Matyu 4:9 - Ya Baru nga Tulag

⁹ Ket kinunen na e̍ Je̍sus, “E̍cde̍c ikew amin didi, no agparintumeng ka nga agdayaw iyaken,” kunen na.

Matyu 4:9 Iomraidhean Croise

Matyu 26:15

Ket kinunen na, “Nagan kad ya maigun-guna nu iyaken no iyawat ku nge̍ Je̍sus dakayu?” kunen na. Ket tellu nga pulu nga diplata nga kuwarta to ne̍cde̍ da igina.

Matyu 4:10

Ket kinunen met ne̍ Je̍sus igina itun, “Agtalew ka idi nin, Satanas! Ta uwed met naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.

Juan 12:31

Ta ita mettin ya panangrugi niya panangukum ne̍ Apu Diyus kadiya toley idi nga lubung. Ita met pe̍ yin ya timpu niya panangpatalew ne̍ Apu Diyus iya agituray idi nga lubung.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 16:11

Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

1 Timutyu 3:6

Ya agay-aywan iya bungguy, madi pe̍ mabalin no kabarbaru pekkem nga mamati, ta kaynun no tumangsit, se̍ madusa nga agten met iya diyablu itun.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 19:16

Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”