Lukas 9:28 - Ya Baru nga Tulag

²⁸ Ket ito makalawasin nanipud ito nangagi ne̍ Je̍sus kaditun, nibulun ne̍ Je̍sus de̍ Pe̍dru, Juan se̍ e̍ Santiyagu, ket nanang-at da ka tageytey, tasun agkararag.

Lukas 9:28 Iomraidhean Croise

Matyu 14:23

Ket kalpasan nito panangpaawir na kadito toltoley, nanang-at nga is-isa ka tageytey, nga nawe̍ nagkararag. Ket ito gumicbet tin, uwed pekkem nge̍ Je̍sus nga agis-isa ito tageytey.

Matyu 5:1

Ket ito nasingen ne̍ Je̍sus dito nakad-adu nga toley, nanang-at ka tageytey. Ito nakatugew antuni nin, imadenni igina diya pasurut na.

Markus 1:35

Ket iya parbangun pekkem ito kadamlag na, bimangun nge̍ Je̍sus, se̍ pimanaw ito ili nga nawe̍ ka lugar nga awan matagtagitoley na. Ket nagkararag antuni nin.

Markus 6:46

Ket ito nagpakada nge̍ Je̍sus kadito toltoley yin, pimanaw pe̍ yin nga nanang-at ka tageytey, nga nawe̍ nagkararag.

Lukas 3:21

Ket agten idi to napasamac itun: Ito pannakabautisar dito adu nga toltoley, nairaman met pe̍ nge̍ Je̍sus nga nabautisaran. Ket ito agkarkararag pekkem nge̍ Je̍sus, arig met nga nalukatan ya langitin.

Lukas 5:16

Ngem masansan nga agpacni nge̍ Je̍sus, nga mawe̍ iya away, tasun agkararag.

Lukas 6:12

Ket iya isa nga algew itun, nawe̍ nanang-at nge̍ Je̍sus iya isa nga tageytey, tasun agkararag. Ket nagwakas met ennan nga nagkarkararag e̍ Apu Diyus.

Lukas 8:51

Ket ito sinumpuc de̍ Je̍sus iya baley, de̍ ngas Pe̍dru, Juan, Santiyagu, se̍ to ama se̍ ina nito ebbing ya nipalubus na nga mibulun igina nga lumnec.

Lukas 9:18

Ket ito name̍nsan, uwed nge̍ Je̍sus se̍ dito adalan na iya isa nga lugar nga awan matagtagitoley na, ket nagkarkararag nge̍ Je̍sus antuni ito ig-igidan. Ket kinunen na igida, “Nagan na ya pangipagarupan diya toley iyaken?” kunen na.

Juan 6:3

Ket itun, e̍ Je̍sus se̍ dito adalan na, nanang-at da iya isa nga tageytey, ket nagtugew da antuni.

2 Kurintu 13:1

Idi nga isasacwar ku dakayu, itu ya maikatlu win. Ket no uwed mayat nga mangpabasul iya kapada na iyan nga edyan nu, laglagipen na kuma to naisurat iya Bibliya nga kunen na, “No uwed mangpabasul, masapul nga uwed duwa winno tellu nga mangpanecnec maipanggep iya ipabasul na, tasun mapatalgeddan.”

He̍briyu 5:7

Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.

2 Pe̍dru 1:16

Bekken met nga sarsarita nga pinataud ngas niya nasirib nga toley to nisuru mi dakayu, ito nipakaemmu mi dakayu ya pannakabalin niya Apu tida nga Je̍su Kristu se̍ ya umbe̍t na nad manin. Bekken ngarud nga agten iyan, ta dakami mettas ya mismu nga nakasingen iya dackel nga kinaturay na.