Lukas 9:35 - Ya Baru nga Tulag

³⁵ Ket uwed pe̍ timec nga timaud ito ulep, nga kinunen na, “Itu yani ya Anac ku nga pinilic. Ipangag nu ngarud ya kagi na!” kunen na.

Lukas 9:35 Iomraidhean Croise

Matyu 12:18

“Igina yani ya eb-ebbonec, nga pinilic. Igina ya patpatgec nga pakaay-ayuwac. Ibon ku nad ya Ispirituc nga mangbulun igina, ket ipakaemmu na kadiya bekken nga Hudyu ya nalinteg nga panagkeddeng ku.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Markus 1:11

Ket uwed pe̍ timec nga nagicna antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 9:34

Ket ito madama pekkem nga agkagkagi nge̍ Pe̍dru, uwed met ulep nga nagparang nga nangbugus igida. Ket nansing ngarud dito adalan ito nasingen da nga nagpasegged to ulep nga nangbugus igidan.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 3:15

Ket laglagipen nu kuma pe̍ ya kaipapennan nito kinagi na nga, “Ita nga timpu, no magicna nun ya kagi ne̍ Apu Diyus, madi kayu agsukir igina nga agten ito panaglucsew dito am-ama nu igina itun.”

He̍briyu 5:9

Ket ito nakasagana nge̍ Je̍susin para iya awan pagkurangan na nga saad na, igina ya nagbalin nga pakaisalakanan ka agnanayun diya amin nga agtungpal igina.