Lukas 9:31 - Ya Baru nga Tulag

³¹ Ket nadayag met pe̍ to langa da. Ket nakitkitbar da e̍ Je̍sus maipanggep iya panangtungpal na iya ipapanaw na idi nga lubung nad no dumateng enna He̍rusale̍m.

Lukas 9:31 Iomraidhean Croise

Lukas 9:22

Ket kinunen pe̍ ne̍ Je̍sus igida, “Kinapudnu na, ya Anac nga Naipatoley, masapul nga aglak-am nad ka adu nga rigat. Ket guraen nad pe̍ diya panglakayen, se̍ diya pangpangulu diya agsirsirbi iya Te̍mplu, se̍ diya manursuru iya Linteg. Masapul met pe̍ nga mapatey, ket mapaungar nad mettas iya maikatlu nga algew,” kunen na.

Lukas 9:30

Pagamwan nas nga uwed pe̍ duwa nga lalaki nga makitkitbar e̍ Je̍susin, nga itu met to Muyse̍s se̍ to E̍lyas.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

2 Kurintu 3:18

Dikad pe̍ dactida nga amin nga mamati e̍ Kristu, maiyarig tida ka sarming nga pakasingnan iya kinadayaw niya Apu, nga awan dactidan to arig nga manglinged. Ket kankanayun tida nga mapabaru gapu iya Apu, nga itu ya Ispiritu, tasun maitutup tida kuma iya kinadayaw na.

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.

Kulusas 3:4

Ket nad no agparang manin nge̍ Kristu nga pagtaudan mettas nidi nga biyag nu, ket maiparangarang kayu nad pe̍ iginan, nga itu nad ya pannakairaman nu iya pakaidayawan nan.

He̍briyu 11:22

Ket to Huse̍ pe̍, gapu ta uwed panamati na, ito dandani nga matey yin, linaglagip na to kari, nga makatalew nad kanu enna E̍hiptu dito kapututan nito Israe̍l. Ket nibilin na ya pamaayen da nad kuma iya bangkay na, sigun ito panamati na maipanggep kadiya mapasamac iya maadpangan.

1 Pe̍dru 5:10

Ket e̍ Apu Diyus mettas nga pagtaudan niya amin nga siaayat nga asi, se̍ ya nangpili dakayu nga mairaman iya agnanayun nga pannakaidayaw na gapu e̍ Kristu. Ket igina mettas ya mangan-anay nad dakayu, no malpas yan nga e̍teng nga panagrigat nu. Ket patalgedden nakayu se̍ pabilgen nakayu nad pe̍.

2 Pe̍dru 1:15

Itu nga wanglec ngarudin amin nga kabaellac ita, tasun malaglagip nu kuma nga pe̍yeng diyan nga banbanag, orey nad no awan nac kun.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.