Lukas 9:33 - Ya Baru nga Tulag

³³ Ket ito pumanpanawin dito duwa nga lalaki iya edyan ne̍ Je̍sus, kinunen ne̍ Pe̍dru igina, “Mistru, nabaru ya kauwed tida idi. Mangariman kami kuma ka tellu nga pagliduman: ya isa para ikew, isa para e̍ Muyse̍s, se̍ isa para e̍ E̍lyas,” kunen na. Ngem kinagi na ngas yan ta madi na emmu ya tumutup nga kagiyen na.

Lukas 9:33 Iomraidhean Croise

Matyu 17:14

Ket ito nakadateng de̍ Je̍sus ito edyan diya toltoley, uwed met isa nga lalaki nga nawe̍ nagparintumeng iya sangu ne̍ Je̍sus.

Matyu 17:4

Ket e̍ Pe̍dru, kinunen na met e̍ Je̍sus, “Apu, nabaru ya kauwed tida idi! Ket no gabay mu, mangariman nac ka tellu nga pagliduman idi: ya isa para ikew, isa para e̍ Muyse̍s, se̍ isa para e̍ E̍lyas,” kunen na.

Markus 10:38

Ket kinunen met ne̍ Je̍sus igida, “Madi nu met maawatan ya kaipapennan niyan nga ad-adngen nu. Ape̍? Kabaellan nu kad nga itured ya panagsagaba nga lak-amec, nga rigat nga arig nga inumec? Se̍ kabaellan nu kad nga itured ya masapul ku nga itured, nga arig nga pakabautisarac?” kunen na.

Lukas 5:5

Ket kinunen ne̍ Simon, “Mistru, nagwacwakas kami met nga nagkalap, ngem awan pulus naalac mi. Ngem orey agten iyan, no iwayat mi nga kunem, tungpalec ngarud ya kagim,” kunen na.

Lukas 9:34

Ket ito madama pekkem nga agkagkagi nge̍ Pe̍dru, uwed met ulep nga nagparang nga nangbugus igida. Ket nansing ngarud dito adalan ito nasingen da nga nagpasegged to ulep nga nangbugus igidan.

Lukas 9:49

Ket kinunen ne̍ Juan, “Mistru, uwed nasingen mi nga isa nga lalaki nga mangpatpatalew ka sairu gapu iya panangusar na iya nagan mu. Ket nilbec mi ngarud, ta bekken tida met nga kabulun,” kunen na.

Juan 14:8

Ket e̍ Pe̍lipe̍, kinunen na e̍ Je̍sus, “Ipasingem kay dakami ya Ama, Apu, tasun mapnec kamin,” kunen na.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.