Matyu 5:3 - Ya Baru nga Tulag

³ “Nagasat diya mangipudnu iya kinakurang da maipanggep e̍ Apu Diyus, ta uwed met igida ya panangituray niya Nailangitan.

Matyu 5:3 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:6

Ket idi pe̍ ya ibaga nu e̍ Juan: ‘Maragsakan met ya toley nga madi agduwaduwa maipanggep iyaken,’ kunen nu,” kunen ne̍ Je̍sus.

Matyu 13:16

“Ngem dakayu, nagasat kayu ngarud, ta malasin nu met ya masingen nu, se̍ maawatan nu ya magicna nu.

Matyu 19:14

Ngem kinunen ne̍ Je̍sus, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray niya Nailangitan,” kunen na.

Matyu 24:46

Ket maragsakan ngarud yan nga tagabu no madateng niya amu na nga agten iyan nga tutu ya wangwanglen na.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 3:2

nga kinunen na, “Masapul nga agbabawi kayu kadiya basbasul nu, ta dandani yin ya panangituray niya Nailangitan,” kunen na.

Matyu 8:11

Tutu met nga adu nad diya gayat iya daya se̍ ellod nga makisangu nga mangan kade̍ Abraham, Isaac se̍ e̍ Hakub iya pagiturayan niya Nailangitan.

Markus 10:14

Ngem ito nasingen ne̍ Je̍sus, nakaunget ngarud, ket kinunen na kadito adalan na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus.

Lukas 11:28

Ngem kinunen met ne̍ Je̍sus, “Kinapudnu na, nagasgasat pekkem diya dumngeg se̍ mangtungpal iya kagi ne̍ Apu Diyus,” kunen na.

Lukas 18:14

“Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.

Lukas 22:29

Ket iya agten iyan, isaad nakayu ngarud nga mangituray, nga agten mettas ito panangisaad niya Amac iyaken nga mangituray.

Lukas 22:30

Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Juan 20:29

Ket kinunen ne̍ Je̍sus igina, “Mamati ka itan gapu ta nasingen nac kun, ey? Madaydayaw met diya toley nga mamati nga orey no di dac masingen!” kunen na.

Santiyagu 1:10

Ket ya bacnang nga toley, agragsac kuma pe̍, ta emmu na nga bekken nga ya kinabacnang na ya napateg e̍ Apu Diyus. Tutu met yan, ta ya bacnang, agpatingga ngas ya panagbiyag na, nga arig nga bellad nga dagus nga miterkag.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

Paltiing 19:9

Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.

Paltiing 22:14

Nagasat ngarud diya mangpadalus iya sutana da, tasun mae̍cdan da ka kalinteggan nga mangan iya bisic nito kayu nga pagbiyagan enna siyudad, se̍ tasun mapalubusan da nga lumnec kadito ruwangan nito bakud nga umuneg ito siyudad.

Paltiing 3:17

“Ta kunem nga nabacnang kan se̍ nanam-ayin ya panagbiyag mu, ket awan kunem nga masapul mun. Ngem madi ka met madlaw nga no iya imatang ku, dake̍c se̍ kackaasi ya kasasaad mu, se̍ ibilang naka nga napanglaw, nakulap se̍ isa nga awan met luput na.