Matyu 10:2 - Ya Baru nga Tulag

² Ket igida didi diya nagnagan dito sangapulu ket duwa nga apustule̍s: Mona, e̍ Simon nga managan pe̍ ka Pe̍dru, se̍ e̍ Andre̍s nga kabsat ne̍ Simon, se̍ e̍ Santiyagu nga anac ne̍ Se̍be̍dyu, se̍ e̍ Juan nga kabsat ne̍ Santiyagu,

Matyu 10:2 Iomraidhean Croise

Matyu 17:1

Ket kalpasan niya ennem nga algew, nibulun ne̍ Je̍sus de̍ Pe̍dru, Santiyagu se̍ e̍ Juan nga kabsat ne̍ Santiyagu, ket ig-igida ngas ya nanang-at iya isa nga nangatu nga tageytey.

Matyu 20:20

Ket itun, to ina dito agkabsat nga anac ne̍ Se̍be̍dyu, imadenni e̍ Je̍sus nga naibulun igina dito anac na. Ket nagparintumeng iya sangu ne̍ Je̍sus, nga nagadeng igina.

Matyu 26:37

Ket nibulun na nge̍ Pe̍dru se̍ dito duwa nga anac ne̍ Se̍be̍dyu. Ket e̍ Je̍sus, linumdaang mettin, se̍ nariribuc pe̍ yin ya nakem na.

Matyu 4:18

Ket ito manmanalan nge̍ Je̍sus iya pingit nito baybay ka Galilya, uwed da nasingen na nga agkabsat nga mangngalap, nga igida de̍ Simon nga maawagan pe̍ ka Pe̍dru, se̍ e̍ Andre̍s. Madama da nga agtabtabukul itun.

Matyu 4:21

Ket nituluy ne̍ Je̍sus ya nanalan, ket uwed da manin nasingen na nga duwa nga sabali nga agkabsat, nga anac ne̍ Se̍be̍dyu, nga itu de̍ Santiyagu nge̍ Juan. Kabulun da nge̍ ama da nga Se̍be̍dyu, ket uwed da iya bangka da nga agay-ayuma kadiya iket da. Inayaban ne̍ Je̍sus dito agkabsat,

Markus 1:29

Ket pimanaw nge̍ Je̍susin ito gigimungan, ket nawe̍ iya baley de̍ Simon nge̍ Andre̍s. Ket nibulun pe̍ igina de̍ Santiyagu nge̍ Juan.

Markus 13:3

Ket ito nagtugtugew nge̍ Je̍sus enna Tageytey Ulibu, nga kamanumang niya Te̍mplu, awan diya kaaduwanin. Ket imadenni igina de̍ Pe̍dru, Santiyagu, Juan se̍ e̍ Andre̍s, nga kinunen da igina,

Markus 6:30

Ket dito adalan ne̍ Je̍sus, ito simoli da nga gayat ito nakaibonan da, naguurnung da ito edyan ne̍ Je̍sus. Ket nipadamag da igina diya amin nga winangwangel da se̍ nisursuru da.

Lukas 11:49

Itu nga sigun iya kinasirib ne̍ Apu Diyus, kunen na nga, ‘Uwed da pekkem nad ibon ku igida nga mammadtu se̍ apustule̍s. Ket diya ibon ku, uwed da nad met patayen diya toltoley, se̍ diya duduma igida, irurumen nad met diya toltoley da.’

Lukas 22:14

Ket ito uras pannangan, nakisangu nga nangan nge̍ Je̍sus kadito apustule̍s.

Lukas 22:8

Itu nga nibon ne̍ Je̍sus de̍ Pe̍dru nge̍ Juan, nga kinunen na, “Mawe̍ kayu isagana ya panggidam tida nga panangilagip tida iya Nitatalib,” kunen na.

Lukas 5:10

Ket nasdaaw ngarud pe̍ dito duwa nga kabulun ne̍ Simon, nga itu de̍ Santiyagu nge̍ Juan nga anac ne̍ Se̍be̍dyu. Ket kinunen ne̍ Je̍sus e̍ Simon, “Madi ka madanagan. Ket manipud ita, toley nga gennung ya arig nga kalapem mun,” kunen na.

Lukas 9:10

Ket ito simoli yin dito apustule̍s nga gayat ito nakaibonan da, nipadamag da ngarud e̍ Je̍sus dito winangwangel da. Ket kalpasan na, nibulun na da, nga ig-igida ya nawe̍ ka Be̍tsayda.

Juan 12:22

Itu nga e̍ Pe̍lipe̍, nawe̍ na nibaga e̍ Andre̍s, ket igida nga duwa, nawe̍ da nipakaemmu e̍ Je̍sus.

Juan 13:23

Ket uwed iya abay ne̍ Je̍sus ya dinungdungngu na nga adalan, nga nagse̍rse̍rig igina.

Juan 20:2

Dikad pe̍ to Marya, nanagtag nga nawe̍ iya edyan ne̍ Simon Pe̍dru se̍ to adalan nga dinungdungngu ne̍ Je̍sus, ket kinunen na igida, “Nimet da met gayam ya Apu iya nakaitamennan na, ket madi kami emmu ya nangipennan da iginan,” kunen na.

Juan 21:2

Agbubulun itun de̍ Simon Pe̍dru, Tumas nga managan pe̍ ka Singin, e̍ Natanye̍l nga iKana nga isa nga ili ka Galilya, se̍ diya duwa nga anac nito Se̍be̍dyu, se̍ uwed duwa pekkem kadito adalan ne̍ Je̍sus.

Juan 21:20

Ket itun, limaw-ing nge̍ Pe̍dru, ket nadlaw na to adalan nga dinungdungngu ne̍ Je̍sus nga mip-ipuyut igidan. Igina yan to adalan nga nagse̍rig e̍ Je̍sus ito pananggidam da itun, ito sinaludsud na iya Apu no nagan ya mangiyawat igina.

Juan 21:24

Ket tun nga adalan, ket igina mettas ya mangipakaemmu win iya kinapudnu maipanggep kadiyan nga banbanag, se̍ ya nangisurat pe̍ kadiyan. Ket dakami, emmu mi nga pudnu met yani nga panangipakaemmuc.

Juan 6:67

Ket iya agten iyan, nagsaludsud nge̍ Je̍sus kadito sangapulu ket duwa nga adalan na nga kinunen na, “Ket dakayu met? Gabay nu pe̍ ya pumanawin?” kunen na.

Juan 6:70

Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na.

Juan 6:71

Ket to Hudas nga anac niya Simon Iskariyute̍, igina met ya kinagi ne̍ Je̍sus itun. Ta igina met to mangiyawat e̍ Je̍sus, nga orey no igina ya isa kadito sangapulu ket duwa nga adalan na.

Juan 6:8

Ket e̍ Andre̍s nga isa pe̍ kadito adalan ne̍ Je̍sus, nga kabsat ne̍ Simon Pe̍dru, kinunen na e̍ Je̍sus,

Aramid 1:13

Ket ito nakadateng dan iya paged-edyanan da ka He̍rusale̍m, nimune̍c da se̍ da nimuneg iya siled da. Igida diyan de̍ Pe̍dru, Juan, Santiyagu, Andre̍s, Pe̍lipe̍, Tumas, Bartulume̍, Matyu, se̍ e̍ Santiyagu nga putut ne̍ Alpiyu, se̍ e̍ Simon nga maawagan ka Pasnec, se̍ e̍ Hudas nga anac niya isa nga Santiyagu.

Aramid 1:26

Ket nagbibinnunut da gapu kadito duwa, ket napagasatan nge̍ Matyas. Itu nga iginan ya naidga kadito sangapulu ket isa nga apustule̍s.

Aramid 12:2

Ket nipapatey na met nge̍ Santiyagu nga kabsat ne̍ Juan, nga pinutulan da ka ispada ya ulu na.

Aramid 3:1

Iya isa nga algew itun, nawe̍ de̍ Pe̍dru nge̍ Juan iya Te̍mplu iya alas tre̍s iya gidam, ta itu ya uras nga panagkararag diya Hudyu.

1 Kurintu 15:7

Ket se̍ nagpasingen pe̍ e̍ Santiyagu, se̍ nagpasingen pe̍ yin kadito amin nga naibilang nga apustule̍s na.

E̍pe̍su 4:11

Ket e̍ Kristu ngarud ya nange̍cde̍ ka nadumaduma nga pannakabalin kadiya toley na. Ket uwed da dinutukan na nga agbalin nga apustule̍s, se̍ diya agbalin nga mangikaskasaba iya kagi ne̍ Apu Diyus. Ket uwed duduma nga dinutukan na nga agbalin nga mangipakaemmu iya Makaparagsac nga Damag, se̍ diya agbalin nga agay-aywan se̍ manursuru kadiya mamati.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

2 Juan 1:1

Iyaken ya panglakayen. Agsurat tac ikew, manang nga pinili ne̍ Apu Diyus, se̍ kadiya an-anac mu. Sipupudnu wac nga agayat dakayu, ket bekken nas nga iiyaken ya agayat dakayu, no di pe̍ diya amin nga makaemmu iya pudnu maipanggep iya pammati tida.

3 Juan 1:1

Iyaken ya panglakayen. Agsurat tac ikew, patgec nga Gayu, nga ay-ayatec nga sipupudnu.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!

Paltiing 22:8

Ket iyaken nga Juan ya nakagicna se̍ nakasingen kadidi nga naisurat idi nga libru. Ket ito nagicnac se̍ nasingec didi, naglakeb bac ito sangu nito anghe̍l nga nangipasingen kadidi iyaken, ta agdaydayaw wac kuma igina.