Lukas 9:19 - Ya Baru nga Tulag

¹⁹ Ket simungbat da nga kinunen da, “E̍ Juan nga Mammautisar ka kanu. Ngem uwed met duduma nga agkunen nga to mammadtu nga E̍lyas ka kanu. Se̍ uwed da pe̍ agkunen nga nagungar kanu ya isa kadito mammadtu itun pekkem,” kunen da.

Lukas 9:19 Iomraidhean Croise

Matyu 14:2

Ket to ari, nagkagi met kadiya eb-ebbonen na maipanggep e̍ Je̍sus, nga kinunen na, “Igina mettas yan to Juan nga Mammautisar. Nagungar mettin! Itu ya gapu na nga uwed iyan nga toley ya pannakabalin nga mangariman kadiya agten kadiyan nga nadamag tida,” kunen na.

Matyu 3:1

Ket itun nga timpu, nagpakaemmu nge̍ Juan nga Mammautisar. Nangaskasaba enna away iya prubinsiya nga Hudya,

Markus 6:14

Ket nadamag ngarud nito Ari He̍rude̍s ya maipanggep e̍ Je̍sus, ta nagdindinamag mettin ya maipanggep igina. Ket kinunen met diya duduma, “Igina to Juan nga Mammautisar nga nagungarin! Itu ya gapu na nga uwed iyan nga toley ya pannakabalin nga mangariman kadiya agten kadiyan,” kunen da.

Markus 6:15

Ngem kinunen met diya duduma, “Igina to mammadtu nga E̍lyas.” Ket diya duduma, kinunen da nga, “Isa nga mammadtu met, nga agten mettas kadito mammadtu itun,” kunen da.

Lukas 9:18

Ket ito name̍nsan, uwed nge̍ Je̍sus se̍ dito adalan na iya isa nga lugar nga awan matagtagitoley na, ket nagkarkararag nge̍ Je̍sus antuni ito ig-igidan. Ket kinunen na igida, “Nagan na ya pangipagarupan diya toley iyaken?” kunen na.

Lukas 9:20

Ket kinunen ne̍ Je̍sus igida, “Ngem no dakayu? Nagan ku met iya panagkunen nu?” kunen na. Ket e̍ Pe̍dru to simungbat, nga kinunen na, “Ikew met ya Kristu nga nibon ne̍ Apu Diyus!” kunen na.

Juan 1:21

Ket dito naibon, sinaludsud da manin nga kinunen da, “No agten iyan, nagan mu ngarud? To mammadtu nga E̍lyas ka kadi?” kunen da. Ket nisungbat nito Juan, “Bekken met,” kunen na. Ket kinunen da manin, “Ikew kadi ya naikari nga Mammadtu nga padpadaanan mi?” kunen da. Ket kinunen nito Juan manin, “Bekken met,” kunen na.

Juan 1:25

Ket nagsaludsud da manin ito Juan nga kinunen da, “No bekken nga ikew ya Kristu, winno to E̍lyas, winno ya naikari nga Mammadtu, ape̍ ngarud nga mamautisar ka?” kunen da.

Juan 7:40

Ket ito nagicna dito toltoley yan nga nibaga ne̍ Je̍sus, kinunen diya duduma, “Siguradu nga igina ya Mammadtu nga naikari dactida!” kunen da.

Juan 9:17

Ket iya agten iyanin, pinalutput manin dito Parisiyu to lalaki nga nalaingan nga kulap, nga kinunen da, “Ikew, nagan ya makunem maipanggep igina? Ta ikew met ya akin-mata kadiya pinalaing na,” kunen da. Ket kinunen nito nalaingan nga kulap, “No iyaken, isa nga mammadtu tuni ya panagkunec,” kunen na.