Lukas 9:26 - Ya Baru nga Tulag

²⁶ Tutu met nga diya toley nga mangiyalyew iyaken se̍ kadiya isursuruc, ket iyalyew nad met pe̍ niya Anac nga Naipatoley, no umbe̍t nad nga sidadayaw gapu iya mismu nga dayaw na, se̍ gapu iya panangipadayaw igina niya Ama se̍ diya nadayaw nga anghe̍le̍s.

Lukas 9:26 Iomraidhean Croise

Matyu 16:27

Agten iyan ngarud, ta agparang nad ya Anac nga Naipatoley nga maibulun pe̍ igina diya anghe̍le̍s na, ket madaydayaw nad mettas gapu iya panangipadayaw niya Ama na igina. Ket itu nad ya panangsupapac na kadiya toltoley yin maikanatad kadiya winangel niya tunggal isa.

Matyu 25:31

“Ket no umbe̍t nad nga sidadayaw ya Anac nga Naipatoley nga maibulun pe̍ igina diya amin nga anghe̍le̍s, agtugew nad nga agari iya trunu na nga pakaidayawan na.

Matyu 26:64

Ket kinunen ne̍ Je̍sus igina, “Nakagi mun. Ket bekken nas nga iyan, ta pudnu met pe̍ nga manipud ita nga timpu, masingen nu ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu pe̍ nga umbe̍t nad manipud iyan, nga nakasakey kadiya ulep nga gayat ka langit,” kunen na met.

Markus 8:38

“Sumurut kayu ngarud iyaken ita nga timpu nga adu diya managbasul se̍ diya pimanaw e̍ Apu Diyus tasun makitipun da ka sabali yin. Ta diya toley ita nga timpu nga mangiyalyew iyaken se̍ kadiya isursuruc, ket iyalyew nad met pe̍ niya Anac nga Naipatoley, no umbe̍t nad nga sidadayaw gapu iya panangipadayaw niya Ama na igina. Ket maibulun nad pe̍ igina diya nadayaw nga anghe̍le̍s,” kunen na.

Juan 12:43

Madi da ngarud nipadpadlaw ya panamati da, gapu ta gabgabay da ya pammadayaw diya toltoley ngem iya panangannamung ne̍ Apu Diyus.

Juan 5:44

“Madi nu ngarud mabalin ya mamati iyaken, ta ya kalikaguman nu, bekken nga ya panangannamung niya is-isa nga Diyus dakayu, no di lugud ya pammadayaw niya pada nu nga toley.

Aramid 10:22

Ket dito naibon, kinunen da, “E̍ Kapitan Kurne̍lyu ya nangibon dakami. Ket e̍ Kapitan Kurne̍lyu, isa nga nalinteg nga toley, se̍ managdayaw e̍ Apu Diyus. Ket orey pe̍ amin diya padam nga Hudyu, raemmen da pe̍. Ket nibon nakami idi, ta uwed kanu isa nga anghe̍l ne̍ Apu Diyus nga mangpaayab igina ikew, tasun denggen na kanu diya ibagam,” kunen da.

Ruma 1:16

Maganatan nac ngarud nga umbe̍t iyan, ta madic ngarud iyalyew ya mangipakaemmu iya Makaparagsac nga Damag. Ta idi nga damag, itu ya pakasingnan iya pannakabalin ne̍ Apu Diyus nga mangisalakan kadiya amin nga mamati. Naipakaemmu kadiya Hudyu se̍ kadiya bekken nga Hudyu, ngem nangnangruna nga naipakaemmu kadiya Hudyu.

2 Kurintu 12:10

Ket iya agten iyan, gapu iya panagsirsirbic e̍ Kristu, pakaragsakac ngas met diya pagkapsutac, se̍ diya pakaiyal-alyewwac se̍ diya pakarigrigatac se̍ pakairurumnac se̍ diya pagladladingitac. Ta emmuc nga ya pagkapsutac, ket itu met yan ya pakapabilgac.

Galasiya 6:14

Ngem no iyaken, pulus met nga madic agpasindayaw kadiya wangwanglen toley. Ta no iyaken, itun nas pannakatey niya Apu tida nga Je̍su Kristu ito krus na ya ipatpateg kun. Ta gapu iya pannakairaman ku ito pannakailansa na ito krus, arig nga nailansa pe̍ nga napirdi yin ito krus na ya pannakaawis ku kadiya wangwangel nga masingen toley. Se̍ arig met nga nisangailansa ngac pe̍ ito krus na, ta naipac iyaken nin to panangipateg ku kadiyan.

1 Timutyu 5:21

Ket ikew, bilinen nakan nga sipapasnec iya imatang mettas ne̍ Apu Diyus se̍ e̍ Kristu Je̍sus se̍ diya napili na nga anghe̍le̍s na, nga tungpalem didi nga pamagbagac. Ket awan kuma ngarud idumdumam nga toley iya panangtungpal mu kadidi, orey nagan na nga toley.

2 Timutyu 1:12

Ket itu ya gapu na nga laklak-amec didi nga rigrigat ku. Ngem orey agten iyan, awan iyalyew ku kadidi, gapu ta em-emmuc met yan nga talkec. Ket siguradu wac met nga igina ya makaaywan iyan nga nitalec na iyaken agingga nad iyan nga Timpu na.

2 Timutyu 2:12

Ket no anusan tida ya panagrigat tida para igina, makipagturay tida nad met igina. Ket no kunen tida nga madi tida em-emmu, kunen na nad met pe̍ nga di nactida em-emmu.

He̍briyu 11:26

Nibilang na ngarud nga namaymayat no mauy-uyaw gapu iya namnama na iya umbe̍t ne̍ Kristu ngem ito kinabacnang nga malak-am na kuma kadito iE̍hiptu. Ta to Muyse̍s, pe̍yeng nga namnamaen na ya igun-guna nad ne̍ Apu Diyus igina.

He̍briyu 13:13

Dikad pe̍ dactida, panawan tida kuma ngarud pe̍ yin diya kaaduwan, ta umadenni tida ngarud e̍ Je̍susin. Arig kuma ngarud nga makibulun tida igina iya nagsagabaan na nga laskig niya kampu, ta anusan tida kuma pe̍ yin ya mauy-uyaw gapu igina.

Hudas 1:14

Ket orey to E̍nuc itun, nga maikapitu ito kapututan nito Adan, uwed nipadtu na itun pekkem maipanggep iya agten kadiyan nga toley. Ta kinunen na ito padtu na, “Denggen nu! Umbe̍t nad met ya Apu agraman diya rinibribu nga anghe̍le̍s na,

Paltiing 1:7

Lemlemtan nu yani, ta umbe̍t manin nge̍ Je̍sus nga male̍cbut ka ulep. Ket masingen nad met niya tunggal isa nga toley, agraman dito nangdoyoc igina. Ket berritan nad met diya toltoley nga uwed kadiya amin nga pagpagiliyan iya lubung ngi. Matungpal met nga tutu yan. Agten iyan ngarudin!

Paltiing 20:11

Ket itun, uwed met nasingec nga isa nga dackel nga trunu nga puraw, se̍ nasingec pe̍ ya agturay nga nakatugew iyan nga trunu. Ket ya abac lawa se̍ ya ginet, nagpukaw da mettin iya imatang na, ket pulus nga madi da masingen nin.

Paltiing 21:8

Ngem dake̍c nad nga gennung ya pagbanagan diya mangiyalyew iyaken, se̍ diya madi mamati iyaken, se̍ diya narugit ya nakem da, se̍ diya pumapatey, se̍ diya makikamalala, se̍ diya makibiyang kadiya sacsairu winno iya panaggamut, se̍ diya agdaydayaw kadiya didiyusen, se̍ diya amin nga managbusid. Ta ya pagbanagan didi, ket maipisuc da nad ngarud ito dackel nga edyan niya gumilgilab nga apuy se̍ burbura nga asupre̍, nga itu ya maikadduwa nga pannakatey,” kunen na.

Paltiing 3:5

Agten nad idi nga puraw ya kawwes diya amin nga maibilang nga mangabac. Ket pulus nga madic nad udasen ya nagan da nga naisurat iya libru nga pakaisuratan diya nagnagan diya mae̍cdan ka biyag nga agnanayun. Ket ipakaemmuc nad nga siaannamung iya imatang niya Amac se̍ kadiya anghe̍le̍s na, nga didi nga sikakawwes ka puraw, ket kuwac.