Matyu 4:7 - Ya Baru nga Tulag

⁷ Ket kinunen manin ne̍ Je̍sus igina, “Naisurat met pe̍ iya Bibliya nga, ‘Madi ka sigiren ya Apu nga Diyus mu,’” kunen na.

Matyu 4:7 Iomraidhean Croise

Matyu 21:16

Itu nga kinunen da e̍ Je̍sus, “Madi ka magicna ya kagkagiyen diyan?” kunen da. Ket kinunen ne̍ Je̍sus igida, “Kapuutin, magicnac met. Ape̍? Madi kayu kad pekkem nabasa to naisurat iya Bibliya nga kunen na nga, ‘Gapu iya maikagi diya eb-ebbing se̍ ke̍bke̍bit, nipakaemmum ya dayaw mu,’ kunen na met?” kunen ne̍ Je̍sus.

Matyu 21:42

Ket kinunen ne̍ Je̍sus igida, “Kustu ya sungbat nu. Ngem no dakayu met, arig lugud nga madi kayu pekkem nabasa to naisurat iya Bibliya nga kunen na, ‘Iyan mettas nga batu nga nitemsit ngas dito nangpatdec, itu met ya nagbalin nga kangrunaan nga panuli yin. Ket gapu mettas iya pannakabalin niya Apu, itu ya nagbalinan na, ket ibilang tida ngarud nga nakaskasdaaw,’ kunen na iya Bibliya.

Matyu 4:10

Ket kinunen met ne̍ Je̍sus igina itun, “Agtalew ka idi nin, Satanas! Ta uwed met naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.

Matyu 4:4

Ngem kinunen ne̍ Je̍sus, “Uwed naisurat iya Bibliya nga kunen na, ‘Ya pagbiyag niya toley, bekken nas nga tinapay, no di pe̍ diya amin nga kagi nga tumaud e̍ Apu Diyus,’” kunen na.

Lukas 4:12

Ket kinunen manin ne̍ Je̍sus igina, “Kunen na pe̍ iya Bibliya nga, ‘Madi ka sigiren ya Apu nga Diyus mu,’” kunen na.

Aramid 15:10

Ket itan, ape̍ nga gabay nu nga paungten nge̍ Apu Diyus nga ipawangel nu ya narigat nga banbanag kadiya pasurut niya Apu nga bekken nga Hudyu? Ta orey dito am-ama tida itun se̍ dactida met pe̍ ita, madi tida met kinabaellan nga tinungpal diyan.

Aramid 5:9

Ket kinunen manin ne̍ Pe̍dru igina, “Ape̍ nagtulagan nu nga agasawa nga sigsigiren nu met ya Ispiritu niya Apu? Orey singem, sinumpuc kin dito nawe̍ nangitamen e̍ asawam. Uwed da mettin iya laskig, ket ikew met ya buligan dan,” kunen na.

1 Kurintu 10:9

Ket dito duduma igida itun, sinigsigir da met nge̍ Apu Diyus, ket nadusa da pe̍ nga natey gapu iya kagat dito malaga itun. Ket no dactida, masapul nga madi tida kuma lugud sigiren nge̍ Apu Diyus.

He̍briyu 3:9

Ta sinintir dac ngarud antuni dito am-ama nu, kunen ne̍ Apu Diyus, orey nasingen da met dito inar-ariman ku ito las-ud eppat nga pulu nga dagun.