Lukas 9:20 - Ya Baru nga Tulag

²⁰ Ket kinunen ne̍ Je̍sus igida, “Ngem no dakayu? Nagan ku met iya panagkunen nu?” kunen na. Ket e̍ Pe̍dru to simungbat, nga kinunen na, “Ikew met ya Kristu nga nibon ne̍ Apu Diyus!” kunen na.

Lukas 9:20 Iomraidhean Croise

Matyu 22:42

“No dakayu, nagan ya makunen nu maipanggep iya Kristu? Nagan ngata ya makin-putut igina?” kunen na. Ket kunen dito Parisiyu, “Kapututan ngarud nito Ari Dabid,” kunen da.

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Matyu 5:47

Se̍ agten pe̍ no diyan nas kapada nu ya kablaawan nu, agten kayu was kadiya kaaduwan nga toltoley. Ta orey diya bekken nga toley ne̍ Apu Diyus, agten met pe̍ iyan ya wangwanglen da.

Markus 14:61

Ngem pulus nga madi negkim nge̍ Je̍sus, nga awan nisungbat na. Ket nagsaludsud ngarud manin to kangatuwan nga agsirsirbi iya Te̍mplu nga kinunen na igina, “Kumaan na? Tutu kad aya nga ikew ya Kristu nga Anac mettas niya Kadayawan?” kunen na.

Markus 8:29

Ket nagsaludsud manin nge̍ Je̍sus igida nga kinunen na, “Ngem no dakayu? Nagan ku met iya panagkunen nu?” kunen na. Ket e̍ Pe̍dru to simungbat, nga kinunen na, “Ikew met ya Kristu!” kunen na.

Lukas 22:67

Ket kinunen da e̍ Je̍sus, “Ibagam man dakami no tutu nga ikew ya naipadtu nga Kristu,” kunen da. Ket kinunen ne̍ Je̍sus igida, “Orey no ibagac dakayu, ket madi dac mettas patiyen.

Lukas 9:19

Ket simungbat da nga kinunen da, “E̍ Juan nga Mammautisar ka kanu. Ngem uwed met duduma nga agkunen nga to mammadtu nga E̍lyas ka kanu. Se̍ uwed da pe̍ agkunen nga nagungar kanu ya isa kadito mammadtu itun pekkem,” kunen da.

Juan 1:41

Ket e̍ Andre̍s, sigida nga nawe̍ na sinapul nge̍ Simon nga kabsat na, ket nibaga na e̍ Simon, “Nasmac mi ngarudin ya Me̍siyas!” kunen na. (Kagi diya Hudyu ya “Me̍siyas”, nga kayat na nga kagiyen, “Kristu.”)

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 11:27

Ket kinunen ngarud ne̍ Marta igina, “Bo, Apu. Patiyec ngarud nga ikew nga tutu ya Kristu nga Anac ne̍ Apu Diyus, nga naipadtu nga umbe̍t idi nga lubung,” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 4:29

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.

Juan 4:42

Ket dito toltoley, kinunen da ito babey, “Mamati kami ngarudin, ngem bekken nas nga gapu ito kagi mun, no di lugud gapu ta dakami nga mismu ya nakagicna iginan. Ket itu ya pakaemmuwan mi nga tutu nga igina ya naibon nga Mangisalakan kadiya toltoley iya lubung ngi,” kunen da.

Juan 7:41

Ket diya duduma, kinunen da, “Igina met ya Kristu!” Ngem uwed da met pe̍ nagkunen, “Siyac bekken! Ta bekken kanu nga Galilya ya pagtaudan niya Kristu!

Aramid 17:3

Nilawlawag se̍ nipanecnec na igida to naisurat iya Bibliya, nga masapul nga agrigrigat se̍ matey ya Kristu nga nikari ne̍ Apu Diyus, se̍ kalpasan na, agungar. Ket kinagi ne̍ Pablu igida, “Idi nga Je̍sus nga ibagbagac dakayu, itu met yan ya Kristu nga nibon ne̍ Apu Diyus,” kunen na.

Aramid 8:36

Ket ito agluglugan da pekkem, uwed danum nga mataliban da. Ket kinunen nito upisyal, “Kad ya danum! Di ngarud nabaru no agpabautisar rac kun?” kunen na.

Aramid 9:22

Ngem orey agten iyan ya kinunkunen dito toltoley, bimilbileg latta to panangikaskasaba ne̍ Saulu, agingga ka madi makaskasungbat iginan dito Hudyu ka Damasku. Ta nilawlawag ne̍ Saulu nga nalaing nga e̍ Je̍sus, ket igina nga tutu ya Kristu nga nibon ne̍ Apu Diyus.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.