Matyu 3:9 - Ya Baru nga Tulag

⁹ Ket di nu met ipagarup nga kustu no kunkunen nu iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Matyu 3:9 Iomraidhean Croise

Markus 7:21

Ta ya uneg niya toley nga paggayatan diya tarigagay na mettas, itu ya pagtaudan diya dake̍c nga panpanunut, se̍ ya pannakikamalala, panagtakew, pumatey,

Lukas 12:17

Itu nga kinunen na iya lemlemmet na, ‘Kumaan na ngarudin? Ta awan met umanay nga pagipunduwac iya apit kun.

Lukas 16:24

Ket kinunen nito bacnang nga nipkaw, ‘Ama nga Abraham, kaasiyan nac kay! Pangngaasim ta ibon mu kay nge̍ Lasaru nga mangisewsew iya kurimeng na iya danum, se̍ na umbe̍t kuma lespen ya dilac ki. Ta napalaus ya rigat ku gapu idi nga apuy,’ kunen na.

Lukas 19:40

Ket kinunen ne̍ Je̍sus, “Kinapudnu na, no agulimec didi maipanggep iyaken, di pe̍ diya batbatu met nga gennung ya pumpumkawin nga agdayaw,” kunen na.

Lukas 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu. Ket di nu met kunkunen iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Lukas 5:22

Ngem emmu ne̍ Je̍sus to uwed iya lemlemmet da, itu nga kinunen na igida, “Ape̍ nga agten iyan ya lemlemtan nu?

Lukas 7:39

Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.

Juan 8:33

Ket kinunen dito toltoley, “Hudyu kami met nga kapututan nito Abraham, ket awan pekkem orey nagan na nga nangtagabu dakami. Ape̍ kunem nga uwed pakawayawayaan mi?” kunen da.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Juan 8:53

Nangatngatu ka kad ngem ito Abraham nga ama mi? Natey met to Abraham, ket natey met pe̍ dito mammadtu! Nagan ngarud ya pangipagpagarupam iya beggim?” kunen da.

Aramid 13:26

“Wawagi, dactida nga kapututan nito Abraham se̍ dakayu nga bekken nga Hudyu nga mangipatpateg e̍ Apu Diyus, dactida met ya nangipakaemmuwan ne̍ Apu Diyusin iya kagi na maipanggep iya panangisalakan na dactida.

Aramid 15:14

E̍ Simon Pe̍dru, nipalpalawag na ito deddan dactida to damu nga panangipasingen ne̍ Apu Diyus iya ayat na kadito bekken nga Hudyu, ta uwed da pinili na igida nga nagbalin nga toley na.

Ruma 4:1

Ket no maipanggep ito Abraham nga am-ama tida nga nagtaudan tida nga Hudyu, kumaan nito pannakaibilang na nga nalinteg?