Lukas 9:45 - Ya Baru nga Tulag

⁴⁵ Ngem madi da met naawatan ya kaipapennan nito kinagi na, ta nalimed igida. Itu nga madi da naawatan ya banag na, ket nansing da met nga agsaludsud igina maipanggep ito kinagi na.

Lukas 9:45 Iomraidhean Croise

Matyu 16:22

Ket e̍ Pe̍dru, niyadeyyu na met ka e̍teng nge̍ Je̍sus, nga deldellawen nan nga kinunen na, “Sapay kuma ta madi ngarud ipalubus ne̍ Apu Diyus yan ikew, Apu!” kunen na.

Matyu 17:22

Ket ito nagpaspasyar de̍ Je̍sus se̍ dito adalan na enna prubinsiya nga Galilya, kinunen ne̍ Je̍sus igida, “Ya Anac nga Naipatoley, ket maiyawat nad ngarud kadiya toley,

Markus 9:10

Ket iya agten iyan, awan nga tutu nangibagaan da iyan. Ket ig-igida ngas nga tellu, pagdidinniskutiran da lugud no nagan ya kaipapennan nito panagungar nga kinunen ne̍ Je̍sus.

Markus 9:32

Ngem madi naawatan dito adalan tun nga kinagi na, ket nansing da met nga nagsaludsud iginan.

Lukas 18:34

Ngem pulus nga di da nga naawatan maipanggep kadito nibaga ne̍ Je̍sus. Nalimed met igida ya kaipapennan nidi nga kinunen na, ket madi da met nailasin ya banag na.

Lukas 2:50

Ngem madi da met naawatan ya kaipapennan nito kinagi na igida.

Lukas 9:46

Ket ya napasamac itun, uwed panagdidinniskutir dito adalan, no nagan igida ya kangrunaan.

Juan 12:16

Ngem dito adalan ne̍ Je̍sus, madi da pekkem naawatan itun ya kaipapennan diyan nga napasamac. Ngem ito simoli nge̍ Je̍sus ka langit nga pakaidayawan nan, nalagip dan nga uwed met naisurat nga agten iyan iya Bibliya maipanggep igina, ket naawatan dan nga natungpal met nga tutu win.

Juan 12:34

Ket dito toltoley, kinunen da, “Ngem kunen na met iya Linteg tida nga agbiyag kanu ka agnanayun ya Kristu. No tutu yan, ape̍ kunem mun nga masapul nga maibayug ya Anac nga Naipatoley? No tutu nga agnanayun ya Kristu, nagan ngarud nidi nga Anac nga Naipatoley nga kunem?” kunen da.

Juan 14:5

Ket e̍ Tumas, kinunen na e̍ Je̍sus, “Madi kami met emmu no awac ya kapennam, Apu. Kumaan na ngarud nga emmu mi ya dalan?” kunen na.

Juan 4:33

Itu nga nagsisinnaludsud dito adalan, nga kinunen da, “Uwed kid inumbe̍t nga nange̍cde̍ ka kanen na?” kunen da.