Lukas 9:1 - Ya Baru nga Tulag

¹ Ket iya isa nga algew, pinagurnung ne̍ Je̍sus dito sangapulu ket duwa nga adalan na. Ket nitalec na igida ya pannakabalin se̍ turay nga mangpatalew ka orey nagan na nga sairu, se̍ mangagas kadiya sacsakit.

Lukas 9:1 Iomraidhean Croise

Matyu 16:19

Italec ku nad ikew ya maiyarig kadiya tulbec niya pagiturayan niya Nailangitan. Ket ya orey nagan na nga iparit mu idi nga lubung, itu met ya maiparit enna langitin. Se̍ ya orey nagan na nga ipalubus mu idi nga lubung, itu pe̍ yin ya maipalubus enna langit,” kunen na.

Matyu 4:24

Ket iya agten iyan, nagdinamag met pe̍ nge̍ Je̍sus iya amin nga parte̍ niya prubinsiya nga Sirya. Ket nipen ngarud diya toltoley igina diya amin nga uwed dipe̍re̍nsiya winno pakarigatan da, nga agten kadiya naluganan ka sairu, diya agkeskessiw, se̍ diya madi makakiwa ya beggi da. Ket pinalaing ngarud ne̍ Je̍sus da.

Matyu 8:9

Emmuc nga mabalin ya agten iyan, ta orey iyaken, uwed pe̍ mangituray iyaken, se̍ uwed da met iturayac nga suldadu. Ket no ibon ku ya isa, ket mawe̍ met. Se̍ no ‘Umbe̍t ka idi,’ kunec iya isa, ket umbe̍t met. Se̍ no ‘Idi ya wanglem,’ kunec iya tagabuc, ket tungpalen na met,” kunen na.

Lukas 10:1

Ket kalpasan diyan, pimili manin ya Apu ka pitu nga pulu ket duwa nga toley, ket nibon na da nga sinagduduwa, nga mon-ona da nga mawe̍ kadiya tunggal ili se̍ lugar nga dumagasan nad ne̍ Je̍sus.

Lukas 10:19

Tutu met nga ne̍cdan nakayun ka pannakabalin, tasun mabalin nu ya manggudel kadiya malaga se̍ gagamat, nga madi kayu maan-anu, se̍ tasun mangabac kayu iya amin nga pannakabalin nito mangkuntra dactida, ket awan ngarud pakaan-anuwan nu.

Juan 14:12

“Pudnu met yani nga ibagac: Diya mamati iyaken, matulad da met pe̍ diya wangwanglec. Ket bekken nas nga iyan, ta diya mamati iyaken, dacdackel pekkem ya mawangel da nad ngem kadiyan. Tutu met ya agten iyan, ta mawe̍ yac iya pagedyanan mettas niya Ama.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 3:16

Ket gapu ka panamati iya kinaturay ne̍ Je̍sus, nakadalanin yani nga toley. Ta emmu nu nga tutu nga lugpi itun, ngem masingen nu met itan, nga nabileg gin gapu iya kinaturay ne̍ Je̍sus, se̍ iya panamati gapu igina. Itu ya nangpabileg idi nga toley nga masingen nu nga amin itan.

Aramid 4:30

Tulungan nakami kuma pe̍ tasun makapalaing kami kuma kadiya uwed sakit da, se̍ uwed kuma pagilasinan se̍ nakaskasdaaw nga maariman mi pe̍, gapu iya kinaturay ne̍ Je̍sus nga Anac mu nga nalinteg.” Itu diyan dito nikararag da.

Aramid 9:34

Ket e̍ Pe̍dru, kinunen na igina, “E̍nyas, agasan naka nge̍ Je̍su Kristu win. Gumnukat kan, se̍ lukutem ya abec mun,” kunen na. Ket tutu ta dagus nga ginumnukat to E̍nyasin.