Matyu 10:4 - Ya Baru nga Tulag

⁴ se̍ e̍ Simon nga maawagan ka Pasnec, se̍ to Hudas Iskariyute̍, nga itu to nangiyawat iya Apu.

Matyu 10:4 Iomraidhean Croise

Matyu 26:14

Ket itun, to isa kadito sangapulu ket duwa nga adalan nga agnagan ka Hudas Iskariyute̍, nawe̍ met kadito pangpangulu diya agsirsirbi iya Te̍mplu.

Matyu 26:15

Ket kinunen na, “Nagan kad ya maigun-guna nu iyaken no iyawat ku nge̍ Je̍sus dakayu?” kunen na. Ket tellu nga pulu nga diplata nga kuwarta to ne̍cde̍ da igina.

Matyu 26:2

“Emmu nu nga duwa nga algew ngasin sacbay niya Padaya Nitatalib. Ket ya Anac nga Naipatoley, maiyawat nad mettin nga mailansa ka krus,” kunen na.

Matyu 26:47

Ket ito agkagkagi pekkem nge̍ Je̍sus, inumbe̍t to Hudas nga isa ngarud kadito sangapulu ket duwa nga adalan. Ket kabulun na ya adu nga toley nga nagtagiispada se̍ nagtagipang-ur. Diyan nga toley, ebbon met dito pangpangulu diya agsirsirbi iya Te̍mplu, se̍ dito panglakayen diya Hudyu.

Matyu 27:3

Ket to Hudas nga nakitulag nga nangiyawat e̍ Je̍sus, nagbabawi ngarudin ito naemmuwan na nga nakedngan nge̍ Je̍sus nga mapatey yin. Ket nawe̍ na met nisoli to tellu nga pulu nga diplata nga kuwarta kadito pangpangulu diya agsirsirbi iya Te̍mplu se̍ dito panglakayen,

Markus 14:10

Ket e̍ Hudas Iskariyute̍, nga isa kadito sangapulu ket duwa nga adalan, nawe̍ itun kadito pangpangulu diya agsirsirbi iya Te̍mplu, tasun makitulag nga iyawat na nge̍ Je̍sus igida.

Markus 14:43

Ket ito agkagkagi pekkem nge̍ Je̍sus, pag-isu mettin nga inumbe̍t to Hudas, nga isa ngarud kadito sangapulu ket duwa nga adalan. Ket kabulun na ya adu nga toley nga nagtagiispada se̍ nagtagipang-ur. Diyan nga toley, ebbon met dito pangpangulu diya agsirsirbi iya Te̍mplu, se̍ dito manursuru iya Linteg, se̍ dito panglakayen diya Hudyu.

Lukas 22:3

Ket itun, naglugan met nge̍ Satanas ito Hudas nga managan pe̍ ka Iskariyute̍, nga isa kadito sangapulu ket duwa nga adalan.

Lukas 22:47

Ket ito agkagkagi pekkem nge̍ Je̍sus, uwed da inumbe̍t ennan nga adu nga toley. Ket ya nangibagnus igida, itu met to Hudas, nga isa ngarud kadito sangapulu ket duwa nga adalan. Ket to Hudas, imadenni ngarud e̍ Je̍sus, tasun agkan na nge̍ Je̍sus.

Juan 13:2

Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Juan 6:64

Ngem orey naemmuwan nu yanin, uwed da latta dakayu diya madi mamati,” kunen ne̍ Je̍sus. Ta sigud nga emmu na no nagan dito madi mamati igina, se̍ no nagan ya mangiyawat igina.

Juan 6:71

Ket to Hudas nga anac niya Simon Iskariyute̍, igina met ya kinagi ne̍ Je̍sus itun. Ta igina met to mangiyawat e̍ Je̍sus, nga orey no igina ya isa kadito sangapulu ket duwa nga adalan na.

Aramid 1:13

Ket ito nakadateng dan iya paged-edyanan da ka He̍rusale̍m, nimune̍c da se̍ da nimuneg iya siled da. Igida diyan de̍ Pe̍dru, Juan, Santiyagu, Andre̍s, Pe̍lipe̍, Tumas, Bartulume̍, Matyu, se̍ e̍ Santiyagu nga putut ne̍ Alpiyu, se̍ e̍ Simon nga maawagan ka Pasnec, se̍ e̍ Hudas nga anac niya isa nga Santiyagu.

Aramid 1:25

tasun uwed mangsukat ito Hudas iya akem na nga isa dakami nga apustule̍s. Ta pinanawan nito Hudas ya kinaapustul na nga nawe̍ yin iya lugar nga tumutup igina,” kunen da.