Matyu 3:4 - Ya Baru nga Tulag

⁴ Ket to Juan, nagkawwes met ka kawwes nga naariman ka dutdut kame̍lyu, se̍ nagbarikes ngas ka lalat. Ket ya kanen na, sisibew se̍ digu yukan.

Matyu 3:4 Iomraidhean Croise

Matyu 11:18

“Agten ngarud iyan diya toltoley ita nga timpu. Ta nagparang nge̍ Juan, nga niparit na iya beggi na ya mangan se̍ uminum kadiya nangina, ket kunkunen met diya toltoley nga, ‘Nasairuwan met yan!’ kunen da.

Matyu 11:8

Dikad ape̍ ngarud nga nawe̍ kayu siningen? Tasun masingen nu kuma kad ya isa nga toley nga nagkawwes ka napaw-is? Bekken met, ata diya agkawwes ka napaw-is, aged-edyan da met kadiya palasiyu nga baley diya ar-ari.

Markus 1:6

Ket ya luput nito Juan, naariman met ka dutdut kame̍lyu, ket lalat ngas ya barikes na. Sisibew se̍ digu yukan ya pagbibiyag na itun.

Lukas 1:17

“Ket mon-ona nad nga maibon ya anac nu ngem iya Apu, ket maidalan nad iya pannakabalin niya Ispiritu ne̍ Apu Diyus, nga agten ito pannakabalin nga uwed ito mammadtu nga E̍lyas itun. Pagtutunusen nad niya anac nu diya am-ama se̍ diya an-anac. Palinteggen na nad diya nasukir ya panpanunut da, ka panunut nga nalinteg. Ket iya agten iyan, paisagana nad niya anac nu diya toltoley, tasun uwed da nga nakasagana iya umbe̍tan niya Apu,” kunen nito anghe̍l.

Paltiing 11:3

Ket ibon ku nad diya duwa nga mangipakaemmu iya pudnu. Nakakawwes nad didi nga eb-ebbonec ka nakersang nga luput. Ket tulungac da tasun makaipadamag da iya kagi ne̍ Apu Diyus ka unus isa nga ribu ket duwa nga gasut ket ennem nga pulu nga algew,” kunen nan.