Matyu 5:4 - Ya Baru nga Tulag

⁴ Nagasat diya agladladingit, ata igida nad ya uwed pakaliwliwaan da.

Matyu 5:4 Iomraidhean Croise

Lukas 16:25

“Ngem kinunen ne̍ Abraham, ‘Ay, anac ku, lagipem mas nga ito sibibiyag ka pekkem, naglak-am ka met ka nakaay-ayu nga nanam-ay nga banbanag. Ngem e̍ Lasaru nga gennung, karigatan nga banbanag ngas met to nalak-aman na itun. Ngem ita, maliwliwa met idi nin. Ket ikew met ya agrigrigatin.

Lukas 6:21

Dakayu nga mabisbisin ita, nagasat kayu, ta mapnec kayu nad mettas. Dakayu nga agladladingit ita, nagasat kayu, ta aggalgalec kayu nad nga siraragsac.

Lukas 6:25

Dakayu nga awan kasapulan na ita, kackaasi kayu pe̍, ta agbisin kayu nad met. Dakayu nga agag-agalec ita, kackaasi kayu pe̍, ta agladingit se̍ agberrit kayu nad met.”

Lukas 7:38

Nawe̍ ngarud nagsikad nga agberberrit iya likud ne̍ Je̍sus, ket nagtedted met diya luwa na kadiya saka ne̍ Je̍sus. Nipunas na met ya ebbuc na mettas kadito naitedted nga luwa na kadiya saka ne̍ Je̍sus. Ket inagkan na met pe̍ nga sidadayaw diya saka na, se̍ na binucbukan diya saka na ito bangbanglu.

Lukas 7:50

Ngem e̍ Je̍sus, kinunen na ito babey, “Naisalakan kan gapu iya panamatim. Agawir ka nga sitatalna kuma ngasin,” kunen na.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

Paltiing 21:4

Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.