Matyu 2:3 - Ya Baru nga Tulag

³ Ket ito nadamag ne̍ Ari He̍rude̍s yan, napalaus met ya danag nan, ket agten met pe̍ dito amin nga iHe̍rusale̍m.

Matyu 2:3 Iomraidhean Croise

Matyu 2:2

Ket nagdamdamag da nga kinunen da, “Awac ya edyan niya ebbing nga naiyanac nga ari diya Hudyu? Ta nasingen mi ngamin ya bituwen na nga nagparang enna daya, itu nga inumbe̍t kami nga agdayaw kuma igina,” kunen da.

Matyu 2:4

Itu nga pinaurnung na amin dito pangpangulu diya agsirsirbi iya Te̍mplu se̍ diya manursuru iya Linteg diya Hudyu, ket inemmu na igida no awac kanu ya naipadtu nga pakaiyanakan niya Kristu.

Matyu 23:37

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Matyu 24:6

Ket magicna nu nad ya uni diya panaggubat, se̍ madamag nu nad pe̍ iya sapsaput diya toley maipanggep ka gubgubat. Ngem masapul nga madi kayu mariribukan kadiyan. Ta masapul ngarud met nga mon-ona nga mapasamac diyan, ngem bekken nad pekkem nga itu ya panungpalan.

Matyu 8:29

Ket dito duwa nga lalaki, kinunen da e̍ Je̍sus ka nabileg, “Anac ne̍ Apu Diyus! Nagan ngarud ya biyang mu dakami? Inumbe̍t ka aya idi tasun parigaten nakami ita, sacbay niya naikeddeng nga pannakadusa mi?” kunen da.

Markus 13:7

Ket madi kayu kuma nad mariribukan, no magicna nu ya uni diya panaggubat, se̍ no madamag nu nad pe̍ iya sapsaput toley diya maipanggep ka gubgubat. Ta masapul ngarud met nga mapasamac diyan. Ngem bekken nad pekkem nga itu ya panungpalan.

Aramid 4:2

Ta nakaunget da gapu kadito isursuru de̍ Pe̍dru kadiya toltoley, gapu ta nikasaba da nga nagungar nge̍ Je̍susin, itu nga mabalin pe̍ kanu nga agungar nad met diya duduma nga nat-atey.