Lukas 9:22 - Ya Baru nga Tulag

²² Ket kinunen pe̍ ne̍ Je̍sus igida, “Kinapudnu na, ya Anac nga Naipatoley, masapul nga aglak-am nad ka adu nga rigat. Ket guraen nad pe̍ diya panglakayen, se̍ diya pangpangulu diya agsirsirbi iya Te̍mplu, se̍ diya manursuru iya Linteg. Masapul met pe̍ nga mapatey, ket mapaungar nad mettas iya maikatlu nga algew,” kunen na.

Lukas 9:22 Iomraidhean Croise

Matyu 17:12

Ngem agten idi ya kinapudnu na: Inumbe̍t ngarudin to E̍lyas, ngem madi nalasin diya toley, no di lugud winangwangel da igina ya orey nagan na nga ginabgabay da. Ket gapu pe̍ igida, agten nad met pe̍ iyan ya pakarigatan niya Anac nga Naipatoley,” kunen na.

Matyu 17:22

Ket ito nagpaspasyar de̍ Je̍sus se̍ dito adalan na enna prubinsiya nga Galilya, kinunen ne̍ Je̍sus igida, “Ya Anac nga Naipatoley, ket maiyawat nad ngarud kadiya toley,

Matyu 27:63

Ket kinunen da, “Apu, malagip mi nga ito sibibiyag pekkem to mangal-allilaw nga toley, kinunen na nga, ‘Kalpasan nad niya tellu nga algew, agungar rac,’ kunen na met itun.

Markus 8:31

Ket nisursuru met ne̍ Je̍sus itun kadito adalan na ya maipanggep iya Anac nga Naipatoley, nga masapul nga aglak-am ka adu nga rigat. Masapul nga guraen nad pe̍ diya panglakayen diya Hudyu, se̍ diya pangulu diya agsirsirbi iya Te̍mplu, se̍ diya manursuru iya Linteg. Masapul nga mapatey nad met pe̍, ket agungar mettas kalpasan niya tellu nga algew.

Markus 9:31

ta madama nga mangisursuru kadiya adalan na. Ket kinunen na igida, “Ya Anac nga Naipatoley, maiyawat nad ngarud kadiya toley, ket patayen da met. Ket orey matey, agungar nad mettas kalpasan niya tellu nga algew,” kunen na.

Lukas 17:25

Ngem masapul nga aglak-am pekkem ya Anac nga Naipatoley ka adu nga rigat, se̍ guraen nad pe̍ diya toltoley iya ita nga timpu.

Lukas 24:26

Di ngarud masapul nga mona nga agrigat ya Kristu ka agten kadiyan, se̍ kalpasan na, makadateng nad iya pakaidayawan na?” kunen na.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Lukas 24:7

Ta nibaga na met nga masapul nga maiyawat ya Anac nga Naipatoley kadiya toley nga managdacdake̍c, se̍ masapul nga mailansa ka krus, ket agungar mettas iya maikatlu nga algew, kunen na met itun,” kunen dito lalaki.

Lukas 9:44

“Panunuten nu kuma nga nalaing yani nga ibagac dakayu: Tutu met nga maiyawat nad ngarud ya Anac nga Naipatoley kadiya toley nga mangukum igina,” kunen na.

1 Kurintu 15:4

se̍ naitamen itun. Ket ito maikatlu nga algew, napagungar mettas manin, nga maikanatad manin iya naisurat iya Bibliya.

1 Pe̍dru 1:11

Ginabay da ngarud nga emmuwen itun no nagan na se̍ no nungey nga mapasamac ya nipakaemmu niya Ispiritu ne̍ Kristu nga uwed igida, ito nipaipadtu na igida maipanggep iya pannakaparparigat ne̍ Kristu se̍ maipanggep iya pakaidayawan na kalpasan niya panagrigat na.