Matyu 6:3 - Ya Baru nga Tulag

³ Ngem ya kustu nga wanglem kuma nga gennung, no mangikaasi ka, ket madi ka kuma ipakaemmu ya wangwanglem, tasun arig nga madi maemmuwan niya katigid nga imam ya wangwanglen niya diwanan mu.

Matyu 6:3 Iomraidhean Croise

Matyu 12:19

Madi nad makisungsungbat winno agpekkaw, se̍ bekken nga diya kalkalsada ya pakagicnaan diya toltoley igina.

Matyu 6:2

“Itu nga no mangikaasi ka kadiya makasapul, madi ka kuma ipacpakaemmu kadiya toltoley ya wangwanglem. Ta bekken kayu kuma ngarud nga agten kadito aginsisingpet nga toley nga agpatangguyub met kadiya gigimungan se̍ kadiya kalkalsada, tasun dayawen diya toley da. Pudnu met nga itu wasin ya gun-guna diya agten iyan nga toley.

Matyu 6:4

Ket no agten iyan, madi ngarud maemmuwan diya sabali nga toley maipanggep iya panangikaasim. Ngem ya Amam nga makasingen kadiya amin nga nalimed, igina met ya manggun-guna ikew.”

Matyu 8:4

Ket kinunen ne̍ Je̍sus igina, “Madi ka ibagbaga ya maipanggep idi iya orey nagan na. Mawe̍ ka ipasingen ya beggim iya agsirsirbi iya Te̍mplu, se̍ agidatun ka ka sagut nga maikanatad iya bilin nito Muyse̍s, tasun maipanecnec kadiya toltoley ya pannakapalaing mu,” kunen na.

Matyu 9:30

Ket nakasingen da ngarudin. Ket binilin ne̍ Je̍sus da nga siiinget, nga kinunen na, “Awan pakaibagaan nidi,” kunen na.

Markus 1:44

nga kinunen na, “Madi ka ibagbaga ya maipanggep idi iya orey nagan na. Mawe̍ ka ipasingen ya beggim iya agsirsirbi iya Te̍mplu, se̍ mangipaay ka kadiya datun nga maikanatad iya bilin nito Muyse̍s, tasun maipanecnec kadiya toltoley ya pannakapalaing mu,” kunen na.

Juan 7:4

Ta no gabay niya isa nga toley ya aglatac, madi na ngarud ilimed diya wangwanglen na. Dikad pe̍ gapu ta agar-ariman ka ngarud kadidi, mawe̍ ka ngarud agpasingen kadiya toltoley a, tasun maipakaemmu ngarud ya beggim kadiya amin nga toltoley iya lubung!” kunen da.