Matyu 2:6 - Ya Baru nga Tulag

⁶ ‘Dakayu nga iBe̍tle̍he̍m iyan nga ginet ka Huda, bekken nga nababbaba ya dayaw nu ngem kadiya naturay nga siyudad niya Huda. Ta Be̍tle̍he̍m nad met ya pagtaudan niya mangituray nga mangidalan kadiya toley ku nga Israe̍lita,’ kunen na,” kunen da.

Matyu 2:6 Iomraidhean Croise

Matyu 2:1

Ket ya ili nga Be̍tle̍he̍m iya prubinsiya nga Hudya, itu ya nakaiyanakan ne̍ Je̍sus ito panagturay ne̍ Ari He̍rude̍s. Ket itun nga timpu, uwed da met toley nga inumbe̍t ka ili nga He̍rusale̍m nga naggayat ka daya. Mamasirib met didi maipanggep kadiya bitbituwen.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Juan 21:16

Ket pine̍dwa ne̍ Je̍sus nga sinaludsud e̍ Pe̍dru nga kinunen na manin, “Simon nga anac ne̍ Juan, ay-ayaten nac kadi?” kunen na. Ket kinunen manin ne̍ Pe̍dru, “Bo, Apu. Emmum met nga patpatgen naka,” kunen na. Ket kinunen ne̍ Je̍sus igina, “No agten iyan, aywanam ngarud diya arig nga karne̍ruc,” kunen na manin.

Juan 7:42

Ta kunen na ngarud iya Bibliya nga agtaud ya Kristu iya kapututan nito Ari Dabid. Ket Be̍tle̍he̍m kanu met ya pakaiyanakan niya Kristu, nga itu ya ili nito Ari Dabid,” kunen da.

E̍pe̍su 1:22

Ket nipaituray ne̍ Apu Diyus ya amin nga banbanag e̍ Kristu, tasun igina kuma ya apu diya aminin. Ket nisaad pe̍ ne̍ Apu Diyus nga pangulu nga makaemmu kadiya amin nga maipaay iya bungguy mamati nga kamkameng na.

Kulusas 1:18

Ket igina met ya arig nga ulu niya beggi, nga kayat na nga kagiyen, igina ya pangulu niya bungguy mamati. Igina met pe̍ ya pagtaudan niya amin, se̍ igina ya katurayan se̍ kaonaan nga napagungar kadiya natnatey. Agten iyan ngarud tasun igina kuma ya kangrunaan ka amin.

He̍briyu 7:14

Ta emmu tida nga ya Apu tida, nagtaud met iya kapututan nito Huda. Ket tutu met nga awan naibaga nito Muyse̍s maipanggep ka panagsirsirbi diya kapututan nito Huda iya pagdaydayawan.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 2:27

Ket arig nga sacgukud nga landuc ya kinabaked nad niya panangituray da kadiya pagpagiliyan, ta mapirdi nad ya bileg dito pagpagiliyan, nga maiyarig mettas iya pannakarumec niya banga. Ta diya mangabac, mae̍cdan da nad ka turay nga agten mettas iya turay nga ne̍cde̍ niya Amac iyaken.

Paltiing 7:17

Ta ya Urbun Karne̍ru nga uwed iya sangu niya trunu, igina met ya agay-aywan igidan, ket iturung na da ka arig nga ubbug nga mange̍cde̍ ka biyag. Ket liwliwaen ne̍ Apu Diyus da, tasun awan pulus agberberrit igidan,” kunen na.