Matyu 11:2 - Ya Baru nga Tulag

² Ket to Juan nga Mammautisar nga uwed ka pagbaludan itun, nadamag na diya wangwanglen niya Kristu. Ket nangibon kadiya pasurut na nga nawe̍ nagsaludsud e̍ Je̍sus.

Matyu 11:2 Iomraidhean Croise

Matyu 1:17

Ket iya agten iyan, manipud ito timpu nito Abraham agingga ito timpu nito Ari Dabid, uwed met sangapulu ket eppat nga kapututan nga nagkallabes. Ket agten met pe̍ manipud ito timpu nito Ari Dabid agingga ito timpu nito pannakaiyalis dito Israe̍lita ka Babilunya, uwed met pe̍ sangapulu ket eppat nga kapututan nga nagkallabes. Ket manipud ito pannakaiyalis da ka Babilunya agingga ito timpu niya Kristu, uwed met sangapulu ket eppat manin nga kapututan nga nagkallabes.

Matyu 14:3

Agten ngarud iyan to kinunen nito Ari He̍rude̍s, ta itun pekkem, nipatkem na met to Juan, se̍ na pinaibalud nga sipupungu. Agten ngarud iyan to winangel nito He̍rude̍s ito Juan gapu ito He̍rudyas nga asawa met niya kabsat na nga Pe̍lipe̍.

Matyu 4:12

Ket ito nadamag ne̍ Je̍sus nga naibalud nge̍ Juan, pimanaw nga simoli iya prubinsiya nga Galilya ngin.

Matyu 9:14

Uwed itun dito adalan ne̍ Juan nga Mammautisar, nga nawe̍ e̍ Je̍sus, nga kinunen da igina, “Ape̍ kadi nga dakami se̍ diya Parisiyu, ket emmu mi ya agariman ka kari nga aganus nga madi mangan, ngem diya adalan mu nga gennung, madi da arimanen ya agten iyan?” kunen da.

Markus 6:17

Agten ngarud iyan to kinunen nito Ari He̍rude̍s, ta itun pekkem, nibon na met diya nawe̍ nangtekkem ito Juan, se̍ na pinaibalud nga sipupungu. Agten iyan to winangel nito He̍rude̍s itun, gapu ito He̍rudyas nga asawa mettas niya kabsat na nga Pe̍lipe̍, ta inasawa met pe̍ ne̍ He̍rude̍sin.

Lukas 3:19

Ket to He̍rude̍s nga agturay antuni, pinabasul met ne̍ Juan. Pinabasul na ngarud, gapu iya panangikabbalay nito He̍rude̍s e̍ He̍rudyas nga asawa mettas nito kabsat ne̍ He̍rude̍s, se̍ gapu pe̍ kadiya duduma nga winangwangel na nga dake̍c.

Lukas 9:7

Ket to He̍rude̍s nga agturay ka Galilya, nadamag na amin didi nga napaspasamac maigapu e̍ Je̍sus. Ket nasikuran met, ata kagkagiyen diya duduma nga igina kanu to Juan nga Mammautisar nga nagungar kanun.

Juan 4:1

Ket itun, naemmuwan niya Apu nga nadamag dito Parisiyu nga ad-adu ya mapaspasurut se̍ mabacbautisaran na ngem ito Juan nga Mammautisar.