed basul niyan nga agsakit, mapakawan met pe̍ yin.

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.