Lukas 9:48 - Ya Baru nga Tulag

⁴⁸ Ket kinunen ne̍ Je̍sus kadito adalan na, “Ya mangrispitar idi nga ebbing gapu iyaken, iyaken met pe̍ ya rinispitar na. Ket ya mangrispitar iyaken, ya nangibon iyaken pe̍ yin ya rinispitar na. Ta ya kanumuwan dakayu nga amin, itu nga tutu ya kangrunaan iya imatang ne̍ Apu Diyus,” kunen na.

Lukas 9:48 Iomraidhean Croise

Matyu 18:10

“Agannad kayu kuma ngarud tasun madi kayu kuma laisen ya isa nga agten kadidi nga tekkut nga ebbing. Ipateg nu da kuma lugud, ta kinapudnu na, diya anghe̍l da ka langit, pe̍yeng nga uwed da iya imatang ne̍ Amac nga uwed ka langit.

Matyu 18:14

Ket agten met pe̍ iyan ya tarigagayan niya Ama nu nga uwed ka langit. Ta madi na gabay no uwed orey is-isa ngas nga mapukaw kadiya agten kadidi nga tekkut nga ebbing.”

Matyu 19:28

Ket kinunen ne̍ Je̍sus igida, “Pudnu met yani nga ibagac dakayu: Dakayu nga sumurut iyaken ita, ket maipatugew kayu nad met nga situturay ka sangapulu ket duwa nga trunu. Agten iyan nad ngarud iya kabarbaru nga timpu, no agtugew win nga situturay ya Anac nga Naipatoley iya trunu na nga pakaidayawan na. Ket dakayu nad ya mangdisidir maipanggep kadiya kapututan dito sangapulu ket duwa nga anac nito Israe̍l.

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

Matyu 25:45

“Ket kunen nad ngarud niya Ari, ‘Kinapudnu na, ito madi kayu gabay nga tinulungan ya orey isa nga agten kadiyan nga kanumuwan, ket naibilang lugud nga iyaken mettas ya madi nu gabay nga tinulungan,’ kunen na nad igida.

Markus 9:37

“Ya mangrispitar iya isa kadiya agten idi nga ebbing gapu iyaken, iyaken met ya rinispitar na. Ket ya mangrispitar iyaken, bekken nas nga iyaken ya rinispitar na, no di pe̍ ya nangibon iyaken,” kunen na.

Lukas 10:16

Ket kinunen ne̍ Je̍sus kadito ibon na, “Ya mangipangag dakayu, iyaken met ya tutu nga ipangag na. Ket ya toley nga madi mangdayaw dakayu, iyaken met ya madi na dayawen. Ket ya madi mangdayaw iyaken, ya nangibon met iyaken ya madi na dayawen,” kunen na.

Lukas 14:11

Ta ya kinapudnu na, diya amin nga mangipadayaw iya beggi da, maipababa da nad met. Ngem ya agpakumbaba, maidayaw nad met nga gennung,” kunen na.

Lukas 22:26

Ngem bekken kayu kuma nga agten iyan, ta ya maibilang nga kangrunaan dakayu, masapul nga agten kuma iya kababaan. Ket ya maibilang nga pangulu nu, masapul nga agten kuma iya agsirsirbi dakayu.

Lukas 22:30

Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Lukas 7:28

“Tutu met nga awan naiyanac nga toley nga nadaydayaw ngem e̍ Juan. Ngem no maipanggep iya panangituray ne̍ Apu Diyus, pudnu met nga nadaydayaw pekkem ngem yani nga dayaw ne̍ Juan ya kasasaad niya orey kanumuwan nga toley nga makipaglak-am iya panangituray ne̍ Apu Diyus,” kunen na.

Juan 13:20

“Pudnu met yani nga ibagac dakayu: Ya umawat iya ibon ku, maibilang nga iyaken mettas ya awaten na. Ket iya agten iyan, ya umawat iyaken, awaten na met pe̍ ya nangibon iyaken,” kunen na.

Juan 14:21

“Ket ya toley nga agtungpal kadiya bilin ku nga naisuru igina, itu ya toley nga pudnu ya panagayat na iyaken. Ket ya agayat iyaken, ayaten pe̍ niya Amac. Ket ayatec pe̍ ya agten iyan nga toley, se̍ ipakaemmuc nad igina ya kauwed ku igina,” kunen ne̍ Je̍sus.

1 Te̍salunika 4:8

Dikad pe̍ ya agsukir idi nga sursuru, bekken nga toley ya pagsukiran na no di lugud e̍ Apu Diyus nga mange̍cde̍ dactida iya Ispiritu na nga nasantuwan.

1 Pe̍dru 5:6

Itu nga agpakumbaba kayu ngarudin, nga paiturayan kayu iya nabileg nga kinaturay ne̍ Apu Diyus, tasun padayawen nakayu no madatngan nad ya timpu nga iyan.

Paltiing 21:14

Ket to bakud nito siyudad, naisimpa ka sangapulu ket duwa nga batu nga itu ya nakaisaadan na. Ket naisurat kadidi diya sangapulu ket duwa nga nagnagan diya sangapulu ket duwa nga apustule̍s niya Urbun Karne̍ru.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.