Matyu 22:3 - Ya Baru nga Tulag

³ Ket nibon nito ari diya tagabu na nga mawe̍ da palbe̍ten diya naawis ito pakalun. Ngem dito naawis, madi da met gabay ya mawe̍ makipakalun.

Matyu 22:3 Iomraidhean Croise

Matyu 21:34

“Ket ito dandani ya timpu panagbuburas ka ubasin, nangibon to akin-kuwa kadiya tagabu na nga mawe̍ kadito makisugsugpun, tasun alaken da ya bingay na nga ubas.

Matyu 23:37

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Matyu 3:2

nga kinunen na, “Masapul nga agbabawi kayu kadiya basbasul nu, ta dandani yin ya panangituray niya Nailangitan,” kunen na.

Matyu 9:15

Ket kinunen ne̍ Je̍sus igida, “Kaspagarigan no uwed pakalun, ket bayat niya kauwed pekkem niya nubyu kadiya kabulun na, rumbeng kadi no sangitan da? Bekken met! Ngem madatngan nad ya timpu nga maipanaw igidan ya nubyu, ket itu nad mettin ya timpu nga mangiparit dan iya beggi da nga mangan.

Lukas 13:34

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Lukas 15:28

“Ngem to inauna, nakaunget mettin, ket madi met nagtarus iya baley dan. Itu nga nawe̍ ya ama na nga nangalayu iginan tasun iyan lumnec kuma ngin.

Lukas 19:27

“‘Ket no maipanggep kadito kumuntra iyaken, nga madi da kanu gabay ya panagaric igida, e̍lbe̍t nu da ngarud idi, ket patayen nu da iya sanguc ki,’ kunen nito ari,” kunen ne̍ Je̍sus.

Juan 5:40

Ngem orey agten iyan, madi kayu met gabay ya umadenni nga sumurut iyaken, tasun mae̍cdan kayu kuma iyan nga biyag.

Aramid 13:45

Ngem dito Hudyu nga madi mamati, ito nasingen da nga adu diya toley nga nawe̍ naggigicna, napalaus ya apal dan. Itu nga diniskutir da to kunen ne̍ Pablu tasun iyal-alyew da kuma.

Ruma 10:21

Ngem no maipanggep kadiya Israe̍lita ita, kinunen na, “Pe̍yeng ngac nga mangaw-awis nga siaasi kadiya toley nga nasukir se̍ nasubeg,” kunen na.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 9:15

Dikad pe̍ e̍ Kristu ngarud met ya mangibabaet nga nangirugi iya baru nga tulag. Itu nga diya pinili ne̍ Apu Diyus nga katulag na, matawid da ngarudin to nikari na nga agnanayun nga tawid. Ta gapu ito pannakatey ne̍ Kristu, nawayawayaan dan iya pannakaukum da gapu kadito basbasul da, nga naariman da ito uwed da pekkem iya masakupan nito nona nga tulag.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.