Matyu 18:3 - Ya Baru nga Tulag

³ Ket kinunen na, “Tutu met nga pulus nga madi kayu makalak-am iya panangituray niya Nailangitan no madi kayu agbaliw kadiya pangpanggep nu, nga agbalin kayu nga arig mettas nga ebbing.

Matyu 18:3 Iomraidhean Croise

Matyu 13:15

Ta kimapsut mettin ya pannakaawat didi nga toley, se̍ narigat ya pannakagicna dan, se̍ nagkulinget dan. Ta no bekken nga agten iyan, kaynun no malasin da ya masingen da, se̍ natarus igida ya magicna da, se̍ maawatan da ya panunuten da, ket kaynun no sumoli da iyaken tasun agasac da,’ kunen nito Isayas itun.

Matyu 18:2

Ket e̍ Je̍sus, pinalbe̍t na ya isa nga ebbing, ket nipasangu na igida.

Matyu 18:4

Ngarud, ya kangrunaan kadiya iturayan niya Nailangitan, itu ya mangipababa iya pangpanggep na nga arig nga pangpanggep nidi nga ebbing.

Matyu 19:14

Ngem kinunen ne̍ Je̍sus, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray niya Nailangitan,” kunen na.

Matyu 19:23

Ket e̍ Je̍sus, kinunen nan kadito adalan na, “Tutu met nga narigat nga aglak-am nad diya uwed kinabacnang da iya panangituray niya Nailangitan.

Matyu 5:18

Ta ya kinapudnu na, no kumaan niya panagpaut niya abac lawa se̍ lubung, itu pe̍ yin ya panagpaut niya orey nagan na nga le̍tra se̍ orey tulnec ngas niya Linteg, agingga ka matungpal nad ya aminin.

Matyu 5:20

Ta pudnu met nga madi mabalin nga makalak-am kayu kadiya iturayan niya Nailangitan, no bekken nga napudpudnu ya kinalinteg nu ngem iya kinalinteg diya manursuru iya Linteg se̍ diya Parisiyu.”

Matyu 6:16

“Ket no uwed kari nu gapu iya pammati nu, nga mangiparit iya beggi nu nga mangan, singen nu tasun madi kuma mad-adlaw iya langa nu ya panaganus nu, nga agten iya gangey diya aginpapasnec. Ta pasabaliyen da ya langa diya rupa da, tasun masingen diya toley ya panaganus da nga madi mangan. Ket pudnu met nga itu wasin ya gun-guna dan.

Matyu 6:2

“Itu nga no mangikaasi ka kadiya makasapul, madi ka kuma ipacpakaemmu kadiya toltoley ya wangwanglem. Ta bekken kayu kuma ngarud nga agten kadito aginsisingpet nga toley nga agpatangguyub met kadiya gigimungan se̍ kadiya kalkalsada, tasun dayawen diya toley da. Pudnu met nga itu wasin ya gun-guna diya agten iyan nga toley.

Matyu 6:5

“Ket no agkararag ka, madi ka kuma pe̍ tultuladen diya aginsisingpet. Ta magustuwan da ya agkararag nga nakasikad kadiya gigimungan se̍ kadiya paguurnungan toley kadiya kalkalsada, tasun masingen diya toley da. Pudnu met nga itu wasin ya gun-guna dan.

Markus 4:12

Agten ngarud iyan, tasun ‘Orey masingen da nga tutu, madi da met malasin. Ket orey magicna da nga tutu, madi da met maawatan. Ta no bekken nga agten iyan, kaynun no agbabawi dan, ket mapakawan da met,’” kunen na.

Lukas 13:24

Ket kinunen ne̍ Je̍sus kadito aggigicna, “No diya toley nga maisalakan, ket maiyarig da iya umuneg ka ruwangan nga nailet. Ket dakayu, ikagumaan nu kuma ngarud ya umuneg iyan nga ruwangan. Ta ya kinapudnu na, adu nad diya mayat nga umuneg, ngem madi da nad met mabalinan.

Lukas 22:32

Ngem nikararagan naka e̍ Apu Diyus, Pe̍dru, tasun madi kuma mapukaw ya panamatim. Ket no sumoli nad ikew ya nabileg nga panamatim iyaken, masapul nga ikew mettas ya mangpabileg kadiya padam nga adalan,” kunen na.

Juan 1:51

Ket kinunen manin ne̍ Je̍sus igida nga aminin, “Tutu met yani nga ibagac dakayu: Masingen nu nad nga aglukat ya langit. Ket diya anghe̍le̍s ne̍ Apu Diyus, masingen nu da nga ngumudu ka langit se̍ sumoli manin iya Anac nga Naipatoley,” kunen na.

Juan 3:3

Ket kinunen ne̍ Je̍sus igina, “Pudnu met yani nga ibagac ikew: Madi aglak-am ya orey nagan na nga toley iya panangituray ne̍ Apu Diyus no madi maiyanac manin nga mona ka kabarbaru nga biyag,” kunen na.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

Aramid 28:27

Ta kimapsut mettin ya panpanunut didi nga toley, se̍ narigat ya pannakagicna dan, se̍ nagkuringet dan. Ta no bekken nga agten iyan, kaynun no malasin da ya masingen da, se̍ natarus igida ya magicna da, se̍ maawatan da ya panunuten da, ket kaynun no sumoli da iyaken, tasun agasac da,”’ kunen nito Isayas itun.

Aramid 3:19

Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu.

1 Kurintu 14:20

Kakabsat, bekken kuma ngin nga arig nga panunut ebbing ya panagpanpanunut nu maipanggep kadidi. Ngem no maipanggep iya dake̍c, mayat met lugud no arig kayu nga ke̍bit, a. Ngem no iya panagpanunut nu, basta nanakem kayu kuma.

1 Pe̍dru 2:2

Arig kayu kuma nga kaiyanac nga ke̍bit nga napalaus ya ayat na nga sumusu. Agten kuma ngarud iyan ya ayat nu nga mangemmu iya kagi ne̍ Apu Diyus nga maiyarig ka nailangitan nga gatas nga awan kinadake̍c na. Itu ya tarigagayan nu kuma, tasun bumilbileg ya panamati nu patingga nga madatngan nu ya pakatungpalan niya pannakaisalakan nu,

2 Pe̍dru 1:11

Ket iya agten iyan, adu diya napateg nga maipaay dakayu iya pannakairaman nu nad iya agnanayun nga pagiturayan ne̍ Je̍su Kristu nga Apu tida se̍ Mangisalakan dactida.