Lukas 9:41 - Ya Baru nga Tulag

⁴¹ Ket kinunen ne̍ Je̍sus, “Ay, dakayu nga toley ita nga timpu! Ape̍ nga awan panamati nu, se̍ nakillu ya panpanunut nu? Masapul kad nga mabayag pekkem ya panagedyan ku dakayu se̍ ya panaganus ku dakayu?” Ket kinunen nan ito ama nito ebbing, “Ala, e̍lbe̍t mu iyaken ya anac mu,” kunen na.

Lukas 9:41 Iomraidhean Croise

Matyu 11:28

“Ket dakayu nga agrigrigat se̍ madagdagsennan, umbe̍t kayu kuma ngas iyaken, ta iyaken ya mange̍cde̍ ka pagtalnaan nu.

Matyu 12:39

Ngem kinunen ne̍ Je̍sus igida, “Ay, diya toltoley ita nga timpu! Diya agsapsapul ka pagilasinan nga mangipanecnec, ket diyan nas dake̍c se̍ diya pimanaw e̍ Apu Diyus tasun makitipun da ka sabali yin. Ngem awan lugud maipasingen dakayu nga pagilasinan nu, malacsid ngas ito pagilasinan maipanggep ito mammadtu nga Hunas.

Matyu 12:45

Itu nga mawe̍ to sairu nga mangibulun ka pitu nga kabulun na nga sairu nga dacdake̍c pekkem ngem igina, ket mawe̍ da ngarud met aglugan ito toley, nga igina ya pagedyanan dan. Ket iya agten iyan, agbanag nga dacdake̍c manin ya kasasaad niyan nga toley yin ngem ito nona nga kasasaad na. Ket agten nad ngarud pe̍ iyan ya kasasaad diya dake̍c nga toltoley ita nga timpu,” kunen na.

Matyu 16:4

“Ay, diya toltoley ita nga timpu! Diya agsapsapul ka pagilasinan nga mangipanecnec, ket diyan nas dake̍c se̍ diya pimanaw e̍ Apu Diyus tasun makitipun da ka sabali yin. Ngem awan lugud maipasingen igida nga pagilasinan da, malacsid ngas ito pagilasinan maipanggep ito mammadtu nga Hunas,” kunen na. Ket iya agten iyan, pinanawan na dan.

Matyu 17:17

Ket kinunen met ne̍ Je̍sus, “Ay, dakayu nga toley ita nga timpu! Ape̍ nga awan met panamati nu se̍ ape̍ nga nakillu met ya panpanunut nu? Masapul kad nga agedyan nac pekkem dakayu ka mabayag? Masapul kad nga mabayag pekkem ya panaganus ku dakayu? Ala! E̍lbe̍t nu ngarud iyaken ya ebbing,” kunen na.

Matyu 23:36

Pudnu ngarud nga dakayu ita nga timpu, dakayu met ya makin-kargu kadito amin nga nibagac.”

Matyu 3:7

Ket ito nasingen ne̍ Juan nga adu diya Parisiyu se̍ Sadusiyu nga umbe̍t agpabautisar, kinunen na met igida, “Arig kayu ngas nga putputut diya nagita nga malaga! Ape̍? Nagan kad ya nangibaga dakayu nga masapul nu nga ilisi diya beggi nu iya maadpangan nga pannakaukum?

Markus 10:14

Ngem ito nasingen ne̍ Je̍sus, nakaunget ngarud, ket kinunen na kadito adalan na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus.

Markus 10:49

Ket nagsardeng ngarud nge̍ Je̍sus, ket kinunen na, “Palbe̍ten nu man idi,” kunen na. Ket inayab da ngarud to kulap, nga kinunen da, “Agragsac ka lugudin! Gumnukat ka ngarud, ta palbe̍ten nakan,” kunen da.

Markus 9:19

Ket kinunen met ne̍ Je̍sus igida, “Ay, dakayu nga toley ita nga timpu! Ape̍ nga awan panamati nu? Masapul kad nga agedyan nac pekkem dakayu ka mabayag? Masapul kad nga mabayag pekkem ya panaganus ku dakayu? Ala, e̍lbe̍t nu ngarud iyaken ya ebbing!” kunen na.

Lukas 8:25

Ket kinunen ne̍ Je̍sus kadito adalan na, “Ape̍? Awan aya panamati nu?” kunen na. Ket siaansing da ngarud, se̍ nasdaaw da pe̍, nga kinunen da iya panagtetebbar da, “Nagan kid ya katoltoley nidi? Ta orey ya belluut se̍ diya palung, bilinen na da met, ket agtungpal da gayam igina!” kunen da.

Lukas 9:40

Nipakaasic met kadiya adalan mu nga pagtalawen da kuma ya sairu, ngem di da met nabalinan,” kunen na.

Lukas 9:42

Ket ito umad-adenni pekkem to ebbing ito edyan ne̍ Je̍sus, nitucbang mettin nito sairu, ket pinagkessiw na pe̍ yin. Ngem binilin ne̍ Je̍sus to sairu nga pumanawin. Ket pinalaing na ngarud to ebbing, se̍ na niyawat e̍ ama na.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 20:27

Ket se̍ na kinunen ngarud e̍ Tumas, “Singem ngarud diya imac, ket karasawem mun. Ket se̍ ipalbut mu ya ima mun iya le̍pyong ku. Ipac mu ngarud ya panagduwaduwa mun, ket mamati kan!” kunen na.

Aramid 13:18

Ket ito pimanaw da ka E̍hiptu win, unus eppat nga pulu nga dagun da nga nagali-alis enna away, ket inanusan ne̍ Apu Diyus nga tinulungan da.

Aramid 2:40

Ket nabayag pekkem nge̍ Pe̍dru nga nagpalpalawag nga sipapasnec igida, ket binagbagaan na da nga kinunen na, “Adu diya nakillu nga toley ita nga timpu. Ilisi nu kuma ngarud diya begbeggi nu iya pannakairaman iya pannakadusa da,” kunen na.

Ruma 2:4

Kaynun no pagarup nu nga mabalin nu nga namnamaen ya dackel nga kinaasi, kinaanus, se̍ panagibtur ne̍ Apu Diyus. Di kayu kad emmu nga ya asi ne̍ Apu Diyus, ipaay na met dakayu tasun agbabawi kayu kuma?

He̍briyu 3:19

Dikad pe̍ maawatan tida ngarudin nga gapu ta madi da gabay ya mamati igina itun, ket madi da met nalak-aman ya pagtalnaan da.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:2

Ta no dactida, naipakaemmu met pe̍ dactidan ya Makaparagsac nga Damag, nga agten pe̍ kadito am-ama tida itun. Ngem no igida, awan mamaay niya kagi ne̍ Apu Diyus nga nagicna da, ta di da met inawat nga sipapati.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.