Lukas 8:50 - Ya Baru nga Tulag

⁵⁰ Ngem ito nagicna ne̍ Je̍sus yan, kinunen na e̍ Hayru, “Madi ka madanagan. Basta mamati ka ngasin, ket maunayan met ya anac mu,” kunen na.

Lukas 8:50 Iomraidhean Croise

Markus 5:36

Ngem e̍ Je̍sus, kinunen na met e̍ Hayru, “Madi ka madanagan. Basta mamati ka ngasin,” kunen na.

Markus 9:23

Ket kinunen ngarud ne̍ Je̍sus igina, “Ape̍ nga kunem nga, ‘No uwed kabaellam’? Ta ya kinapudnu na, awan met di mabalinan para iya toley nga mamati,” kunen na.

Lukas 8:48

Ket kinunen ne̍ Je̍sus igina, “Anac ku, nalaingan kan gapu iya panamatim. Agawir ka nga sitatalna kuma ngasin,” kunen na.

Lukas 8:51

Ket ito sinumpuc de̍ Je̍sus iya baley, de̍ ngas Pe̍dru, Juan, Santiyagu, se̍ to ama se̍ ina nito ebbing ya nipalubus na nga mibulun igina nga lumnec.

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 11:40

Ngem kinunen ne̍ Je̍sus igina, “Di yac kad nibaga ikew nga no mamati ka, masingem ya pakaidayawan ne̍ Apu Diyus?” kunen na.

Ruma 4:17

nga agten iya kunen ne̍ Apu Diyus iya Bibliya maipanggep igina, nga kunen na, “Pinagbalin naka nga ama diya adu nga toltoley kadiya adu nga il-ili,” kunen na. Ket iya agten iyan, siguradu nga matungpal yan nga kari ne̍ Apu Diyus. Ket e̍ Apu Diyus nga pinati ne̍ Abraham, itu mettas ya Diyus nga mangpaungar kadiya natey se̍ ya mangpauwed gapu iya bilin na kadiya awan pekkem.

Ruma 4:20

Ngarud, orey agten iyan, madi met kimapuy to panamati nito Abraham itun, itu nga madi met nagduwaduwa iya panamati na ito kari ne̍ Apu Diyus igina. Ket napabileg met itun iya panamati na, ket nagdaydayaw pe̍ e̍ Apu Diyus.