Matyu 2:9 - Ya Baru nga Tulag

⁹ Ket ito nagicna dito gan-gannaet to kinagi niya ari yin, nawe̍ da ngarudin. Ket ya napasamac, to bituwen nga nasingen da itun enna daya, itu mettas ya nangiturung igidan, ket nagsardeng met ito batug nito baley nga edyan nito ebbing.

Matyu 2:9 Iomraidhean Croise

Matyu 2:10

Ket ito nasingen da to bituwen, napalaus ngarud ya anggem dan.

Matyu 2:2

Ket nagdamdamag da nga kinunen da, “Awac ya edyan niya ebbing nga naiyanac nga ari diya Hudyu? Ta nasingen mi ngamin ya bituwen na nga nagparang enna daya, itu nga inumbe̍t kami nga agdayaw kuma igina,” kunen da.

Matyu 2:8

Se̍ na da nibon ka Be̍tle̍he̍m, nga kinunen na igida, “Mawe̍ kayu ngarud sapulen nga nalaing yan nga ebbing. Ket nad no masmac nun, sumoli kayu nga mangipadamag iyaken idi, ta mawe̍ yac met pe̍ agdayaw igina,” kunen na.

2 Pe̍dru 1:19

Ket iya agten iyan, napatalgeddan mettin dito nikaskasaba dito mammadtu itun. Ket dakayu, paglaingan nu met no ipangag nu da pe̍. Ta to kasaba da itun, maiyarig iya dilag nga dumardarang iya nagicbet nga lugar agingga ka parbangunin. Itu ya arig nga panagparang niya baggac, ket itu ya mangwada iya panpanunut nun.