Matyu 2:1 - Ya Baru nga Tulag

¹ Ket ya ili nga Be̍tle̍he̍m iya prubinsiya nga Hudya, itu ya nakaiyanakan ne̍ Je̍sus ito panagturay ne̍ Ari He̍rude̍s. Ket itun nga timpu, uwed da met toley nga inumbe̍t ka ili nga He̍rusale̍m nga naggayat ka daya. Mamasirib met didi maipanggep kadiya bitbituwen.

Matyu 2:1 Iomraidhean Croise

Matyu 1:25

ngem madi nakiadug igina agingga ka di na pekkem naiyanac ya bucsit na nga lalaki. Ket Je̍sus ngarud ya nipanagan ne̍ Huse̍ ito ke̍bit.

Matyu 2:16

Ito naemmuwan ne̍ He̍rude̍s nga binusidan dito mamasirib nga gan-gannaet, napalaus ya unget na. Itu nga nipapatey na amin nga lalaki nga eb-ebbing nga agdagun ka duwa winno naeb-ebbing pekkem enna Be̍tle̍he̍m se̍ kadiya kabangibang na nga luglugar. Nibilin na nga mapatey diya agten iyan nga eb-ebbing, gapu ta maikanatad yani iya pannakaawat na ito kinunen dito mamasirib nga gan-gannaet maipanggep ito timpu nito panagparang nito bituwen.

Matyu 2:19

Ket ito natey nge̍ Ari He̍rude̍sin, uwed manin anghe̍l niya Apu nga nagpasingen e̍ Huse̍ enna E̍hiptu iya pasmeg na.

Matyu 2:3

Ket ito nadamag ne̍ Ari He̍rude̍s yan, napalaus met ya danag nan, ket agten met pe̍ dito amin nga iHe̍rusale̍m.

Matyu 2:5

Ket kinunen da igina, “Enna ili nga Be̍tle̍he̍m, iya sakup niya Hudya, itu kanu ya pakaiyanakan na. Ta to mammadtu, itu ya nisurat na itun:

Matyu 2:7

Ket e̍ Ari He̍rude̍s, pinalbe̍t na ka limed dito mamasirib nga gan-gannaet, tasun emmuwen na nga nalaing igida no nungey to panagparang nito bituwen.

Lukas 1:5

Ito panagari nito He̍rude̍s iya pagiliyan nga Hudya, uwed isa nga agsirsirbi iya Te̍mplu nga agnagan ka Sakaryas, nga isa iya bungguy ne̍ Abiyas. E̍lisabe̍t ya nagan niya asawa na, nga kapututan pe̍ nito Arun.

Lukas 2:11

Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Lukas 2:15

Ket ito nakapanaw dito anghe̍le̍s nga simoli ka langitin, nagtetebbar ngarud dito agay-aywan ka karne̍ru, nga kinunen da, “Tidan enna Be̍tle̍he̍min, ta we̍ tida ngarud singen yani nga napasamac nga nipakaemmu niya Apu dactida,” kunen da.

Juan 7:42

Ta kunen na ngarud iya Bibliya nga agtaud ya Kristu iya kapututan nito Ari Dabid. Ket Be̍tle̍he̍m kanu met ya pakaiyanakan niya Kristu, nga itu ya ili nito Ari Dabid,” kunen da.