Matyu 10:1 - Ya Baru nga Tulag

¹ Ket iya isa nga algew, pinaadenni ne̍ Je̍sus dito sangapulu ket duwa nga adalan na. Ket nitalec na igida ya panangituray kadiya sairu, tasun uwed pannakabalin da nga mangpatalew kadiya sairu se̍ mangpalaing kadiya orey nagan na nga sakit winno dipe̍re̍nsiya niya beggi.

Matyu 10:1 Iomraidhean Croise

Matyu 19:28

Ket kinunen ne̍ Je̍sus igida, “Pudnu met yani nga ibagac dakayu: Dakayu nga sumurut iyaken ita, ket maipatugew kayu nad met nga situturay ka sangapulu ket duwa nga trunu. Agten iyan nad ngarud iya kabarbaru nga timpu, no agtugew win nga situturay ya Anac nga Naipatoley iya trunu na nga pakaidayawan na. Ket dakayu nad ya mangdisidir maipanggep kadiya kapututan dito sangapulu ket duwa nga anac nito Israe̍l.

Matyu 26:20

Ket ito gumabi yin, nakisangu nga nangan nge̍ Je̍sus kadito sangapulu ket duwa nga adalan na.

Matyu 26:47

Ket ito agkagkagi pekkem nge̍ Je̍sus, inumbe̍t to Hudas nga isa ngarud kadito sangapulu ket duwa nga adalan. Ket kabulun na ya adu nga toley nga nagtagiispada se̍ nagtagipang-ur. Diyan nga toley, ebbon met dito pangpangulu diya agsirsirbi iya Te̍mplu, se̍ dito panglakayen diya Hudyu.

Matyu 4:23

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya. Ket nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray. Ket pinalaing na pe̍ diya toley kadiya orey nagan na nga sakit winno kinakapsut da.

Matyu 6:13

Se̍ di nakami kuma iturung ka pakasulisugan, no di lugud ilisi nakami iya Managdacdake̍c.’

Matyu 9:35

Ket itun, nawe̍ pinasyar ne̍ Je̍sus diya amin nga il-ili se̍ purpuruc antuni. Nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray, se̍ pinalpalaing na met diya uwed orey nagan na nga sakit winno kinakapsut niya beggi da.

Matyu 9:38

Itu nga agkararag kayu kuma ngarud nga agadeng iya akin-kuwa iya magani, tasun uwed da ibon na kuma nga mawe̍ manggani kadiya ipagani na,” kunen na.

Lukas 10:19

Tutu met nga ne̍cdan nakayun ka pannakabalin, tasun mabalin nu ya manggudel kadiya malaga se̍ gagamat, nga madi kayu maan-anu, se̍ tasun mangabac kayu iya amin nga pannakabalin nito mangkuntra dactida, ket awan ngarud pakaan-anuwan nu.

Lukas 21:15

Ta iyaken nad mettas ya mangipakaemmu dakayu ka balikas se̍ sirib nga madi nad pulus nga madiskutir winno masungbatan diya gumura dakayu.

Lukas 24:49

Ket agten idi: Ibon ku dakayu to nikari niya Amac. Ket masapul nga madi kayu ngarud pekkem pumanpanaw idi nga siyudad, agingga nga di kayu pekkem mae̍cdan ka pannakabalin nga gayat ka langit,” kunen na.

Lukas 6:13

Ket ito kadamlag na, inayaban na dito pasurut na, ket pimili ka sangapulu ket duwa igida. Ket itu dito toley nga inawagan na nga apustule̍s.

Juan 17:2

Ta ne̍cdam ya Anac mu ka turay nga mangituray kadiya amin nga toltoley, tasun maipaay na ya biyag nga agnanayun kadiya amin nga nitalec mu igina.

Juan 3:27

Ket kinunen nito Juan igida, “E̍ Apu Diyus ngas met ya makae̍cde̍ iya pannakabalin niya toley.

Juan 3:35

Ket ya Ama, ayaten na met ya Anac, ket nitalec na igina diya amin.

Juan 6:70

Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 19:15

Ket ito name̍nsan nga pinadas dito lalaki ya agten iyan, simungbat met to sairu igida, nga kinunen na, “E̍ Je̍sus, ket em-emmuc, se̍ e̍ Pablu, em-emmuc pe̍. Ngem dakayu nga gennung, madi nakayu met em-emmu,” kunen na.

Paltiing 12:1

Ket itun, uwed nasingen iya abac lawa nga nakaskasdaaw nga pagilasinan. Itu ya isa nga babey, nga arig met nga naikawwes ya sinag iginan. Ket ya bulan met ya pagsikadan na. Ket ya ulu na, nabalangatan ka kuruna nga uwed sangapulu ket duwa nga bituwen na.