Matyu 2:2 - Ya Baru nga Tulag

² Ket nagdamdamag da nga kinunen da, “Awac ya edyan niya ebbing nga naiyanac nga ari diya Hudyu? Ta nasingen mi ngamin ya bituwen na nga nagparang enna daya, itu nga inumbe̍t kami nga agdayaw kuma igina,” kunen da.

Matyu 2:2 Iomraidhean Croise

Matyu 2:3

Ket ito nadamag ne̍ Ari He̍rude̍s yan, napalaus met ya danag nan, ket agten met pe̍ dito amin nga iHe̍rusale̍m.

Matyu 21:5

“Agten idi ya ibaga nu kadiya iSiyun: ‘Singen nu, ket umbe̍tin ya ari nu. Napakumbaba ngas met, ket nakasakey ka asnu. Tutu met, nakasakey ka urbun asnu.’”

Matyu 27:11

Ket e̍ Je̍sus itun, naisangu win ito gube̍rnadur. Ket nagsaludsud to gube̍rnadur igina nga kinunen na, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus, “Nakagi mun,” kunen na.

Lukas 19:38

nga kinunen da, “Madaydayaw ya Ari nga agparang gapu iya turay niya Apu! Talna kuma ngas ya uwed ka langit, ket mapadayawan kuma ngarud ya uwed iya kangatuwan nga edyan!” kunen da.

Lukas 2:11

Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Lukas 23:3

Ket e̍ Pilatu, sinaludsud na ngarud e̍ Je̍sus, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus igina, “Nakagi mun,” kunen na.

Lukas 23:38

Ket iya ngatuwen niya ulu ne̍ Je̍sus ito krus, uwed pakaemmu nga naisurat. Agten idi to naisurat: “Idi ya Ari diya Hudyu.”

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 12:13

Dikad pe̍ nagalac da ka bacbain se̍ da nawe̍ nisabet nga sidadayaw igina, nga nip-ipkaw da, “Madaydayaw ya Mangisalakan! Madaydayaw ya agparang gapu iya kinaturay niya Apu! Madaydayaw ngarud ya Ari tida nga iIsrae̍l!” kunen da.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Juan 19:19

Ket e̍ Pilatu, uwed met isa nga pakaemmu nga nipaisurat na, se̍ nipaipay na ito krus ne̍ Je̍sus. Ket agten idi to naisurat iyan: “E̍ Je̍sus nga iNasare̍t, ya Ari diya Hudyu.”

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 5:23

Agten iyan ngarud ya winangel niya Ama, tasun diya amin nga toley, maiparis kuma ya panagdayaw da iya Anac iya panagdayaw da iya Ama. Ket iya agten iyan, ya madi mangdayaw iya Anac, madi na met pe̍ padayawan ya Ama nga nangibon igina.

Juan 9:38

Ket kinunen ngarud nito lalaki, “Ay, mamati yac ngarudin, Apu!” kunen na, ket nagparintumeng nga nagdaydayaw e̍ Je̍susin.

He̍briyu 1:6

Ket nad manin no ibon ne̍ Apu Diyus idi nga lubung ya Kaonaan nga Anac na nga katurayan, kunen na, “Masapul nga agdayaw igina diya amin nga anghe̍le̍s ne̍ Apu Diyus.”

Paltiing 22:16

“Iyaken nge̍ Je̍sus. Ket iyaken ya nangibon iya anghe̍l ku ikew, tasun ipakaemmu na diya kinapudnu maipanggep kadidi nga banbanag para kadiya bungbungguy diya mamati. Iyaken ya nagtaud iya kapututan nito Ari Dabid, se̍ iyaken pe̍ ya maawagan ka bituwen nga aggundaway iya parbangun,” kunen ne̍ Apu Je̍sus.