Lukas 9:60 - Ya Baru nga Tulag

⁶⁰ Ngem kinunen ne̍ Je̍sus igina, “Biyang met diya maiyarig nga natey ya makaemmu kadiya minatey da. Ngem no ikew, mawe̍ ka lugud ikasaba ya panangituray ne̍ Apu Diyus,” kunen na met.

Lukas 9:60 Iomraidhean Croise

Matyu 4:23

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya. Ket nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray. Ket pinalaing na pe̍ diya toley kadiya orey nagan na nga sakit winno kinakapsut da.

Matyu 8:22

Ngem kinunen ne̍ Je̍sus, “Suruten nac lugudin, ta biyang met diya maiyarig ka natey ya makaemmu kadiya minatey da,” kunen na met.

Lukas 15:24

Ta nibilang ku itun nga natey ya anac ku nga idi nin, ngem uwed mettas nga sibibiyag. Napukaw itun, ngem nasmac mettasin,’ kunen na. Ket rinugiyan da ngarud ya nagraragsac.

Lukas 15:32

Ngem ita, di met aya rumbeng no agragsac tida se̍ agyaman? Ta ya adim nga idi, nibilang tida nga natey yin, ngem uwed mettas nga sibibiyag. Napukaw dactida itun, ngem nasmac mettasin,’ kunen na.”

1 Kurintu 9:16

Ngem no maipanggep iya panangikasabac iya Makaparagsac nga Damag, awan lugud pagpasindayaw ku. Ta panangtungpal ku ngas yani iya rebbeng niya pannakaibon ku, ket itu ya mangpilit iyaken. Ngarud, kackaasi met ya kasasaad ku no di yac tungpalen ya rebbeng ku nga mangikasaba iya Makaparagsac nga Damag.

E̍pe̍su 2:1

Ket dakayu, naibilang kayu itun nga natey yin iya imatang ne̍ Apu Diyus gapu iya kinadake̍c nu se̍ diya basbasul nu.

E̍pe̍su 2:5

Ta ito sibabasul tida pekkem nga naibilang nga natey yin iya imatang na, niraman nactida ito nangbiyag na e̍ Kristu ito pinagungar na. Ngarud, ya siaayat nga asi ne̍ Apu Diyus ngas met ya nakaisalakanan tida.

1 Timutyu 5:6

Ngem ya balu nga ya pagragsakan niya beggi na ngas nga gennung ya biyangan na, maiyarig ngas iya natey yin. Ta orey sibibiyag pekkem, awan sirbi niya biyag nan.

2 Timutyu 4:2

Ket ya ibilin ku ikew, agten idi: Ipakaemmum nga pe̍yeng ya kagi ne̍ Apu Diyus orey no uwed pakarigatam. Mamagbaga ka nga ipalawag mu kadiya toley diya pagkurangan da. Mangilbec se̍ mamatigmaan ka. Ket iya panangtungpal mu kadiyan, siaanus ka kuma nga pe̍yeng iya panangisurum igida.

2 Timutyu 4:5

Ngem ikew, sipupuut ka kuma ngarud maipanggep iya orey nagan na. Anusam mas diya pakarigatam. Tungpalem ngarud to gagaram nga mangipakaemmu iya Makaparagsac nga Damag. Ngarud, tungpalem ya amin nga rebbeng mu iya panagsirsirbim e̍ Apu Diyus.

Paltiing 3:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka Sardis: “Itu yan ya kunen niya natalec kadiya pitu nga ispiritu niya agkapitu nga Ispiritu ne̍ Apu Diyus, se̍ ya natalec pe̍ kadiya pitu nga bitbituwen: Emmuc met diya wangwangel mu. Se̍ emmuc pe̍ nga agdindinamag nga paiturayan ka kanu iya biyag nga e̍cde̍ ne̍ Apu Diyus. Ngem ya kinapudnu na, naibilang ka nga natey yin!