Matyu 17:3 - Ya Baru nga Tulag

³ Pagamwan nas nga nasingen da pe̍ to Muyse̍s se̍ to E̍lyas nga makitkitbar e̍ Je̍susin.

Matyu 17:3 Iomraidhean Croise

Matyu 17:2

Ket antuni, nabaliwan met to langa ne̍ Je̍sus iya imatang da. Dimarang met ya rupa na nga arig nga sinag. Ket to luput na, nagbalin nga puraw nga unayin, nga arig nga darang niya sinag.

Matyu 17:4

Ket e̍ Pe̍dru, kinunen na met e̍ Je̍sus, “Apu, nabaru ya kauwed tida idi! Ket no gabay mu, mangariman nac ka tellu nga pagliduman idi: ya isa para ikew, isa para e̍ Muyse̍s, se̍ isa para e̍ E̍lyas,” kunen na.

Markus 9:4

Ket uwed da met pe̍ nasingen dan, nga itu to E̍lyas se̍ to Muyse̍s, nga makitkitbar da e̍ Je̍susin.

Lukas 1:17

“Ket mon-ona nad nga maibon ya anac nu ngem iya Apu, ket maidalan nad iya pannakabalin niya Ispiritu ne̍ Apu Diyus, nga agten ito pannakabalin nga uwed ito mammadtu nga E̍lyas itun. Pagtutunusen nad niya anac nu diya am-ama se̍ diya an-anac. Palinteggen na nad diya nasukir ya panpanunut da, ka panunut nga nalinteg. Ket iya agten iyan, paisagana nad niya anac nu diya toltoley, tasun uwed da nga nakasagana iya umbe̍tan niya Apu,” kunen nito anghe̍l.

Lukas 16:16

“Ya naisurat iya Bibliya, nga Linteg nito Muyse̍s se̍ diya kagkagi dito mammadtu itun, ket agpaay agingga ngas ito timpu nito Juan nga Mammautisar. Ngem manipud iyan nga timpu, ya Makaparagsac nga Damag maipanggep iya panangituray ne̍ Apu Diyus ya maikaskasaba ngin. Ket makisinsinne̍let ngarudin diya toltoley tasun mairaman da kuma iya panangituray ne̍ Apu Diyus.

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Lukas 9:33

Ket ito pumanpanawin dito duwa nga lalaki iya edyan ne̍ Je̍sus, kinunen ne̍ Pe̍dru igina, “Mistru, nabaru ya kauwed tida idi. Mangariman kami kuma ka tellu nga pagliduman: ya isa para ikew, isa para e̍ Muyse̍s, se̍ isa para e̍ E̍lyas,” kunen na. Ngem kinagi na ngas yan ta madi na emmu ya tumutup nga kagiyen na.

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.