Matyu 5:9 - Ya Baru nga Tulag

⁹ Nagasat diya mangpatpatunus, ta igida, maawagan da nad nga anac ne̍ Apu Diyus.

Matyu 5:9 Iomraidhean Croise

Matyu 5:45

Ket agten iyan kuma ngarud ya wangwanglen nu, tasun ipasingen nu nga tutu kayu nga anac niya Ama nu nga uwed ka langit. Ta e̍ Apu Diyus, padapada nga pagsinagen na ya sinag na kadiya nasingpet se̍ kadiya agdacdake̍c nga toltoley. Se̍ padapada nga ipaay na pe̍ ya udan para kadiya nalinteg se̍ kadiya bekken nga nalinteg.

Matyu 5:48

Ngarud, dakayu, masapul nga agbalin kayu nga awan pagkurangan iya panagbiyag nu, nga agten mettas iya gangey niya nailangitan nga Ama nu, nga awan pagkurangan na.”

Lukas 20:36

Agten nad ngarud iyan, ta pulus nga madi da nad matey yin, gapu ta agten da nad kadiya anghe̍le̍s, se̍ gapu ta an-anac ne̍ Apu Diyus dan, nga tinawid da met ya panagungar dan.

Lukas 6:35

“Ngem ya wanglen nu kuma nga gennung, ayaten nu lugud diya kumuntra dakayu, ket nabaru ya ipaay nu igida. Ket agpautang kayu nga orey awan namnamaen nu nga maibayad. Ket no agten iyan ya wanglen nu, dackel met ya maigun-guna dakayu, ket anac nakayu nga tutu ya Kangatuwan maigapu ka ugali. Ta igina, kaasiyan na met orey diya toley nga madi makaemmu nga agyaman, se̍ diya dake̍c nga toley.

Aramid 7:26

Ket ito kadamlag na, uwed manin duwa nga nadateng ne̍ Muyse̍s nga agsuway, ket pada na met nga Israe̍lita didi. Ket bineldac na da nga pagtunusen na kuma, nga kinunen na, ‘Kabulun, agkabsat kayu met, ape̍ nga agsuway kayu?’ kunen na.

Ruma 12:18

Ket arimanen nu ya amin nga kabaellan nu nga makikinnaawatan kadiya amin nga toley, no mabalin kuma.

Ruma 8:14

Tutu met yan, ta diya amin nga maidalan iya Ispiritu ne̍ Apu Diyus, anac met ne̍ Apu Diyus da.

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

1 Kurintu 6:6

Se̍pe̍ no uwed riri nu iya kabsat nu ka pammati, idarum nu met. Ket bekken nas nga iyan, ta ipausig nu met kadiya bekken nga mamati!

2 Kurintu 13:11

Ket kakabsat, idi ya modi nga ibagbagac dakayu idi nga surat kun: Aganggem kayu ngas kuma. Ket palinteggen nu kuma ngarudin ya ugali nu, se̍ tungpalen nu kuma ngarud ya pamagbagac dakayu idi nga surat ku. Agkikinnaawatan kayu kuma, se̍ agtutunus kayu kuma pe̍. Ket no agten iyanin, uwed met dakayu nge̍ Apu Diyus, nga igina ya pagtaudan niya ayat se̍ talna.

2 Kurintu 5:20

Ngarud, dakamin ya ebbon ne̍ Kristu nga mangibegbeggi igina kadiya toley yin. Ket gapu dakami, awisen ne̍ Apu Diyus diya toltoley. Itu nga gapu ito winangel ne̍ Kristu win, aw-awisen dakayu nga awaten nu kuma ngarudin ya e̍cde̍ ne̍ Apu Diyus nga pakaitunusan nu igina.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

E̍pe̍su 4:1

Ket itan, iyaken, uwed dac iya pagbaludan nga idi gapu iya panagsirbic iya Apu. Ket sipapasnekkac nga mangbagbaga dakayu nga maitutup kuma ya ugali niya panagbiyag nu iya kinadayaw niya saad nu nga nangpiliyan ne̍ Apu Diyus dakayu.

Pilipus 4:2

Ket dakayu, E̍yudiyas nge̍ Sintike̍, ibagbagac nga sipapasnec dakayu nga agtunus kayu kuma ngin, ta agkabsat kayu met gapu iya Apu.

Kulusas 3:13

Agpipinnase̍nsiya se̍ agpipinnakawan kayu kuma, no uwed mangumsi dakayu. Ket pakawanen nu ngarud diya kapada nu, agten mettas ito panangpakawan niya Apu dakayu.

He̍briyu 12:14

Arimanen nu ya amin nga kabaellan nu nga makikinnaawatan kadiya amin nga toley. Ket se̍ ikagumaan nu pe̍ ya pumaris iya kinalinteg ne̍ Apu Diyus, ta emmu tida nga ya toley nga awan igina ya agten iyan nga kinalinteg, madi na nad masingen ya Apu.