Matyu 10:3 - Ya Baru nga Tulag

³ de̍ Pe̍lipe̍ nge̍ Bartulume̍, e̍ Tumas se̍ e̍ Matyu nga agsingsingir ka buis, se̍ e̍ Santiyagu nga anac ne̍ Alpiyu, se̍ e̍ Tadyu,

Matyu 10:3 Iomraidhean Croise

Matyu 18:17

Ngem no madi nakayu pekkem nga ipangag, ipakaemmu mun iya bungguy mamati. Ket no madi na pekkem latta ikaskasu orey pe̍ ya pamagbaga niya bungguy, ibilang nun nga agten nas iya isa kadito bekken nga Hudyu nga madi mamati, winno kadito agsingsingir ka buis nga managbasul.

Matyu 27:56

Uwed kadidi nga babey nge̍ Marya nga iMagdala, se̍ uwed pe̍ nge̍ Marya nga ina de̍ Santiyagu nge̍ Huse̍, se̍ uwed pe̍ to ina dito anac nito Se̍be̍dyu.

Matyu 9:9

Ket ito manmanalan manin nge̍ Je̍sus nga pimanaw iyanin, tumaltalib met iya upisina nga babayadan ka buis. Ket uwed nasingen na nga isa nga lalaki nga agnagan ka Matyu, nga nakatugew ito upisina. Ket kinunen ne̍ Je̍sus igina, “Suruten nac,” kunen na, ket ginumnukat ngarud nge̍ Matyu, nga nawe̍ simurut met iginan.

Markus 15:40

Ket uwed da pe̍ babey iya nabay-at ka e̍teng ito krus, ket nabuya da met to napasamac. Uwed kadiyan nge̍ Marya nga iMagdala, se̍ e̍ Marya nga ina de̍ Huse̍ nge̍ Santiyagu nga inaudi, se̍ e̍ Salume̍.

Markus 2:14

Ket ito manmanalan manin nge̍ Je̍sus nga pimanaw iyanin, tumaltalib met iya upisina nga babayadan ka buis. Ket uwed nasingen na nga isa nga lalaki nga nakatugew ito upisina, nga itu nge̍ Le̍bi nga anac ne̍ Alpiyu. Ket kinunen ne̍ Je̍sus igina, “Suruten nac,” kunen na. Ket ginumnukat ngarud nge̍ Le̍bi, nga nawe̍ simurut iginan.

Markus 3:18

Se̍ pinili na pe̍ de̍ Andre̍s, Pe̍lipe̍, Bartulume̍, Matyu, Tumas, se̍ e̍ Santiyagu nga anac ne̍ Alpiyu, e̍ Tadyu, se̍ e̍ Simon nga maawagan ka Pasnec,

Lukas 18:10

“Uwed duwa nga lalaki nga nawe̍ nagkararag enna Te̍mplu. Parisiyu ya isa, ket ya isa, agsingsingir ka buis.

Lukas 18:11

Ket to Parisiyu, nagsikad nga is-isa nga nagkararag. Ket kinunen na, ‘Apu Diyus, agyaman nac ikew, ta bekken nac nga agten kadiya duduma nga toley, nga agten kadiya agtakew, nasikap, se̍ diya makitipun kadiya bekken da nga asawa. Ket bekken nac pe̍ nga agten iya toley nga iyan nga agsingsingir ka buis.

Lukas 18:13

“Ngem to agsingsingir ka buis nga gennung, nagsikad ngas iya nabay-at. Ket di orey limangad, no di lugud dinandantug na ya barukung na nga nagbabawi, nga kinunen na, ‘Apu Diyus, kaasiyan nac kay, ta managbasul lac met,’ kunen na.

Lukas 19:2

Ket uwed met antuni ya isa nga pangulu diya agsingsingir ka buis, nga agnagan ka Sakiyu. Ket nabacnang yan.

Lukas 5:27

Kalpasan niyan, pimanaw manin nge̍ Je̍sus iyan. Ket nasingen na ya isa nga agsingsingir ka buis, nga agnagan ka Le̍bi, nga nakatugew iya upisina nga babayadan ka buis. Ket kinunen ne̍ Je̍sus igina, “Suruten nac,” kunen na.

Juan 1:48

Ket to Natanye̍l, nagsaludsud e̍ Je̍sus nga kinunen na, “Kumaan ngarud ya pannakaem-emmum iyaken?” kunen na. Ket e̍ Je̍sus, kinunen na, “Ito uwed ka pekkem iya sidung nito kayu nga igus, sacbay nga inawis naka nge̍ Pe̍lipe̍, nasingen nakan,” kunen na.

Juan 11:16

Ket to Tumas nga maawagan pe̍ ka Singin, kinunen na kadito kabulun na nga adalan, “Tidan! Mibulun tida ngarud iginan, tasun mairaman tida e̍ Mistru nga matey!” kunen na.

Juan 14:22

Ket to Hudas nga bekken nga to Hudas Iskariyute̍, kinunen na, “Apu, ape̍ dakami ngas ya pagpasingnam nad iya kauwed mu? Ape̍ madi ka nad agpasingen kadiya amin nga toltoley?” kunen na.

Juan 14:5

Ket e̍ Tumas, kinunen na e̍ Je̍sus, “Madi kami met emmu no awac ya kapennam, Apu. Kumaan na ngarud nga emmu mi ya dalan?” kunen na.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 21:2

Agbubulun itun de̍ Simon Pe̍dru, Tumas nga managan pe̍ ka Singin, e̍ Natanye̍l nga iKana nga isa nga ili ka Galilya, se̍ diya duwa nga anac nito Se̍be̍dyu, se̍ uwed duwa pekkem kadito adalan ne̍ Je̍sus.

Aramid 1:13

Ket ito nakadateng dan iya paged-edyanan da ka He̍rusale̍m, nimune̍c da se̍ da nimuneg iya siled da. Igida diyan de̍ Pe̍dru, Juan, Santiyagu, Andre̍s, Pe̍lipe̍, Tumas, Bartulume̍, Matyu, se̍ e̍ Santiyagu nga putut ne̍ Alpiyu, se̍ e̍ Simon nga maawagan ka Pasnec, se̍ e̍ Hudas nga anac niya isa nga Santiyagu.

Aramid 12:17

Ket e̍ Pe̍dru, sininyasan na da nga agulimec da kuma, se̍ na nisapsaput igida no kumaan nito panangiruwar niya Apu igina ito pagbaludan. Ket nibilin na pe̍ nga kinunen na, “Isapsaput nu kay pe̍ yani e̍ Santiyagu se̍ kadiya duduma nga kakabsat tida ka pammati,” kunen ne̍ Pe̍dru, se̍ man pimanawin nga nawe̍ ka sabali nga lugar.

Aramid 15:13

Ket ito nalpas da nga nagkagi yin, nagpalawag pe̍ nge̍ Santiyagu, nga kinunen na, “Wawagi, denggen dac kuma.

Aramid 21:18

Ket ito kadamlag na, nawe̍ kami de̍ Pablu nga nangsacwar e̍ Santiyagu, ket uwed pe̍ antuni amin dito panglakayen da.

Galasiya 1:19

Ngem awan met nasingec itun kadito duduma nga apustule̍s, malacsid e̍ Santiyagu nga kabsat ne̍ Apu Je̍sus.

Galasiya 2:9

Ket itun, de̍ Santiyagu, Pe̍dru se̍ e̍ Juan nga naibilang nga nangatu nga pangulu da, nalasin da nga nitalec nga tutu ne̍ Apu Diyus iyaken yani nga naturay nga saad. Itu nga linamanu dac se̍ e̍ Be̍rnabe̍ yin, nga itu ya panangipasingen da iya panagkakabulun mi, nga dakami kanu ya agpaay para dakayu nga bekken nga Hudyu. Ket no de̍ Pe̍dru, diya Hudyu kanu nga gennung ya pagrebngan da.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.