Lukas 9:50 - Ya Baru nga Tulag

⁵⁰ Ngem kinunen ne̍ Je̍sus igina, “Madi nu nga ilbec ya agten iyan nga toley. Ta ya toley nga madi kumuntra dakayu, ket kabulun nu met,” kunen na.

Lukas 9:50 Iomraidhean Croise

Matyu 12:30

“Pudnu met nga ya madi makibulun iyaken, kumuntra met iyaken. Se̍ ya madi makitipun iyaken iya panangurnung ku, mangwara met.

Matyu 17:24

Ket ito nakadateng de̍ Je̍sus se̍ dito pasurut na ka ili nga Kape̍rnaum, nawe̍ nagsaludsud e̍ Pe̍dru diya agsingsingir iya buis nga maipaay iya Te̍mplu, nga kinunen da, “Madi kad agbaybayad to Mistrum iya buis nga maipaay iya Te̍mplu?” kunen da.

Matyu 17:26

Ket kinunen ngarud ne̍ Pe̍dru, “Diya duduma, a,” kunen na. Ket e̍ Je̍sus, kinunen na, “Tutu met. Dikad pe̍, diya anac, madi da ngarud masapul nga agbayad.

Markus 9:38

Ket itun, kinunen ne̍ Juan e̍ Je̍sus, “Mistru, uwed nasingen mi nga isa nga lalaki nga mangpatpatalew ka sairu gapu iya panangusar na iya nagan mu. Ket nilbec mi ngarud, ta bekken tida met nga kabulun,” kunen na.

Markus 9:41

Ta tutu met nga siguradu nga magun-gunaan nad ya orey nagan na nga toley nga agwangel ka nabaru nga maipaay iyaken, orey no yan nas mangpainum da dakayu ka isa nga tasa nga danum, no painumen dakayu gapu ta emmu da nga pasurut nakayu ya Kristu,” kunen na.

Lukas 11:23

“Pudnu met nga ya madi makibulun iyaken, kumuntra met iyaken. Se̍ ya madi makitipun iyaken iya panangurnung ku, mangwara met,” kunen na.

Lukas 16:13

“Ket panunuten nu pe̍ nga no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta,” kunen na.

1 Kurintu 12:3

Itu nga gabay ku no maawatan nu nga ya toley nga idalan niya Ispiritu ne̍ Apu Diyus ya panpanunut na, madi na met mabalin ya agkunen nga, “Mailunud kuma nge̍ Je̍sus.” Ket iya agten iyan pe̍, awan toley nga makabalin nga agkunen nga, “E̍ Je̍sus ya Apu,” malacsid no paidaldalan iya Ispiritu Santu.